06 Dec 2015, 13:58
ގައުމީ ފިރިހެން ވޮލީބޯޅަ މުބާރާތުގައި ދިވެހި ސިފައިންގެ ކްލަބް ރޭ ކުޅުނު ދެ ވަނަ މެޗުން މޯލްޑިވިއަން ރިކްރިއޭޝަން ކްލަބް އަތުން 3-1 ސެޓުން ބަލިވެއްޖެ އެވެ.
ސިފައިން ވަނީ ކުޅުނު ފުރަތަމަ މެޗުން ބަލިވީ ޕޮލިސް ކްލަބް އަތުންނެވެ. ސިފައިންގެ ޓީމު ރޭ ބަލިވިއިރު މޯލްޑިވިއަން އިން ފުރަތަމަ ދެ ސެޓް ގެންދިޔައީ 21-25، 23-25، ސެޓުންނެވެ. ސިފައިން ތިންވަނަ ސެޓް 25-15 އިން ކާމިޔާބު ކުރިއިރު ފަހު ސެޓް މޯލްޑިވިއަން އިން ގެންދިޔައީ 30-32 އިންނެވެ.
އެ މެޗްގެ މޮޅުކުޅުންތެރިޔާއަކަށް ހޮވުނީ މޯލްޑިވިއަންގެ އިސްމާއިލް ސާޖިދުއެވެ.
މުބާރާތުގައި މިރޭ މޯލްޑިވިއަން އާއި ޕޮލިސް ވާދަކުރާ އިރު އެ މެޗުން މޮޅުވާ ޓީމަކަށް ފައިނަލުގެ ފުރަތަމަ ޖާގަ ކަށަވަރުވާނެ އެވެ. ޕޮލިހާއި މޯލްޑިވިއަން، އެ ދެ ޓީމް މީގެ ކުރިން ކުޅުނު ދެ މެޗު ވެސް ވަނީ ސިފައިންގެ ކުލަބްގެ މައްޗަށް ކުރި ހޯދާފައެވެ. ފައިނަލުގެ ފަހު ޖާގަ ލިބޭނީ މިރޭ ބަލިވާ ޓީމަކާއި ސިފައިން މާދަމާރޭ ކުޅޭ މެޗުން މޮޅުވާ ޓީމަކަށެވެ.