03 Dec 2015, 11:10
އެމެރިކާގެ ކެލިފޯނިއާގެ ސަން ބާނިޑޯގައި ރޭ ބަޑީގެ ހަމަލާތަކެއް ދީ، 14 މީހަކު މަރާލައިފި އެވެ.
މި ހަމަލާތައް ދީފައި ވަނީ ސިކުނޑީގެ އެކި ބަލިތައް ހުންނަ މީހުންނަށް ފަރުވާދޭ ސެންޓަރެއް ކަމަށްވާ އިންލޭންޑް ރީޖަނަލް ސެންޓަރުގަ އެވެ.
އެ ހަމަލާތަކުގައި 14 މީހަކު މަރާލާފައިވާއިރު، 17 މީހަކު ވަނީ ޒަޚަމްވެފަ އެވެ.
އެ ހަމަލާތަކާ ގުޅިގެން އެމެރިކާގެ ކަމާ ބެހޭ ފަރާތްތަކުން ބުނެފައި ވަނީ، މިއީ ކުރިން ރާވައިގެން ދީފައިވާ ހަމަލާތަކެއް ކަމަށެވެ.
ހަމަލާތަކާ ގުޅިގެން މިހާތަނަށް ހިންގި ތަހުޤީޤުން، ހަމަލާ ދިނުމުގައި ތިން މީހަކު ބައިވެރިވިކަން އެނގިފައިވާ އިރު، އޭގެތެރެއިން ދެ މީހަކު މިހާރު ވަނީ މަރާލައިފަ އެވެ. އެމެރިކާ ފުލުހުން އެކަން ކަށަވަރުކޮށްދީފައިވާ އިރު، ތުހުމަތު ކުރެވޭ ތިން ވަނަ މީހާ ވެސް ހުރީ ފުލުހުންގެ ބެލުމުގެ ދަށުގަ އެވެ.
ަނަމަވެސް އެއިން އެއްވެސް މީހަކާ ގުޅޭ މައުލޫމާތު އަދި މިހާތަނަށް ހާމަކޮށްފައެއް ނުވެ އެވެ.
އިތުރު ހަމަލާތަކެއް ރާވާފައިވާ ކަމަށް ބެލެވޭތީ، ކެލިފޯނިއާގެ ސުކޫލްތަކާއި ކޮލެޖްތައް ވަނީ ވަގުތީ ގޮތުން ބަންދުކޮށްފަ އެވެ.
މައުލޫމާތު: ސީއެންއެން