13 Nov 2015, 21:24

މިއަދު އިންޑިއާ ކަނޑުތެރެއަށް ވެއްޓޭނޭ ކަމަށް ދުނިޔޭގެ ބޮޑެތި ޖައްވީ އިދާރާތަކުން ލަފާކުރި ގެ ނަންދީފައިވާ ގޮތްނޭނގޭ އެތި ޖައްވުގެ ތެރޭގައި އަނދައި ހުލިވެފައިވާ ކަމަށް ނުޖޫމީއިލްމުވެރި ސައިންޓިސްޓުންގެ ޓީމަކުން ބުނެފިއެވެ. އެޓީމުން ވަނީ، އެމަންޒަރު ފޮޓޯނަގައި ވީޑިއޯވެސް ކޮށްފައެވެ.

ސްރީ ލަންކާއާ ގާތްގަނޑަކަށް 100 ކިލޯމީޓަރު ކައިރިން އިންޑިއާ ކަނޑުތެރެއަށް ހުކުރު ދުވަހުގެ 11:48 ގައި ވެއްޓޭނޭ ކަމަށް ސައިންސްވެރީން ލަފާކުރި އެ ކުނިގަނޑު ވެއްޓޭ މަންޒަރު، އަލިގުޅައެއްގެ ސިފައިގައި ލަންކާއަށް ވަރަށް ރީތިކޮށް ފެނުމުގެ ފުރުސަތު އޮތްކަމަށް ނާސާއިންނާއިން އަދި ޔޫރަޕިއަން ސްޕޭސް އޭޖެންސީ (އީޕީއޭ) އިންވެސް ވަނީ ކުރިން ބުނެފައެވެ. ނަމަވެސް ކަންދިމާކުރި ގޮތުން މިއަދުގެ އެ ވަގުތު ޖެހުނުއިރު، ލަންކާއަށް ވިއްސާރަވެ އުޑުމަތީގައި ވިލާބޯވުމުގެ ސަބަބަން އެފަދައެއްޗެއް ބިމާދިމާއަށް ދަތުރުކުރި ނަމަވެސް އެ ފެނުމުގެ ފުރުސަތު ކުޑަވެގެން ދިޔައެވެ.

ޑަބްލިއުޓީ1190އެފް ވެއްޓޭނެ ކަމަށް ލަފާކޮށްފައިވާ ސަރަހައްދު. އެއީ ރާއްޖެއާވެސް މާކަ ދުރުނޫން ސަރަހައްދެއް --

ޑަބްލިއުޓީ1190އެފް ވެއްޓުނު މަންޒަރު ސްރީލަންކާއަށް ވެސް އަދި މި ސަރަހައްދުގެ އެހެން އެއްވެސް ގައުމަކަށް ފެނިފައެއް ނުވެއެވެ. އެހެން ނަމަވެސް އިންޓަނޭޝަނަލް އެސްޓްރޮނޯމިކަލް ސެންޓަރ (އައިއޭސީ) އާއި ޔުނައިޓެޑް އެރިބިއެމްރޭޓްސް ސްޕޭސް އޭޖެންސީ (ޔޫއޭއީއެސްއޭ)ގެ ސައިންސްވެރިންގެ ޓީމަކަށް ވަނީ، ގޮތްނޭނގޭ އެ "އަލިގުޅަ" ދުނިޔެތެރެއަށް ވަދެގެން އައި މަންޒަރު ފެނިފައެވެ. އަދި އެ ޓީމުން ވަނީ އެ މަންޒަރު ވީޑިއޯކޮށް ފޮޓޯވެސް ނަގައިފައެވެ.

އައިއޭސީއާއި ޔޫއޭއީ ސްޕޭސް އޭޖެންސީން އިންތިޒާމްކުރި ހާއްސަ މަތިންދާ ބޯޓެއްގައި އިންޑިއާ ކަނޑާވީ ސަރަހައްދުން ވިލާތަކުގެ މަތިން ދަތުރުކުރި 7 ސައިންޓިސްޓުންގެ ޓީމުގައި ޔޫއޭއީގެ އިތުރުން ޖަރުމަނާއި އިނގިރޭސިވިލާތުގެ ސައިންސްވެރީން ހިމެނެއެވެ. އެމީހުން ވަނީ، ދުވަސްވީ ރޮކެޓެއްގެ ބައެއް ކަމަށް ބެލެވޭ އެ ކުނިގަނޑު، ދުނިޔޭގެ ފަޒާގެތެރެއަށް ވަދެގެން އައި މަންޒަރުގެ ހައި-ރިޒޮލިއުޝަން ވީޑިއޯ އާއި ފޮޓޯ ނަގައިފައެވެ.

ޑަބްލިއުޓީ1190އެފް ދުނިޔޭގެ ފަޒާގެ ތެރޭގައި އަނދައި ހުލިވެގެން ދިޔަ މަންޒަރު، އިންޓަނޭޝަނަލް އެސްޓްރޮނޯމިކަލް ސެންޓަރ (އައިއޭސީ) އާއި ޔުނައިޓެޑް އެރިބިއެމްރޭޓްސް ސްޕޭސް އޭޖެންސީ (ޔޫއޭއީއެސްއޭ)ގެ ސައިންސްވެރިންގެ ޓީމަކުން ވަނީ ފޮޓޯ ނަގައި ވީޑިއޯކޮށްފައި --

ތަރިތަކާއި ޖައްވާއި ފަޒާއާބެހޭ އިލްމުގެ ސައިންޓިސްޓުންގެ އެޓީމުން އުންމީދުކުރާގޮތުގައި WT1190F ދުނިޔޭގެ ފަޒާގެތެރޭގައި އަނދައި ހުލިވެގެން ދިޔަ މަންޒަރުގެ ފޮޓޯތަކުގެ އެހީގައި، މުސްތަގުބަލުގައި ދުނިޔެއަށް އެގޮތަށް ވެއްޓިދާނެ، 'އެސްޓްރޮއިޑް'އާއި އަދި އެނޫންވެސް ބުރުޖު ކުނިބުންޏާ ބެހޭ އިތުރު ދިރާސާތައް ހެދޭނެއެވެ. އަދި އެ މަންޒަރުތަކުގެ އެހީގައި WT1190F އަކީ ގުދުރަތީ އެއްޗެއްތޯ ނުވަތަ އިންސާނުން ޖައްވުގެ ތެރެއަށް ދޫކޮށްފައިވާ އެއްޗެއްތޯ ދެނެގަނެވޭނެ އެވެ.

ވަރަށް ފުރިހަމައަށް ނަގާފައިވާ އެ ފޮޓޯއާއި ވީޑިއޯއިން ފެންނަ ގޮތުގައި، WT1190F ދުނިޔޭގެ ވައިގެ ފަށަލައިގައި ޖެހުމުން އަލިގުޅަތަކެއްގެ ގޮތުގައި ކުދިކުދިވެ އަނދައި ހުލިވަނީއެވެ.

ސައިންޓިސްޓުން ބުނެފައިވަނީ، 'ސްޕޭސް ޖަންކް' WTF ދުނިޔެއަށް ނުވެއްޓުނީ، އެ ކުނިގަނޑު ދުނިޔޭގެ ވައިގެ ފަށަލައަށް ވާސިލްވުމުމާއެކު އިރުގެ ހޫނުން އަނދައި ހުލިވުމުގެ ސަބަބުންނެވެ.

ދިގު މިނުގައި 6 ފޫޓު (2 މީޓަރު) އަދި ބަރުދަނުގައި 250 ކިލޯ ގްރާމް ހުންނާނެ ކަމަށް ބެލެވޭ އެންމެ ފުރަތަމަ ހޯދިފައި ވަނީ، 2013 ވަނަ އަހަރުގެ ފެބްރުއަރީ މަހު، ކެޓަލީނާ ސްކައި ސަރވޭގެ ސައިންޓިސްޓުންނަށެވެ.

ސެޓެލައިޓަކުން ނުވަތަ އެނޫންވެސް ޖައްވީ އުޅަނދެއް ނުވަތަ އެފަދަ އެއްޗެއްގެ ހަލާކުވެފައިވާ ބައެއްގެ ގޮތުގައި ބެލެވޭ، ގަޑިއަކު 24,600 މޭލު (ސިކުންތަކު 11 ކިލޯމީޓަރު)ގެ ބާރު މިނުގައި ދުނިޔެއާ ދިމާއަަށް ވެއްޓެމުންއައި WTF، ހުކުރު ދުވަހު ހެނދުނު 11:17 އެހާކަންހާއިރު ރާއްޖޭގެ އުތުރުން ހުރަސް ކުރާނެ ކަމަށް ނުޖޫމީއިލްވެރީން ލަފާކޮށްފައި ވެއެވެ.

ބުރުޖު ކުނިބުންޏަކީ އިންސާނުން ޖައްވަށް ފޮނުވާފައިވާ ތަކެތީގެ ތެރެއިން ބޭނުން ކެނޑިފައިވާ ތަކެއްޗަށް ކިޔާ ނަމެކެވެ. އެތައް މިލިއަނުން އަދަދު ކުރެވޭ މި ކުނިތަކުގެ ދުވެލި ގަޑިއަކު 28،000 މޭލާ ހަމައަށް ދެ އެވެ.