11 Oct 2015, 17:59
ކުޑަކުދިންނާ ގުޅޭ ހަބަރާއި މައުލޫމާތު ހިއްސާ ކުރުމަށް، މޯލްޑިވްސް މީޑިއާ ކައުންސިލް (އެމްއެމްސީ)އިން ލ. ފޮނަދޫ އާއި ލ. ގަމުގައި ސެޝަންތަކެއް ކުރިއަށް ގެންގޮސްފި އެވެ.
އެމްއެމްސީން މިއަދު ބުނީ ޔުނިސެފްގެ އެހީގައި މިދިޔަ ބުރާސްފަތި ދުވަހާއި ހުކުރު ދުވަހު އެ ދެ ރަށުގައި ކުރިއަށް ގެންދިޔަ ތަމްރީންތަކުގައި ކުޑަކުދިންނާ ގުޅޭ ހަބަރާއި މައުލޫމާތު ހާމަ ކުރުމުގެ އުސޫލުތަކާއި ކުޑަކުދިންގެ ހައްގުތަކާއި ބެހޭ ގޮތުން މައުލޫމާތު ފޯރުކޮށްދީފައިވާނެ ކަމަށެވެ.
އެމްއެމްސީން ލ. އަތޮޅުގައި ކުރިއަށް ގެންދިޔަ ސެޝަންތަކުގެ ތެރެއިން-- ފޮޓޯ: އެމްއެމްސީ
އެ ތަމްރީން ސެޝަންގައި ލ. އަތޮޅު ތައުލީމީ މަރުކަޒުގެ 124 ދަރިވަރުންނާއި 21 ބެލެނިވެރިން ބައިވެރިވެފައިވާއިރު ފޮނަދޫ ހަމަދު ސުކޫލުގެ 126 ދަރިވަރުންނާއި 30 ބެލެނިވެރިން ބައިވެރިވެފައިވާ ކަމަށް އެމްއެމްސީން ބުނެ އެވެ.
ލ. އަތޮޅުގައި އެމްއެމްސީން ކުރިއަށް ގެންދިޔަ ސެޝަންތަކުގެ ތެރެއިން-- ފޮޓޯ: އެމްއެމްސީ
އެ ދެ ރަށުގެ ސްކޫލްތަކުގެ އިތުރުން ލ. އަތޮޅު ކައުންސިލާއި ގަމާއި ފޮނަދޫ ކައުންސިލާއި ސިވިލް ސާވިސް މުވައްޒަފުންނަށް އެ ތަމްރީންތައް ބާއްވާފައިވާ ކަމަށް އެމްއެމްސީން ބުނެއެވެ.