16 Dec 2015, 21:15
ނ. ކުޑަފަރީގައި މިހާރު ކުރިއަށްދާ ސިޔާމް މައުރޫފް ކަޕްގައި މިއަދު ހަވީރު ކުޅުނު މެޗު އެންމެ ފަހުގެ ޗެމްޕިއަން މަނަދޫ އާއި މާފަރު ކުޅުނު މެޗު 2-2 އިން އެއްވަރު ވެގެން ނިމިއްޖެ އެވެ.
ނ. އަތޮޅުގެ ރަށްތަކަށް އަމާޒުކޮށްގެން ކެނދިކުޅުދޫ ދާއިރާގެ މެންބަރު އަލީ މައުރޫފް ބާއްވަމުން އަންނަ އެ މުބާރާތުގައި މިއަދު ހަވީރު ކުޑަފަރީ ފުޓްބޯޅަ ދަނޑުގައި ކުޅުނު މެޗުގައި ދެ ޓީމްގެ ފަރާތުން ވެސް ވަނީ ފޯރި ގަދަ ބަލާހިތްވާ ކަހަލަ ކުޅުމެއް ފެނިގެން ގޮސްފަ އެވެ.
އެ މެޗުގައި މަނަދޫ ޓީމުން ވަނީ މެޗުގެ ފުރަތަމަ ހާފުގައި ދެ ގޯލް ކާމިޔާބުކޮށް މާފަރު ޓީމް ހާސްކޮށްލައިފަ އެވެ. އެ ދެ ގޯލް މަނަދޫ އަށް ކާމިޔާބުކޮށްދިނީ އިބްރާހިމް ނައުފަލް އެވެ.
މިއަދުގެ މެޗު ކުޅެމުން ދިޔަ ގަޑީގައި ސްޕޯޓަރުން ދަނޑު ކައިރީގައި ހަރަކާތްތެރިވަނީ --- ފޮޓޯ: ހަފްސީ އަބްދުﷲ
މަނަދޫން ދެ ގޯލްގެ ލީޑެއް ނަގައި ފުރަތަމަ ހާފުނިއްމަން އުޅުނު ނަމަވެސް މާފަރުން ވަނީ ކުޅުން ރަނގަޅުކޮށް ގޯލެއް ކާމިޔާބުކޮށް 1-2 އަށް ނަތީޖާ ބަދަލުކޮށްލައިފަ އެވެ. އެ ގޯލް ޖެހީ އައްޒާމް އަބްދުﷲ އެވެ.
ދެވަނަ ހާފުގައި މާފަރަށް ނަތީޖާ ހަމަހަމަ ކޮށްދިން ގޯލް ވެސް ކާމިޔާބުކުރީ ފުރަތަމަ ގޯލް ކާމިޔާބުކޮށް މެޗްގެ މޮޅު ކުޅުންތެރިއާގެ މަގާމް ހޯދި ނައުފަލް އެވެ.
މިދިޔަ އަހަރުން ފެށިގެން ނ. އަތޮޅުގައި ބާއްވަމުން އަންނަ އެންމެ އަގުބޮޑު އެ މުބާރާތަށް އެ އަތޮޅުން އަންނަނީ ވަރަށް ބޮޑު ތަރުހީބެއް ލިބެމުންނެވެ. އެ ގޮތުން މެޗުތައް ކުޅެމުންދާ ގަޑީގައި ޓީމުތަކަށް ސަޕޯޓް ކުރުމުގެ ގޮތުން ގިނަ އަދަދެއްގެ ސަޕޯޓަރުން ވެސް ހަރަކާތްތެރިވަމުން ދެ އެވެ.
އެ މުބާރާތުގެ މެޗެއް މާދަމާ ވެސް ކުރިއަށް ދާނެ އެވެ. އެ މެޗުގައި ވާދަ ކުރާނީ މާޅެންދޫ އާއި މަގޫދޫ އެވެ.