ރައީސްގެ އަނބިކަނބަލުން ފާތުމަތު އިބްރާހީމްގެ މައިބަދަ ވަނީ، ރެނދުލާފައި. އަދި ރައީސްގެ ޕްރޮޓްކޯލް ހެޑް، ފާތުމަތު ސޯލިހާއި ބޮޑީގާޑު އަބްދުއްނާސިރުގެ އަތާއި ފައި ވަނީ ފިހިފައި. ސަން އަށް އެނގިފައިވާ ގޮތުގައި ރައީސްގެ އަނބިކަނބަލުންގެ މައިބަދާގެ ހަތަރު ތަނެއްގައި ވަނީ ރެނދުލާފައި، އަދި ރެނދުލީ އެއްޗެއް ގޮވުމާ އެކު އެ ކަމަނާ އިދިފުށަށް ވެއްޓިވަޑައިގަތުމުން. ތިން ހަފްތާ ވަރު ބެޑް ރެސްޓް ކުރުމަށް ޑޮކްޓަރުން ވަނީ ލަފާދީފައި.

ރައީސް ޔާމީން އާއި ނައިބު ރައީސް އަހްމަދު އަދީބާއި އެމްޑީއޭގެ ލީޑަރު އަދި ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަހްމަދު ސިޔާމް މުހައްމަދު އިންދިރާގާނދީ މެމޯރިއަލް ހޮސްޕިޓަލްގައި. އައިޖީއެމްއެޗުން ފަރުވާ ހޯއްދެވުމަށްފަހު ރައީސް ޔާމީން މިހާރު ވަނީ އެނބުރި ވަޑައިގެންފައި.

ކުރީގެ ރައީސް މައުމޫން އަބްދުލްގައްޔޫމް ރައީސް ޔާމީނާއި އެމަނިކުފާނުގެ އަނބިކަނބަލުން ފާތިމަތު އިބްރާހީމްގެ ހާލުކޮށްޅު ބައްލަވައިލެއްވުމަށް އައިޖީއެމްއެޗަށް ޒިޔާރަތްކުރެއްވުމަށް ފަހު ކުރެއްވި ޓްވީޓެއްގައި ވިދާޅުވެފައި ވަނީ ރައީސް ޔާމީންގެ އަނބިކަބަލުންގެ ހާލުކޮޅު މިހާރު ރަނގަޅުވަމުން އަންނަކަމަށް.

ކްރައިމް އިންވެސްޓިގޭޝަން ކޮމާންޑުގެ ހެޑް، ޗީފް ސުޕްރިންޓެންޑެންޓު އޮފް ޕޮލިސް، ހަމްދޫން ރަޝީދު ވިދާޅުވީ ރައީސްގެ ލޯންޗުކޮޅުގައި އެއްޗެއް ގޮއްވާލި ހާދިސާގެ ތަހުގީގަށް އެމެރިކާ އާއި އޮސްޓްރޭލިއާގެ އެހީތެރިކަމަށް އެދިފައިވާ ކަމަށް

ރައީސްގެ ލޯންޗުކޮޅުގައި އެއްޗެއްގޮއްވި ހާދިސާ ތަހުގީގު ކުރުމަށް ރާއްޖެއިން ބޭރުގެ ފަރާތްތަކަށް ފުލުހުން އެދިއްޖެ

ރައީސް ޔާމީން ދަތުރުފުޅުކުރައްވަމުން ގެންދެވި ލޯންޗުކޮޅުގައި އެއްޗެއް ގޮއްވާލި ނުރައްކާތެރި ހާދިސާ މިހާރުން މިހާރަށް ތަހުގީގުކޮށް އެކަމުގައި އިހުމާލުވާ ފަރާތްތަކާމެދު ފިޔަވަޅު އެޅުމަށް ދައުލަތުގެ އެންމެހައި ފަރާތްތަކަށް އިދިކޮޅު އެމްޑީޕީން ގޮވާލައިފި

ޕީޕީއެމް އިން މިއަދު ނެރުނު ބަޔާނެއްގައި ވަނީ ރައީސް ޔާމީން އިންނަވަނިކޮށް އެމަނިކުފާނުގެ ލޯންޗުކޮޅުގައި އެއްޗެއް ގޮއްވާލުމުގެ ސަބަބުން ދިވެހި ރައްޔިތުންނަށާއި ޕީޕީއެމްގެ މެމްބަރުންނަށް ވަރަށް ބޮޑު ކަންބޮޑުވުމަކާ ނުތަނަވަސްކަމެއް ލިބިފައިވާ ކަމަށެވެ. އަދި އެކަން ދިމާވި ސަބަބެއް ބަލައި އެކަމުގެ އަވަސް ތަހުގީގެއް ހިންގަވައި އަޅަންޖެހޭ ފިޔަވަޅުތައް ވަގުތުން ވަގުތައް އެޅުމަށް ޕީޕީއެމް އިން ވަނީ ގޮވާލާފައެވެ.

ލޯންޗުގައި އެއްްޗެއް ގޮވި ހާދިސާގައި ރައީސް އަބްދުﷲ ޔާމީން އަބްދުލް ގައްޔޫމަށް އެއްވެސް ގެއްލުމެއް ނުލިބޭ ކަމަށް މައުލޫމާތު ލިބެ އެވެ. އަދި ރައީސްގެ އަނބިކަނބަލުންނަށް ވެސް ސީރިއަސް ޒަހަމެއް ނުވަތަ އަނިޔާއެއް ނުވާ ކަމަށް އެނގިފައިވެ އެވެ. އަދި އެމްޑީއޭގެ ލީޑަރަށް ވެސް އެއްްވެސް ގެއްލުމެއް ނުވާ ކަމަށް އެެނގިފައިވެ އެވެ.

އެ ހާދިސާ ހިނގަން މެދުވެރިވި ސަބަބެއް އަދި ނޭނގެ އެވެ.

އެ ހާދިސާގައި ރައީސްގެ އަނބިކަނބަލުންނަށް އަންނަނީ އައިޖީއެމްއެޗުގައި ފަރުވާ ދެމުންނެވެ. ނަމަވެސް އެ އަނިޔާގެ ތަފްސީލެއް ނޭނގެ އެވެ. އެ ލޯންޗުކޮޅުގައި އެމްޑީއޭގެ ލީޑަރު އަދި ރައްޔިތުންގެ މަޖިލީހުގެ މީދޫ ދާއިރާގެ މެމްބަރު އަހުމަދު ސިޔާމް މުހައްމަދު ވެސް އިންނެވި އެވެ.