ރައީސް އަވަހާރަކޮށްލަން ލޯންޗުކޮޅުގައި ގޮއްވާލީ ބޮމެއް: އުމަރު

ބުލޮގު ޚުލާސާ

ނެޝަނަލް އިންކުއަރީ ކޮމިޝަނުން ނޫސްވެރިންނަށް ބާއްވާ ޕްރެސް ކޮންފަރެންސް ރައީސް އޮފީހުގައި ފަށައިފި އެވެ. މިއީ މި ކޮމިޝަނުން މީޑިއާއާ ބައްދަލު ކުރާ ދެ ވަނަ ފަހަރެވެ.

އެންމެ ފުރަތަމަ މީޑީއާއާ ބައްދަލު ކުރުމަށްފަހު ކޮމިޝުން އާންމުކޮށްފައި ވަނީ ރިޔާސީ ލޯންޗުގައި އެއްޗެއް ގޮވާ މަންޒަރެވެ.

15:44

ޕްރެސް ކޮންފަރެންސް ނިންމާލައިފި

އުމަރު

މި ހަމަލާގެ އެންމެ ފުނަށް އަޅުގަނޑުމެން ދާނަން. މި މައްސަލަ އަޅުގަނޑުމެން ބަލައި، މިކަން ކުރި މީހުންނަށް އެންމެ ހަރުކަށި އަދަބު އަޅުގަނޑުމެން ދޭނަން.

15:33

ލޯންޗުކޮޅުގައި ގޮވި އެއްޗެހީގައި އެކުލެވިގެން ވަނީ "ކޮން ކަހަލަ މާއްދާ"ތަކެއްތޯ އަދި އެއީ ކޮން ކަހަލަ ގޮވާ އެއްޗެއްތޯ ސުވާލު ކުރުމުން އިންކުއަރީ ކޮމިޝަނުން ޖަވާބެއް ނުދެއްވި. ތަހުގީގު މި މަރުހަލާގައި އެ މައުލޫމާތު ހިއްސާ ކުރެވެން ނެތް ކަމަށް ކޮމިޝަނުން ބުނި.

މިނިސްޓަރު އުމަރު ވިދާޅުވީ އެއާ ކޮންޑިޝަން ގޮވި ކަމަށް ދައްކާ ވާހަކައަކީ ދޮގެއް ކަމަށާއި "އެއާކޮންޑިޝަނާ ގުޅުމެއް" އެ ގޮވުމާ ގުޅުމެއް ނެތް ކަމަށް.

15:29

މިނިސްޓަރު އުމަރު ނަސީރު

ލޯންޗުކޮޅު ހާދިސާއާ ގުޅިގެން ތުހުމަތު ކުރެވޭ ފަރާތުގެ ނަން އާންމު ކުރާނީ އެކަން ކުރި ފަރާތް ޔަގީންވުމުން ކަމަށް އުމަރު ވިދާޅުވި.

ތުހުމަތު ކުރެވޭ ފަރާތުގެ ނަން އަޅުގަނޑުމެން ކިޔާނީ ޔަގީންވީމަ...މިއީ ވަރަށް ބޮޑު މައްސަލައެއް. މިއީ ރައީސުލްޖުމްހޫރިއްޔާ އަވަހާރަކޮށްލަން ދެވުނު ފުރަތަމަ ހަމަލާ. މީގެ ކުރިން ހަމަލާތައް ރާވާފައިވާ މައްސަލައެއް. މިއީ އާދައިގެ މައްސަލައަކަށް ވުރެ ކޮންޕްލިކޭޓެޑް މައްސަލައެއް.