23 Dec 2015, 04:16
ޓުރިވެންޑްރަމުން: އަހްމަދު މުޖްތަބާ، ޙުސައިން ހަބީބު
ސާފް ސުޒުކީ ކަޕްގައި ވާދަކުރާ ރާއްޖޭގެ ގައުމީ ފުޓްބޯޅަ ޓީމު މިރޭ އިންޑިއާގެ ޓްރިވެންޑްރަމަށް އައުމުން، ގައުމީ ޓީމަށް ހޫނު މަރުހަބާއެއް ކިޔައިފިއެވެ.
އިންޑިއާ އާއި ދިވެހި ސަގާފީ އައިޓަމްތައް ހިމެނޭ ގޮތަށް ގައުމީ ޓީމަށް ޓްރިވެންޑްރަމްގެ އެއާޕޯޓުން މަރުހަބާ ކިއީ، މުބާރާތް އިންތިޒާމް ކުރާ ފަރާތުންނާއި އަދި، ޓްރިވެންޑްރަމްގައި ދިރިއުޅޭ ދިވެހީންގެ ފަރާތުންނެވެ.
ޑިސެމްބަރު 23، 2015، ޓްރެވެންޑްރަމް، އިންޑިއާ: ސާފް ސުޒުކީ ކަޕްގައި ވާދަކުރާ ރާއްޖޭގެ ގައުމީ ފުޓްބޯޅަ ޓީމު އިންޑިއާގެ ޓްރިވެންޑްރަމަށް އައުމުން، ގައުމީ ޓީމަށް މަރުހަވާ ކިއުމަށްޓަކައި ގިނަ އަދަދެއްގެ ދިވެހީން ދިވެހި ދިދަ ތަކާއި ބެނާއެއް ހިފައިގެން -- ސަން ފޮޓޯ/ ފަޔާޒު މޫސާ
ޓްރިވެންޑްރަމް އިންޓަނޭޝަނަލް އެއާޕޯޓްގައި މިރޭ މާފަތިތަކުންނާއި ބޮޑުބެރާއި މުނިފޫހިފިލުވުމުގެ އައިޓަމްތަކުން ދިވެހި ފުޓްބޯޅަ ޓީމަށް މަރުހަބާކިޔާފައި ވާއިރު، ގިނަ އަދަދެއްގެ ދިވެހީންނާއެކު ޓީމަށް މަރުހަބާ ކިޔުމަށްޓަކައި ކޮންސުލް އަލީ އާދަމްއާއި ކޮންސިއުލޭޓްގައި މަސައްކަތްކުރައްވާ ބޭފުޅުން އެއާޕޯޓަށް ވަޑައިގެން ތިއްބެވިއެވެ.
ޑިސެމްބަރު 23، 2015، ޓްރިވެންޑްރަމް، އިންޑިއާ: ސާފް ސުޒުކީ ކަޕްގައި ވާދަކުރާ ރާއްޖޭގެ ގައުމީ ފުޓްބޯޅަ ޓީމު އިންޑިއާގެ ޓްރިވެންޑްރަމަށް އައުމުން، ގައުމީ ޓީމަށް މަރުހަބާ ކިޔުމުގެ ގޮތުން އިންޑިއާގެ ސަގާފީ ނެށުމެއް -- ސަން ފޮޓޯ/ ފަޔާޒު މޫސާ
ރާއްޖޭގެ ގައުމީ ފުޓްބޯޅަ ޓީމު ޓްރިވެންޑްރަމްގައި ތިބުމަށް ހަމަޖެހިފައި ވަނީ، ތާޖް ހޮޓެލްގައެވެ.
ސާފް ސުޒުކީ ކަޕުގައި ރާއްޖެ ހިމެނެނީ، މި މުބާރާތުގެ އެންމެ ފަހުގެ ޗެމްޕިއަން އަފްޣާނިސްތާނާއި، ބަންގުދަލޭޝްގެ އިތުރުން ބޫޓާނާއެކު ގްރޫޕް ބީ ގައެވެ.
މި މުބާރާތުގެ ރާއްޖެ ކުޅޭ ފުރަތަމަ މެޗުގައި ބުރާސްފަތި ދުވަހު މެންދުރު ފަހު 15:00ގައި ވަދަކުރާނީ ބޫޓާނާ ދެކޮޅަށެވެ.