16 Nov 2015, 08:48
ހުޅުމާލެއިން މާލެއަށް ދަތުރުކުރަމުންދިޔަ ފެރީއަކާއި ހުޅުލޭ އައިލެންޑް ހޮޓެލް(އެޗްއައިއެޗް)ގެ ސުޓާފް ފެރީ ޖެހި އެކްސިޑެންޓް ވެއްޖެއެވެ.
އެއެކްސިޑެންޓްގައި މީހަކަށް އެއްވެސް އަނިޔާއެއް ވެފައެއް ނުވެއެވެ.
އެމްޓީސީސީގެ ހުޅުމާލެ ސީނިއާ މެނޭޖަރު މުހައްމަދު ނާޒިމް މިއަދު ސަން އަށް ވިދާޅުވީ މިއަދު ހެނދުނު 6:00 ޖަހާކަންހާއިރު ފުނަދޫކައިރިން ހިނގި އެއެކްސިޑެންޓްގައި އެމްޓީސީސީގެ ފެރީއަށް ކޮންމެވެސް ވަރެއްގެ ގެއްލުންތަކެއް ވެފައިވާ ކަމަށެވެ.
"އަޅުގަނޑުމެންގެ ދޯނީގެ ފަހަތުކޮޅުން އަރިމަތީގައި މިއިންނަނީ ޖެހިފައި، ކުޑަ ދޮރެއް އިނީގޮސްފަ،" ނާޒިމް ވިދާޅުވިއެވެ.
މިއަދުގެ އެކްްސިޑެންޓްގައި ފެރީގެ ކުޑަދޮރަށް ގެއްލުންވެފައި-- ސަން ފޮޓޯ: ކިޔުންތެރިއެއް
އެއެކްސިޑެންޓްވި މައްސަލަ ތަހުގީގް ކުރަމުންދާތީ އެއެކްސިޑެންޓް ހިނގަން މެދުވެރިވި ސަބަބެއް އޭނާ ހާމައެއްނުކުރެއެވެ.
ނާޒިމް ވިދާޅުވީ ގެއްލުން ލިބުނު އެމްޓީސީސީގެ ފެރީ މަރާމާތައްފަހު މިއަދު އަލުން ދަތުރުތަކުގައި ބޭނުން ކުރެވޭނެ ކަމަށެވެ.