10 Dec 2015, 18:34
ކުއަލަލަމްޕޫރު (ޑިސެމްބަރު 10): މެލޭޝިއާގެ ވެރިރަށް ކުއަލަލްޕޫރު އިންޓަނޭޝަނަލް އެއާޕޯޓުގައި ގާތްގަނޑަކަށް އަހަރެއް ވަންދެން ޕާކްކޮށްފައި އޮތް ތިން ބޮއިން 747 މަރުކާގެ ބޯޓުގެ ވެރިމީހާ ހޯދުމުގެ މަސައްކަތް މެލޭޝިއާގެ އެއާޕޯޓު އޮޕަރޭޓަރުން ފަށައިފި އެވެ.
މެލޭޝިއާ އެއާޕޯޓްސް ހޯލްޑިންސް އިން "ދި ސްޓާ" ކިޔާ ނޫހެއްގައި ޖެހި ނޯޓިސްއެއްގައިވާ ގޮތުން ކުރިއަށް އޮތް ދެ ހަފްތާ ތެރޭގައި ބޯޓުތަކުގެ ވެރިފަރާތުން ބޯޓުތައް ހޯދުމަށް ހާޒިރުނުވެއްޖެ ނަމަ އެ ތިން ބޯޓު "ވިއްކާލުމުގެ ނުވަތަ ނައްތާލުމުގެ" ހައްގު އޮޕަރޭޓަރުންނަށް ލިބިގެންވެ އެވެ.
އަދި އެބޯޓުތައް ވިއްކާލައިފިނަމަ އެ ފައިސާ ބޭނުން ކުރާނީ ބޯޓުތަކުގެ ޕާކިން ފީ އާއި ޖޫރިމަނާގެ ގޮތުގައި ކަމަށް ވަނީ ނިންމައިފަ އެވެ.
ބައެއް އޭވިއޭޝަން ޑޭޓާބޭސްތަކުގައިވާ ގޮތުން އެބޯޓުތަކަކީ މަތިންދާބޯޓު ކުއްޔަށް ދޭ ކުންފުންޏެއް ކަމުގައިވާ އެއާ އެޓްލާންޓާ އައިސްލެންޑިކް (އޭއޭއައި) އަށް ނިސްބަތްވާ ބޯތުތަކެކެވެ. ނަމަވެސް 2008ގައި އެ ބޯޓުތައް އެހެންފަރާތަކަށް ވިއްކާލާފައިވާ ކަމަށް އޭއޭއައި އިން ބުނެ އެވެ. (ސީއެންއެން)