13 Dec 2015, 10:56
މޯލްޑިވްސް ޕެންޝަން އެންޑް އެޑްމިނިސްޓްރޭޝަން އޮފީސްގެ ދެ މިލިއަނެއްހާ ރުފިޔާ އަށް ޚިޔާނާތްތެރިވި މައްސަލައެއް ފުލުހުން ތަހުގީގު ކުރަން ފަށައިފި އެވެ.
އެ މައްސަލާގައި ތުހުމަތު ކުރެވޭ ބޭފުޅަކީ ހޯމް މިނިސްޓަރުގެ ނައިބު އަހްމަދު އަދީމެވެ.
ފުލުހުންގެ މީޑިއާ އޮފިޝަލް މިއަދު ވިދާޅުވީ އެ މައްސަލަ ތަހުގީގު ކުރަމުން އަންނަ ކަމަށެވެ.
ނަމަވެސް އެ މައްސަލައިގެ އިތުރު ތަފްސީލް ފުލުހުން ހާމައެއް ނުކުރެ އެވެ.
އަދީމަކީ 2010 ވަނަ އަހަރުން ފެށިގެން 2014 ވަނަ އަހަރާ ހަމައަށް ޕެންޝަން އޮފީހުގައި މަސައްކަތް ކުރައްވާފައިވާ ބޭފުޅެކެވެ.