Last Updated: 10 year 11 month ago
ޓްރިވެންޑްރަމުން އަހްމަދު މުޖްތަބާ، ހުސައިން ހަބީބު.
ސާފް ސުޒުކީ ކަޕް ގްރޫޕް ބީގައި ހިމެނޭ ބޫޓާނާއި އަފްޣާނިސްތާން ބައްދަލުކުރާ މެޗުގެ ލައިވް ކަވަރޭޖަށް މަރުހަބާ.
20:05
ސާފް ސުޒުކީ ކަޕްގެ ގްރޫޕް ބީ ގައި މިއަދު ހަވީރު ކުޅުނު މެޗުން އަފްޣާނިސްތާން އަތުން 3-0ގެ ނަތީޖާއަކުން ބޫޓާން ބަލިވުމުން، އެޓީމާއި ބަނގުލަދޭޝް މުބާރާތުން ކަޓައި، ރާއްޖެއާއި އަފްގާނިސްތާނަށް ސެމީފައިނަލްގެ ޖާގަ ކަށަވަރުވެއްޖެ އެވެ.
ބޫޓާން އަތުން މޮޅުވުމުން އަފްޣާނަށް ވަނީ 6 ޕޮއިންޓް ފައިދާ 7 ލަނޑާއެކު މިވަގުތަށް ގްރޫޕް ބީގެ އެއްވަނަ ލިބިފައެވެ. ގްރޫޕްގެ ދެވަނައިގައި އޮތީ ކުޅުނު ދެމެޗުން މޮޅުވެ 6 ޕޮއިންޓް ފައިދާ 4 ލަނޑާއެކު ރާއްޖެއެވެ. އެހެންކަމުން ބަންގާޅާއި ބޫޓާން އެ ދެޓީމު ގްރޫޕް ސްޓޭޖްގައި ކުޅުނު ދެ މެޗުން ވެސް ބަލިވެފައިވުމުން އެ ދެޓީމު ވަނީ މުބާރާތުން ކަޓައިފައެވެ.
އަފްޣާނުން ޑޮމިނޭޓް ކޮށްގެން ކުޅުނު މެޗުގައި އެޓީމުން ބޫޓާން ގޯލަށް ގިނަ ހަމަލާތަކެއް އުފައްދާފައި ވާއިރު، މުޅި މެޗުގައި ވެސް ބޫޓާން ޓީމަށް އަފްޣާން ގޯލަށް ނުރައްކާކޮށްލެވުނީ އެންމެ ދެފަހަރުއެވެ.
އަފްޣާނަށް ބޫޓާންގެ ގޯލް ހުޅުވާލަ ދިނީ މެޗުގެ 14 ވަނަ މިނިޓްގައި ފޯވާޑް ޚައިބަރު އަމާނީ އެވެ. އަދި ފުރަތަމަ ހާފް ނިމެން ދެ މިނިޓަށް ވެފައި ވަނިކޮށް، މާސިހް ސައިޣާނީ ވަނީ ލަނޑެއް ކާމިޔާބުކޮށް އަފްޣާނަށް ނަތީޖާ ފުޅާކޮށްދީފައެވެ.
ފުރަތަމަ ހާފްގެ ކުޅުން 2-0ގެ ނަތީޖާއަކުން ނިމިފައިވާއިރު، އަފްޣާނުން އެޓީމުގެ 3 ވަނަ ލަނޑު ކާމިޔާބުކުރީ މެޗުގެ 51 ވަނަ މިނިޓްގައެވެ. އެލަނޑު އެޓީމަށް ކާމިޔާބުކޮށްދިނީ ފުރަތަމަ ލަނޑުވެސް ޖަހައިދިން ޚައިބަރުއެވެ. އޭނާ ހިމެނެނީ ދެމެޗުން މިހާތަނަށް ތިން ލަނޑު ކާމިޔާބުކޮށް މުބާރާތުގައި އެންމެ ގިނަ ލަނޑު ޖެހިކުޅުންތެރިޔާގެ ގޮތުގައެވެ.
ގްރޫޕް ބީގެ އެއްވަނަ ޓީމުގެ ގޮތުގައި ސެމީއަށް ދާ ޓީމެއް އެނގޭނީ ރާއްޖެއާއި އްފަޣާން ކުޅޭ މެޗުގެ ނަތީޖާއިންނެވެ. އެގޮތުން އެއްވަނަ ޓީމުގެ ގޮތުގައި ސެމީއަށް ދާން ބޭނުންނަމަ ރާއްޖެ ޖެހޭނީ އަފްޣާން ބަލިކުރާށެވެ.
ގްރޫޕް ބީގެ މެޗުތައް ދެން ކުޅޭނީ އަންނަ ހޯމަދުވަހުއެވެ. އެދުވަހު 3:30ގައި ކުޅޭ މެޗުގައި ވާދަކުރާނީ ބަނގުލަދޭޝާއި ބޫޓާނެވެ. އަދި ހަވީރު 6:30ގައި ކުޅޭ މެޗުގައި ވާދަކުރާނީ ރާއްޖެއާއި އަފްޣާންއެވެ.
އެޓީމަށް ލިބުނު ކޯނަރަކުން ނޫރުﷲ ބޫޓާން ޕެނަލްޓީ އޭރިޔާތެރެއަށް ހުރަސްކޮށްލި ބޯޅަ ގޯލް ތެރެއަށް ފޮނުވާލީ ޚައިބަރު ބޮލުން ޖަހައި.
ފުރަތަމަ ހާފް ނިމިއްޖެ.
ބޫޓާނަށް ކޯނަރެއް. އަފްޣާންގެ ޕެނަލްޓީ އޭރިޔާތެރެއަށް ހުރަސްކޮށްލި ބޯޅަ އެޓީމުގެ ޑިފެންޑަރުން ކްލިއަކޮށްލީ.
އަފްޣާން ލަނޑު ޖަހައިފި.
