Last Updated: 10 year 11 month ago
ޓްރިވެންޑްރަމް އިންޓަނޭޝަނަލް ސްޓޭޑިއަމުން އަހްމަދު މުޖްތަބާ، ޙުސައިން ހަބީބު.
ސާފް ސުޒުކީ ކަޕްގައި އިންޑިއާ އާ ނޭޕާލް ބައްދަލުކުރާ މެޗުގެ ލައިވް ކަވަރޭޖަށް މަރުހަބާ.
މިއަދުގެ މެޗަށް މިދެޓީމު ނުކުންނައިރު:
މި ދެޓީމު ވަނީ 16 ފަހަރު ބައްދަލުކޮށްފައި.
- އިންޑިއާ ވަނީ 10 ފަހަރު ނޭޕާލް އަތުން މޮޅުވެފައ.ި
- ނޭޕާލް އިންޑިއާ އަތުން މޮޅުވެފައި ވަނީ 2 ފަހަރު.
- 4 މެޗު ވަނީ ދެޓީމު އެއްވަރުވެގެން ނިމިފައި.
ސާފް ސުޒުކީ ކަޕްގެ ގްރޫޕް "އޭ"ގެ އެންމެ ފަހު މެޗުގައި މިއަދު އިންޑިއާ އާއި ނޭޕާލް ބައްދަލު ކުރި މެޗުގައި ނޭޕާލުން ލަނޑެއް ކާމިޔާބުކޮށްފައި ވަނިކޮށް ފަހަތުން އަރައި 4-1 އިން އިންޑިއާ މޮޅުވުމުން ނޭޕާލް މި މުބާރާތުން ކަޓައި ގްރޫޕްގެ އެއްވަނަ ޓީމުގެ ގޮތުގައި އިންޑިއާ އަދި ދެވަނަ ޓީމުގެ ގޮތުގައި ސްރީ ލަންކާ ސެމީ ފައިނަލަށް ދަތުރުކޮށްފިއެވެ.
ޓްރިވެންޑްރަމް އިންޓަނޭޝަނަލް ސްޓޭޑިއަމްގައި މިއަދު ކުޅުނު މެޗުގެ 3 ވަނަ މިނިޓްގައި ނޭޕާލްގެ ބިމާލް ގަރުތީ މަގަރު ވަނީ ލަނޑެއް ކާމިޔާބުކޮށް އެޓީމަށް މެޗުގެ ކުރި ހޯދައިދީފައެވެ. އެހެން ނަމަވެސް، އިންޑިއާ ޓީމުން އިތުރަށް ކުޅުން ރަނގަޅުކޮށް ފުރަތަމަ ހާފް ނިމުމުގެ ކުރިން ވަނީ މެޗުގެ ނަތީޖާ ހަމަހަމަކޮށްފައެވެ. މިޑްފީލްޑަރު ރޯލިން ބޯޖަސްއަށް ނޭޕާލްގެ ގޯލް އޭރިޔާގެ އަރިމަތިން ލިބުނު ބޯޅަ އޭނާ ވަނީ ވަރަށް ރީތިކޮށް ގޯލް ދާގަނޑުގެ މެދަށް ފޮނުވާލައިގެން މެޗުގެ 25 ވަނަ މިނިޓްގައި އިންޑިއާއަށް މެޗުގެ ނަތީޖާ ހަމަހަމަކޮށްދީފައެވެ.
ދެޓީމުގެ ފަރާތުންވެސް ގިނަ ހަމަލާތަކެއް ފެނިގެން ދިޔަ މެޗުގައި އިންޑިއާއަށް ފުރަތަމަ ފަހަރަށް ލީޑު ނަގައި ދިނީ 67 ވަނަ މިނިޓްގައި އެޓީމުގެ ކެޕްޓަން ސުނިލް ޗެތުރީ އެވެ. ފޯވާޑް ހަލީ ޗާރަން ނަޒްރީ ވަރަށް ރީތިކޮށް ނޭޕާލް ޕެނަލްޓީ އޭރިޔާ ތެރޭގައި ހުރި ޗެތުރީއަށް ޖައްސާލި ބޯޅަ ޗެތުރީ ވަނީ ކީޕަރު ކިރަން ކުމާރު ލިމްބޫއަށް ވިސްނައިލާނެ ފުރުސަތެއް ވެސް ނުދީ ގޯލް ތެރެއަށް ފޮނުވާލައިފައެވެ.
އިންޑިއާގެ ފަހު ދެލަނޑު ކާމިޔާބުކޮށްދިނީ ފަހުހާފުގައި ސަންޖޫ ޕްރަދާންގެ ބަދަލުގައި ކުޅެން ކުޅެން އެރި، ޒުވާން ފޯވާޑް ލައްލިއަން ޒޯލާ ޗަންޓޭއެވެ. އުމުރުން އެންމެ 18 އަހަރުގެ ޗަންޓޭއަކީ އިންޑިއާ ޓީމަށް މިހާތަނަށް ލަނޑު ޖަހައިދިން އެންމެ ޒުވާން ކުޅުންތެރިޔާއެވެ. އަދި މިއަދުގެ މެޗަކީ އޭނާ އިންޑިއާ ޓީމަށް ކުޅުނު ދެވަނަ މެޗެވެ.
އޭނާ ފުރަތަމަ ލަނޑު ކާމިޔާބުކުރީ، 81 ވަނަ މިނިޓްގައި ނޭޕާލް ޕެނަލްޓީ އޭރިޔާތެރެއިން ރޮނގުކައިރިން ލިބުނު ބޯޅައެއް ވަރަށް ބާރަށް ގޯލްތެރެއަށް ފޮނުވާލައިގެންނެވެ. އަދި ދެވަނަ ލަނޑު ކާމިޔާބުކުރީ، މެޗުގެ ފުރިހަމަ ވަގުތުގެ އެންމެ ފަހު މިނިޓްގައި ބޯޖަސް ނޭޕާލްގެ ޕެނަލްޓީ އޭރިޔާތެރެއަށް ހުރަސްކޮށްލި ބޯޅަ ބޮލުން ޖަހައި ގޯލްތެރެއަށް ފޮނުވާލައިގެންނެވެ.
މެޗު ނިމިއްޖެ. މި ނަތީޖާއާއެކު ނޭޕާލް މިވަނީ ޕޮއިންޓެއް ނުލިބި މުބާރާތުން ކަޓާފައި. އަދި އިންޑިއާ އާއި ސްރީ ލަންކާ މި ވަނީ ގްރޫޕް އޭއިން ސެމީ ފައިނަލަށް ގޮސްފައި.
ނޭޕާލް ޕެނަލްޓީ އޭރިޔާ ތެރޭން ޗަންޓޭއަށް ލިބުނު ބޯޅަ ގޯލްގެ ތެރެއަށް ފޮނުވާލީ ބޮލުންޖައި. ކީޕަރު ކިރަން ބޯޅައަށް އެރި ނަމަވެސް އޭނާގެ އަތުގައި ނުޖެހި ބޯޅަ ގޯލް ތެރެއަށް ވަނީ.
އިންޑިއާ ޓީމުން ބަދަލެއް. ކެޕްޓަން ސުނިލް ޗެތުރީގެ ބަދަލުގައި ކުޅެން އެރުވީ ޖޭޖޭ ލާލްޕެޚުލުއާ.
ނޭޕާލް، އިންޑިއާ، ސާފް ސުޒުކީ ކަޕް
އިންޑިއާ ލަނޑު ޖަހައިފި. ލަނޑު ޖެހީ ސުނިލް ޗެތުރީ.
ނޭޕާލުން ބިމާލް މަގަރުގެ ބަދަލުގައި ކުޅެން ނުކުތީ ޖަގްޖީތު ޝުރެޝްތާ.
ފުރަތަމަ ހާފް ނިމިއްޖެ. އިންޑިއާ 1، ނޭޕާލް 1.
ނޭޕާލްގެ ގޯލް އޭރިޔާގެ އަރިމަތިން ރޯވްލިން ބޯޖަސްއަށް ލިބުނު ބޯޅަ އޭނާ ވަރަށް ރީތިކޮށް ގޯލް ދާގަނޑުގެ މެދަށް ފޮނުވާލީ.
މި މެޗުގެ ފުރަތަމަ 10 މިނިޓްގައި ދެޓީމުން ވެސް ވަރަށް ސްޕީޑް ގޭމެއް ފެނިގެން ދިޔައީ. އަދި ދެޓީމުން ވެސް މިވަނީ އިދިކޮޅު ޓީމުގެ ޑިފެންސަށް ނުރައްކާ ކޮށްފައި.
އިންޑިއާއިން ނުރައްކާތެރި ހަމަލާއެއް. ޗެތުރީ ނޭޕާލް ހާފްގެ މެދުތެރޭން ބޯޅަ ހޯދައިގެން އެކި ނޭޕާލް ޕެނަލްޓީއޭރިޠާ ތެރެއަށް ވަދެ ގޯލަށް ފޮނުވާލަން މަސައްކަތްކުރި ބޯޅަ ނޭޕާލް ޑިފެންޑަރެއް ދިފާއުކުރީ.
