27 Oct 2015, 17:02
ތަފާތު އެކި މައްސަލަތަކުގައި ބަންދުކޮށްފައިވާ ނުވަތަ ޖަލުގައި ހުކުމް ތަންފީޒު ކުރަމުން އަންނަ ސިޔާސީ ބޭފުޅުން ތިއްބަވާ ތަނަށް ނައިބު ރައީސް އަހުމަދު އަދީބު ބަދަލުކުރަން ކްރިމިނަލް ކޯޓުން މިއަދު އަމުރުކޮށްފިއެވެ.
އަދީބުގެ ގާނޫނީ ވަކީލު ހުސައިން ޝަމީމް މިއަދު ކުރެއްވި ޓްވީޓެއްގައި ވިދާޅުވެފައި ވަނީ ހުކުމް ތަންފީޒު ކުރަމުންދާ ނުވަތަ ބަންކޮށްފައިވާ ސިޔާސީ ކުށްވެރިން ތިބޭތަނަށް އަދީބު ބަދަލުކުރަން ކްރިމިނަލް ކޯޓުން މިއަދު އަމުރުކޮށްފައިވާ ކަމަށެވެ.
Criminal court has ordered@PoliceMvto immediately transfer VP to a facility that is provided to any other political detainee.
— Hussain Shameem (@HuShameem)October 27, 2015
އެގޮތަށް އަމުރުކޮށްފައި ވަނީ އަދީބު ހުށަހެޅުއްވި ޝަކުވާއަކާ ގުޅިގެން މިއަދު ކްރިމިނަލް ކޯޓުގައި ބޭއްވި އަޑުއެހުމެއްގަ އެވެ.
އެ އަޑުއެހުން ކުރިއަށް ގެންގޮސްފައި ވަނީވެސް ނައިބު ރައީސް ދޫނިދޫގައި ބަހައްޓައިގެން ވީޑިއޯ ކޮންފަރެންސްމެދުވެރިކޮށެވެ.