20 Oct 2015, 14:42
މަހިބަދޫ ސްޕޯޓްސް ކުލަބުގެ ކޯޗް ކަމުން ބަލްގޭރިއާގެ ޔުރޮދާން އިވޮނާވް ސްޓައިކޯވް ވަކިކޮށްފި އެވެ.
މަހިބަދޫ ސްޕޯޓްސް ކުލަބުގެ އެއް ފައުންޑާކުރިގެ މަޝްހޫރު ފޫޓްބޯޅަ ކުޅުންތެރިޔާ އަދި މަހިބަދޫ ދާއިރާގެ މެންބަރު އަހްމަދު ތާރީޤް (ޓޮމް) އޭނާ ފޭސްބުކް ޕޭޖުގައި ވިދާޅުވެފައި ވަނީ މި ވަގުތު ކޯޗަށާއި ޓީމަށް ވެސް އެންމެ ރަނގަޅު ގޮތަކީ ސްޓައިކޯވްއާއެކު ހަދާފައިވާ އެއްބަސްވުން އުވާލުން ކަމަށް ކުލަބުގެ އެގްޒެކެޓިވް ބޯޑުން ނިންމާފައިވާ ކަމަށެވެ.
ޠޯރިޤް ވިދާޅުވީ ސްޓައިކޯވްގެ ކެރިއާގައި އޭނާއަށް ކާމިޔާބަށް އެދޭ ކަމަށެވެ.
ދެހާސް ފަސް ވަނަ އަހަރު ޠޯރިޤާއެކު ނިއުރޭޑިއަންޓް އޭއެފްސީ ކަޕްގެ ސެމީ ފައިނަލަށް ގެންގޮސްދިން ސްޓައިކޯވް ވަނީ ގައުމީ ފުޓްބޯޅަ ޓީމުގެ ކޯޗްކަންވެސް ކޮށްފައެވެ.
މަހިބަދޫއާ ހަވާލުވުމުގެ ކުރިން ސްޓައިކޯވް ވަނީ ބުރުނާއިގެ ޓީމަކަށްވެސް ކޯޗް ކޮށްދީފައެވެ.
ޓޯމް ބުނީ ވަގުތީ ގޮތުން ޓީމުގެ ކޯޗްގެ މަސްޢޫލިއްޔަތު އުފުލާނީ އެސިސްޓެންޓް ކޯޗް ހުސައިން އައްބާސް ކަމަށެވެ.
އުރީދޫ ދިވެހި ޕްރިމިއާ ލީގުގައި މަހިބަދޫ އޮތީ ހަތް ޕޮއިންޓާއެކު ތާވަލްގެ އެންމެ ފުލުގައެވެ.
ލީގުގެ ފުރަތަމަ ބުރުގެ އެންމެ ފަހު މެޗްގައި މިދިޔަ އާދިއްތަ ދުވަހު ވެލެންސީއާ ދެކޮޅަށް ކުޅުނު މެޗުން އެޓީމު ބަލީވީ ދެ ލަނޑުގެ ލީޑަކާއެކު ކުރީގައި ވަނިކޮށެވެ.
އެޓީމަށް މިހާރު ވަނީ ރެލިގޭޝަންގެ ބިރު ކުރިމަތިވެފައެވެ.