03 Oct 2015, 16:47
ދިރާގުގެ އިންޓަނެޓަށް ދިމާވި މައްސަލަ މިހާރު ހައްލުކުރެވިފައިވާ ކަމަށް އެ ކުންފުނިން ބުނެފި އެވެ.
ދިރާގުގެ މެނޭޖަރ މާކެޓިން ކޮމިއުނިކޭޝަން އެންޑް ޕީއާރު މުޙައްމަދު މިރުޝާން ހަސަން ވިދާޅުވީ، ވެސްޓް ރޫޓަށް ދިމާވި މައްސަލައަކާ ހުރެ އިންޓަނެޓަށް އޭގެ އަސަރުކޮށްފައިވާ ކަމަށެވެ.
"ވެސްޓް ސައިޑުގެ އިންޓަނޭޝަނަލް ރޫޓުގަ ދިމާވި ކަންތައްތަކެއް. މިހާރު ރޭގައި އެ ދިމާވި ކަންތައްތަކަށް ވުރެ ރަނގަޅުވާނެ. އެއީ ރޭގަ ލަންޑަން ހިސާބުގަ އުޅުނު ކަމެއްގެ ސަބަބުން އިންޓަނެޓަށް އަސަރުކުރީ،" މިރުޝާން ވިދާޅުވި އެވެ.
އޭނާ ވިދާޅުވީ ކުރިއެކޭ އެއްގޮތަށް މިހާރު އިންޓަނެޓް ލިބޭނެ ކަމަށާއި އިންޓަނެއްޓަށް ދިމާވި ކަންތައްތައް މިހާރު ހައްލުކޮށްފައިވާ ކަމަށެވެ.
އިއްޔެ އިން ފެށިގެން ދިރާގުގެ އިންޓަނެޓް ބޭނުން ކުރުމުގައި އަންނަނީ ދަތިތަކާ ކުރިމަތިވަމުންނެވެ. އަދި ގިނަބަޔަކު ދަނީ އެކަމާ ޝަކުވާ ކުރަމުންނެވެ.