08 Dec 2015, 16:28
މި އަހަރުގެ މިހާތަނަށް 31،100 ފަރާތަކަށް ޕާސްޕޯޓުގެ ހިދުމަތް ދެވިފައިވާ ކަމަށް ޑިޕާޓްމަންޓް އޮފް އިމިގްރޭޝަން އެންޑް އެމިގްރޭޝަނުން ބުނެފި އެވެ.
އިމިގްރޭޝަންގެ މަސައްކަތްތަކާ ގުޅޭ ގޮތުން މައުލޫމާތު ދިނުމަށް އެ ޑިޕާޓްމަންޓްގައި މިއަދު ބޭއްވި ނޫސްވެރިންގެ ބައްދަލުވުމުގައި އިމިގްރޭޝަނުން ބުނީ އެންމެ ގިނަ އަދަދަކަށް ޕާސްޕޯޓް ހިދުމަތްދީފައި ވަނީ ހެޑް އޮފީހުން ކަމަށާއި އަތޮޅު ތެރެއިން އެންމެ ގިނައިން ހިދުމަތްދީފައި ވަނީ ހދ. ކުޅުދުއްފުށިން ކަމަށެވެ.
ދެހާސް ފަނަރަ ވަނަ އަހަރުގެ ޑިސެމްބަރު ތިން ވަނަ ދުވަހާ ހަމައަށް ޕާސްޕޯޓް ހިދުމަތް ދެވުނު އަދަދު:
ހެޑް އޮފީހުން: 27،834
ހދ.ކުޅުދުއްފުށި: 1343
ސ.ހިތަދޫ: 1231
ޏ.ފުވައްމުލައް: 692
އިމިގްރޭޝަނުން ވަނީ މި އަހަރުގެ ސްކޫލް ބަންދާ ދިމާކޮށް، އާންމު ރައްޔިތުންނަށް ފަސޭހަކޮށްދިނުމުގެ ގޮތުން، އެއް ހަފްތާގެ މުއްދަތަކަށް ޕާސްޕޯޓް ހިދުމަތްތައް ފޯރުކޮށްދިނުމަށް މަސައްކަތުގެ ވަގުތު ހެނދުނު 08:00 އިން 18:00 އަށް ބަދަލުކޮށްފަ އެވެ.
އިމިގްރޭޝަނުން ބުނީ މި ބަދަލާ އެކު ފުރަތަމަ ތިން ދުވަހު ވެސް 600 އަށް ވުރެ ގިނަ ފަރާތްތަކަށް ހިދުމަތް ފޯރުކޮށްދެވުނު ކަމަށެވެ.
ނޮވެމްބަރު މަހުގެ އެއްވަނަ ދުވަހުން ފެށިގެން، ޑިސެމްބަރު ތިން ވަނަ ދުވަހާ ހަމައަށް 6،416 ފަރާތަކުން ވަނީ ޕާސްޕޯޓުގެ ހިިދުމަތް ހޯދައިފަ އެވެ.