08 Nov 2015, 13:56
ބ. އޭދަފުށީގައި ސިޑިން ވެއްޓި ބޮޑެތި އަނިޔާތަކެއް ލިބުނު އަންހެނަކު އިތުރު ފަރުވާއަށް ސީއެމްބިއުލާންސްގައި މާލެ ފޮނުވާލައިފިއެވެ.
ބ. އަތޮޅު ހޮސްޕިޓަލްގެ މެނޭޖަރު އަހްމަދު ވަހީދު ސަން އަށް ވިދާޅުވީ މިއަދު ހެނދުނު 9:15 އެހައިކަންހާިއރު ސިޑިން ވެއްޓި އަނިޔާ ލިބުނީ 43 އަހަރުގެ އަންހެނަކަށް ކަމަށެވެ.
ވަހީދު ވިދާޅުވީ އެ އަންހެން މީހާގެ ކަރު ކައިރިން ތަންކޮޅެއް ކަފައިގެން ގޮސްފައިވާ ކަމަށެވެ.
"އަންހެން މީހާ ވެއްޓި ޖެހުނު ތަނުން ކަރު ކަފައިގެން ގޮސް ކަރުގެ އެތެރެ ނާރު ތަކާ އެކު ފެނޭ. މިހާރު ސީއެމްބިއުލާންސްގައި އޭނާ ވަނީ މާލެ ފޮނުވާލާފައި،" އަހްމަދު ވަހީދު ވިދާޅުވިއެވެ.
އެ އަންހެން މީހާ މާލެ ފޮނުވާލީ ބ. އަތޮޅު ހޮސްޕިޓަލްގެ ޑޮކްޓަރަކާއި ނަރުހަކާ އެކު އެވެ.