އެޑިވައިސްގައި ރިމޯޓު ބޭނުންކޮށްގެން ގޮއްވާލެވޭފަދަ އެންޓަނާއަކާ އެއްޗެހި ހަރުކޮށްފައި ވާކަމަށް އެމްއެންޑީއެފުން ބުނި. އަދި މިހާރު އެ ޑިވައި ޑިފިއުސްކޮށްލުމަށް ފަހު، އޭތި ރައްކާތެރި ކަމާއެކު ނައްތާލުމުގެ މަސައްކަތް މިހާރު ކުރަމުން އަންނަ ކަމަށާއި، ތަހުގީގު ކުރިއަށް ގެންދިއުމަށް މޯލްޑިވްސް ޕޮލިސް ސާވިސްއާ ހަވާލުކުރެވިފައި ވާކަމަށް ވެސް އެމްއެންޑީއެފުން ބުނި.

އެމްއެންޑީއެފުން ބުނީ، އައިއީޑީ ފޮރުވާފައި އޮތީ، ނޫރާނީ މަގުގައި ހުންނަ ހިތިގަސްދޮށުގެ އާގޭ ކުރިމަތީގައި ބާއްވާފައި އޮތް ހުދުކުލައިގެ ބޮޑު ޕިކަޕެއްގެ ބެޓްރީ ކޮންޕާޓްމަންޓުގައި ޓީޝާޓަކަށްލައި އޮޅާލައިފައި ކަމަށާއި ހަވީރު 5:00 ކަންހާއިރު އެ ޑިވައިސް ފެނުމުން އޭގެ އެންމެ ރައްކާތެރި ގޮތަކީ ރައްޔިތުންނަށާއި ތަނަށް އެންމެ ގެއްލުން ކުޑަވާނޭ ގޮތެއްބަލާފައި މާލޭގައި އެންމެ އޯޕަން ގްރައުންޑަކީ ސްޓޭޑިއަމް ސަރަހައްދު ކަމަށްވާތީ ރައްކާތެރި ކަމާއެކު އޭތި ސްޓޭޑިއަމަށް ގެންދިޔައީ ކަމަށް.

އެ ޑިވައިސް މާފަންނު ސްޓޭޑިއަމަަށް ގެންދިއުމަށް ގެންދިޔައީ އެ ފެނުނު ސަރަހައްދުގައި އެ ނުގޮވާގޮތް ހެދުމުގެ މަސައްކަތް ކޮށްފި ނަމަ ލިބިދާނޭ ގެއްލުމަށް ބަލާފައި ކަމަށް.

ސިފައިން ބުނީ، ނޫރާނީ މަގުގައި ޕާރކް ކޮށްފައިއޮތް ޕިކަޕެއްގައި އައިއީޑީއެއް ކަމަށް ޝައްކުކުރެވޭ އެއްޗެއް ހުރި ކަމުގެ މަޢުލޫމާތު އެމްއެންޑީއެފް އިންޓެލިޖެންސް އަށް މިއަދު ހަވީރު 4:00 ހާއިރު ލިބުމުން، އެ ޑިވައިސް ހޯދައި ބެލިއިރު، އެއީ އައިއީޑީއެއްކަން އެނގުނު ކަމަށާއި، އަދި އެ ގޮއްވަން ބޭނުންކޮށްފައި ވަނީ، ސްޓިކް ޑައިނަމައިޓެއް ކަމަށް.

މައުލޫމާތު ދެއްވަނީ ކެޕްޓަން އަލީ އިހްސާން.

އެމްއެންޑީއެފުގެ ޕްރެސްކޮންފަރެންސް ފަށައިފި.

އަމީނީމަގާއި ބޮޑުތަކުރުފާނު މަގު ދޫކޮށްލައިފި، އެހެން ނަމަވެސް ކަޅުތުއްކަލާ އަށް ދާން އޮންނަ އަދި މިފްކޯ ކުރިމަތީން އޮންނަ މަގު ވަނީ ބަންދުކޮށްފައި.

މިރޭ 10:00ގައި ނިއުސްކޮންފަރެންސެއް ބާއްވަން ހަމަޖެހިފައިވާ ކަމަށް އެމްއެންޑީއެފުން ބުނެފި.

ސްޓޭޑިއަމްތެރޭގައި އޮތް ސިފައިންގެ ޖޭމާ ވެހިކަލް ގެންގޮސްފި އެހެން ނަމަވެސް އަދިވެސް އެ ތަނުގައި ފުލުހުންނާއި ސިފައިން ދަނީ ހަރަކާތްތެރިވަމުން.

ރާއްޖެ ޓީވީގެ ޖާނަލިސްޓު ލީވާން އަލީ ވެސް ހައްޔަރުކޮށްފި

ސްޓޭޑިއަމް ވަށައިގެން ހިމެނޭ ސަރަހައްދު އެކުގައި މިހާރު ވަނީ ބަންދުކޮށްފައި. އިރު އޮއްސުނު ގަޑީގައި ސްޓޭޑިއަމްގައި ކަސްރަތު ކުރުމަށާއި ފުޓްބޯޅަ ކުޅުމަަށް ގިނަ ބަޔަކު ހަރަކާތްތެރިވެފައި ވާއިރު، ފުލުހުންނާ ސިފައިން ވަނީ މިހާރު ސްޓޭޑިއަން އެއްކޮށް ހުސްކޮށްފައި. އަދި މުލީއާގެ ސަރަހައްދު ފެނުނު ޝައްކުކުރެވޭ ޑިވައިސްއެއް ވަނީ ސްޓޭޑިއަމަށް ގެންގޮސްފައި.

ގޮވާޒާތުގެ އެއެއްޗެއް ކަމަށް ބެލެވޭ ޑިވައިސްއެއް މުލިއާގެ ކައިރިން ފެނިއްޖެ.

ހޯމް މިނިސްޓަރު އުމަރު ނަސީރު ދެންމެ ޓްވީޓެއް ކުރައްވައި ވިދާޅުވީ އެއީ ގޮވާޒާތުގެ ޑިވައިސްއެއް ކަމެއް އަދި ނޭނގޭ ކަމަށާއި އެޑިވައިސް މާފަންނު ސްޓޭޑިއަމް ސަރަހައްދަށް ގެންގޮސް އެ ޑިވައިސް ޗެކްކުރުމުގެ މަސައްކަތް ސިފައިން ކުރަމުން އަންނަ ކަމަށް.

ރާއްޖެ ޓީވީގެ ސީއޯއޯ ހުސައިން ފިޔާޒު މޫސާ އާއި ނޫސްވެރިޔާ މުހައްމަދު ވިސާމް ސަލާމަތީ ބާރުތަކުގެ ބެލުމުގެ ދަށަށް ގެންގޮސްފި

ސިފައިންގެ ވެވެހިކަލެއް ޓާފް ދަނޑު ސަރަހައްދަށް ގެންގޮސްފި