22 Oct 2015, 11:41
އޮންލައިންކޮށް މުދާ ގަތުމުން ރާއްޖޭގެ ކޮންމެ ރަށަކަށް ވެސް މުދާ ގެންގޮސްދޭ އޮންލައިން ވެބްސައިޓެއް ތައާރަފްކޮށްފި އެވެ.
އަވަސް ކާޓްގެނަމުގައި ތައާރަފް ކޮށްފައިވާ އެވެބްސައިޓާ ގުޅޭ ގޮތުން މައުލޫމާތު ދެއްވަމުން އެ ކުންފުނީގެ މާކެޓިން މެނޭޖަރު މުހައްމަދު ޝާފިއު ވިދާޅުވީ އެވެބްސައިޓް މެދުވެރިކޮށް މުދާ ގަތުމުން ކޮންމެ ރަށެއްގެ ކޮންމެ ގެއަކަށް ހިލޭ މުދާ ގެންގޮސްދޭނެ ކަމަށެވެ.
އެގޮތުން މާލޭގެ ފިހާތަކުން އަތޮޅުތެރޭ ދިރިއުޅޭ ފަރާތްތަކަށް މުދާ ގަނެވޭއިރު އަތޮޅު ތެރޭ ފިހާރަތަކުން މާލޭގައި ދިރިއުޅޭ ފަރާތްތަކަށް މުދާ ގަނެވޭނެ ކަމަށް ވެސް ޝާފިއު ވިދާޅުވި އެވެ.
އަވަސް ކޭޓް ވެބްސައިޓް--
އެވެބްސައިޓުގައި ރާއްޖޭގެ 50 ފިހާރައަކާއި މެލޭޝިއާ އާއި ސިންގަޕޫރާއި ޗައިނާގެ ބައެއް ވިޔަފާރިތަކުން ވަނީ ބައިވެރިވެފަ އެވެ. އެބެންސައިޓު މެދުވެރިކޮށް ކާބޯތަކެތި ފިޔަވައި އެހެނިހެން ސާމާނު ވިއްކަ އެވެ.
ޝާފިއު ވިދާޅުވީ އޯޑަރު ދޭ މުދާ އެ ރަށަށް ފޮނުވައިދޭ މުއްދަތު ކަނޑައެޅޭނީ އެރަށެއް އޮންނަ ސަރަހައްދަކަށް ބަލައިގެން ކަމަށާއި ފައިސާ ދައްކަން ޖެހޭނީ އެމުދަލެއް އެމީހަކާއި ހަމައަށް ގެންގޮސް ދިނުމުން ކަމަށެވެ.
އެވެބްސައިޓު މެދުވެރިކޮށް މުދާ ވިއްކުމުގެ ފުރުސަތު ދިވެހި ވިޔަފާރިތަކަށް ހުޅުވާލެވިފައިވާ ކަމަށް ޝާފިއު ވިދާޅުވި އެވެ.