Last Updated: 10 year 11 month ago
20:11
ބައިނަލްއަގްވާމީ ފުޓްބޯޅައިގައި އަފްޣާނިސްތާން އަތުން ފުރަތަމަ ފަހަރަށް ރާއްޖެ ބަލިވެ، ސާފް ސުޒުކީ ކަޕްގެ ސެމީ ފައިނަލްގައި، މުބާރާތް ބާއްވާ ގައުމުކަމަށްވާ އިންޑިއާއާ ދެކޮޅަށް ކުޅެން އަނެއްކާވެސް ރާއްޖެއަށް ޖެހިޖެއެވެ.
އަފްޣާން ޓީމުން މި މެޗު ކާމިޔާބުކުރީ 4-1 ލަނޑުގެ ތަފާތުބޮޑު ނަތީޖާއަކުންނެވެ.
އެންމެ ފަހުން 2013 ވަނަ އަހަރު ނޭޕާލްގައި ބޭއްވި ސާފް ޗެމްޕިއަންޝިޕް މުބާރާތުގެ ސެމީ ފައިނަލްގައި ވެސް ރާއްޖެ ވާދަކުރާން ޖެހުނީ އިންޑިއާއާ ދެކޮޅަށެވެ. އެފަހަރު އިންޑިއާއަތުން ރާއްޖެ ބަލިވ،ީ ނޭޕާލްގެ ދަސަރަތު ރަންގަސަލާ ސްޓޭޑިއަމްގައި ކުޅުނު ސެމީފައިނަލް މެޗުގެ 86 ވަނަ މިނިޓްގައި އަރްނަބް މޮންޑަލް ކާމިޔާބުކޮށްދިން ލަނޑުންނެވެ.
މިފަހަރުގެ ސެމީގައި ރާއްޖެއާއި އިންޑިއާ ބައްދަލުކުރާ މެޗު އޮންނާނީ، އަންނަ ބުރާސްފަތި ދުވަހު މެންދުރު ފަހު އިންޑިއާ ގަޑިން 15:30ގައި ޓްރިވެންޑްރަމް އިންޓަނޭޝަނަލް ސްޓޭޑިއަމްގައެވެ. އަދި ދެވަނަ ސެމީގައި އަފްޣާނިސްތާނާއި ސްރީ ލަންކާ ބައްދަލުކުރާ މެޗު އޮންނާނީ އެދުވަހު ހަވީރު އިންޑިއާ ގަޑިން 6:30ގައެވެ.
މިއަދުގެ މެޗަށް ރާއްޖޭގެ ޓީމުން ނުކުތީ ފުރަތަމަ 11އަށް ބޮޑެތި ބަދަލުތަކެއް ގެނެސްގެންނެވެ. އެގޮތުން ކެޕްޓަން އަލީ އަޝްފާގު (ދަގަނޑޭ) އާއި އަހްމަދު އިމާޒް (އާއްކޮ)، އަސްހަދު އަލީ (އަޑޭ)، ހަމްޒާ މުހައްމަދު (ހަމްޕު) އަދި އަލީ އަމްދާން (އެންޑީ) މިއަދުގެ މެޗު ފެށިއިރު ތިބީ ބެންޗުގައެވެ.
މީގެ ކުރީން ރާއްޖެ އަތުން މޮޅުވެފައި ނުވާ އަފްޣާން ޓީމަށް މިއަދު ރާއްޖޭގެ ގޯލް ހުޅުވާލަ ދިނީ މެޗުގެ 20 ވަނަ މިނިޓްގައި އެޓީމުގެ ކެޕްޓަން ފައިސަލް ޝައެސްތާއެވެ. ރާއްޖޭގެ ޕެނަލްޓީ އޭރިޔާގެ ބޭރުން ސައެސްތާއަށް ލިބުނު ބޯޅަ ރާއްޖޭގެ ޑިފެންޑަރުން ބީޓުކޮށްފައި ވަރަށް ރީތިކޮށް އޭނާ ވަނީ ގޯލްތެރެއަށް ބޯޅަ ފޮނުވާލައިފައެވެ.
އަފްޣާން ޓީމުން ލަނޑު ޖެހިތާ 12 މިނިޓް ފަހުން ރާއްޖޭ ޓީމުގެ އަލީ ފާސިރު (ސެންޓޭ) ވަނީ، ލަނޑެއް ކާމިޔާބުކޮށް ރާއްޖެއަށް މެޗުގެ ނަތީޖާ ހަމަހަމަކޮށްދީފައެވެ. ސެންޓޭ ވަރަށް ރީތިކޮށް އަފްޣާން ޕެނަލްޓީ އޭރިޔާތެރެއަށް ވަދެ ގޯލް ކީޕަރުވެސް ކަޓުވާލާފައި ގޯލް ތެރެއަށް ބޯޅަ ފޮނުވާލައިގެން ކާމިޔާބުކުރި މި ލަނޑަކީ މި މުބާރާތުގައި އަފްޣާން ގޯލަށް ވަން ފުރަތަމަ ލަނޑެވެ.
ރާއްޖެ މެޗުގެ ނަތީޖާ ހަމަކުރިތާ 2 މިނިޓް ފަހުން އަފްޣާން ޓީމުން ވަނީ ދެވަނަ ފަހަރަށް މެޗުގެ ކުރި ހޯދައިފައެވެ. މެޗުގެ 32 ވަނަ މިނިޓްގައި އެޓީމަށް ލަނޑު ޖަހައިދިނީ، މިޑްފީލްޑަރު އޮމިޑް ޕޮޕަލްޒީއެވެ. މި ނަތީޖާއާއެކު ފުރަތަމަ ހާފް ނިމުނީ 2-1 އިން އަފްޣާން ކުރީގައި އޮވެގެންނެވެ.
އަފްޣާން ޓީމުން ތިންވަނަ ލަނޑު ކާމިޔާބުކުރީ މެޗުގެ 51 ވަނަ މިނިޓްގައެވެ. އެޓީމަށް ލިބުނު ކޯނަރެއް ރާއްޖޭ ކުޅުންތެރީން ކްލިއަކޮށްލުމުން ޕެނަލްޓީ އޭރިޔާގެ ރޮނގުމަތީން އަހްމަދު އާރާޝް ހަތީފީއަށް ލިބުނު ބޯޅަ އޭނާ ވަނީ ވަރަށް ރީތިކޮށް ގޯލްތެރެއަށް ފޮނުވާލައިފައެވެ.
އަފްޣާންގެ 4 ވަނަ ލަނޑު ކާމިޔާބުކުރީ އޭގެ ތިން މިނިޓް ފަހުންނެވެ. އެޓީމުގެ ދެވަނަ ލަނޑު ކާމިޔާބުކޮށްދިން ޕޮޕަލްޒީ އަފްޣާންގެ ހަތަރު ވަނަ ލަނޑު ޖަހައި ދިނީ 54 ވަނަ މިިނިޓްގައެވެ.
ގައުމީ ޓީމުގެ ކޯޗް ރިކީ ހާބަޓް ފަހު ހާފުގައި ރާއްޖޭ ޓީމަށް ބަދަލުތަކެއް ގެނައެވެ. އެގޮތުން އަސަދުﷲގެ ބަދަލުގައިހަމްޒާ މުހައްމަދު، އަހްމަދު ނާޝިދުގެ ބަދަލުގައި އަލީ އަޝްފާގު އަދި މުހައްމަދު އާރިފްގެ ބަދަލުގައި އިބްރާހީމް އަބްދުﷲ ކުޅެން އެރުވި ނަމަވެސް ރާއްޖޭ ޓީމަށް މެޗުގެ ނަތީޖާއާ އިތުރަށް ކުޅެލެވޭ ގޮތެއް ނުވިއެވެ.
އަފްޣާން ޕެނަލްޓީ އޭރިޔާ ތެރެއަށް ބޯޅަ ހިފައިގެން ވަދެ، އެޓީމުގެ ދެ ޑިފެންޑަރުން ކައިރިން ނައްޓާލާފައި ދަގަނޑޭ ވަރަށް ބާރަށް ފޮނުވާލި ބޯޅަ ހަސަން އަމީންގެ ފައިގައި ޖެހިފައި ކޯނަރަކަށް ބޭރު.
ދެވަނަ ހާފް ފަށައިފި.
ފުރަތަމަ ހާފް ނިމިއްޖެ.
އަފްޣާންގެ ދެވަނަ ލަނޑު ޖެހީ އެޓީމަށް ރާއްޖޭގެ ޕެނަލްޓީ އޭރިޔާގެ ބޭރުން ލިބުނު ހިލޭ ޖެހުމެއް ގޯލްތެރެއަށް ފޮނުވާލައިގެން. އެލަނޑު ކާމިޔާބުކޮށްދިނީ، އޮމިޑް ޕޮޕަލްޒީ.
ރާއްޖޭ ޕެނަލްޓީ އޭރިޔާގެ ބޭރުން ސައެސްތާއަށް ލިބުނު ބޯޅަ ރާއްޖޭގެ ޑިފެންޑަރުން ބީޓުކޮށްފައި ވަރަށް ރީތިކޮށް އޭނާ ވަނީ ގޯލްތެރެއަށް ބޯޅަ ފޮނުވާލާފައި.
މެޗު ފަށައިފި.
ރާއްޖޭ ޓީމުގެ ފުރަތަމަ 11:
އިމްރާން މުހައްމަދު –ކ- ، - ގކ -
- ޝާފިއު އަހުމަދު (ޝާފީ)
- އަހްމަދު އަބްދުﷲ (ލިލީ)
- ސަމްދޫހް މުހައްމަދު
- ސަމޫހް ޢަލީ (ސަމުއްޓޭ)
- މުޙައްމަދު ޢާރިފް (ބަކާ)
- އަސަދުﷲ ޢަބްދުﷲ (އަސައްކޮ)
- އިސްމާޢިލް ޢީސާ (މެސީ)
- ޙަސަން ނާއިޒު (ދާދު)
- ޢަލީ ފާސިރު ( ސެންޓޭ)
- އަހްމަދު ނާޝިދު (ނާއްޓޭ)
