Last Updated: 1 decade 2 month ago
މައްކާއަށް ކުރަމުންދާ ވިއްސާރައިގައި ހަރަމްފުޅު ތެރެއަށް މިއަދު ކެރޭނެއް ވެއްޓި ގިނަ ބަޔަކު މަރުވެއްޖެ އެވެ.
ސައުދީގެ ލޯކަލް މީޑީއާއިން ބުނާ ގޮތުގައި މިއަދު ހަވީރު ހިނގި އެ ހާދިސާގައި މަރުވި މީހުންގެ އަދަދު 68 އަށް އަރަ އެވެ. އެ ހާދިސާގައި ޒަހަމްވި މީހުންގެ އަދަދު 150 އަށް އަރަ އެވެ. ނަމަވެސް މަރުވި މީހުންނަކީ ކޮން ގައުމެއްގެ ބައެއް ކަމެއް ވެސް އަދި ކަށަވަރެއް ނުކުރެވޭ ކަމަށް ސައުދީގެ މީޑިއާތަކުން ބުނެ އެވެ.
މައްކާގައި ހުރި ދިވެހި ހައްޖު މިޝަންގެ އޮފިޝަލަކު ވިދާޅުވީ އެ ހާދިސާގައި ދިވެއްސަކަށް އަނިޔާ ނުވާ ކަމަށެވެ. އެނގިފައިވާ ގޮތުގައި އެ ހާދިސާ ހިނގިއިރު، ހަރަމްފުޅުގައި ދިވެހިންތަކެއް ތިއްބެވެ.
ހަރަމްފުޅުގައި މިއަދު ހިނގި ހިތާމަވެރި ހާދިސާގެ ތެރެއިން ----
ހަރަމްފުޅުގައި ތިބި ދިވެހިން އެނބުރި ހޮޓަލަށް ނުދިއުމަށް އަންގާފައިވާ ކަމަށްވެ އެވެ. އެގޮތަށް އަންގާފައި ވަނީ ގަދަ ވަޔާއެކު މައްކާގެ އެކި ހިސާބުތަކަށް ވިއްސާރަކުރަމުންދާތީ އެވެ. އަދި މޫސުން ރަނގަޅުވަންދެން ހަރަމްފުޅުގައި ތިބުމަށް ދިވެހިންނަށް ވަނީ އަންގާފަ އެވެ.
ހަރަމްފުޅަށް ކެރޭން ވެއްޓުނު ހާދިސާގައި ގިނަ ބަޔަކު މަރުވެފައިވާއިރު، ބައެއް މީހުންނަށް ވަނީ އެކިވަރުގެ އަނިޔާލިބިފަ އެވެ.
ހަރަމްފުޅު ބޮޑުކުރުމަށް ސައުދީ ސަރުކާރުން ފަށާފައިވާ މަސައްކަތުގައި ބައެއް ތަންތަން މަރާމާރު ކުރުމަށް ގިނަ އަދަދެއްގެ ކެރޭނުތަކެއް ހަރަމްފުޅު ސަރަހައްދުގައި ވަނީ ބަހައްޓާފަ އެވެ. މިއަދު ހަވީރު މައްކާއަށް ކުރި ވިއްސާރައިގައި ވެއްޓުނު ކެރޭނަކީ އެފަދަ ކެރޭނެކެވެ.
ހަރަމްފުޅުގައި މިއަދު ހިނގި ހިތާމަވެރި ހާދިސާގެ ތެރެއިން ----
ސިސިލްފަރު ގްރޫޕާއި ޒައީމާ ހައްޖު ގްރޫޕްގެ ހަވާލުގައި ހައްޖަށް ދިޔަ އެއްވެސް މީހަކަށް އަނިޔާއެއް ލިބިފައިނުވާ ކަމަށާއި އެ ގްރޫޕްގެ ހަވާލުގައި ހައްޖަށްދިޔަ އެންމެން ވެސް ހެޔޮހާލުގައި ތިބިކަން މައްކާގައި ހުންނަ ދިވެހި ހައްޖު މިޝަނުން ކަށަވަރުކޮށްދީފި
ބީބީސީ އިން ދެންމެ ބުނީ، ކްރޭން ވެއްޓި ހިނގި ހާދިސާގައި މިހާތަނަށް 65 މީހަކު މަރުވެ، ޒަހަމުވި މީހުންގެ އަދަދު 180 އަރާފައިވާ ކަމަށް. ބީބީސީ އިން ބުނީ ކްރޭން ވެއްޓެން ދިމާވީ ކީއްވެގެންކަން އަދި ނޭނގޭ ކަމަށް. ނަމަވެސް ބައެއް ރިޕޯޓްތަކާ ހަވަލާދީ ބުނީ، ވައިގަދަވެ، ވިއްސާރަވުމަކީ ކްރޭން ވެއްޓެން ދިމާވި ސަބަބުކަމަށް ވެދާނެ ކަމަށް. ކްރޭން ވެއްޓުނީ މިސްކިތުގެ ފުރާޅުމައްޗަށް. މިދިޔަ ހަފުތާގައި ސައުދީ އެރެބިޔާ އަށް ވަނީ ވެލީގެ ތޫފާނެއް އަރާފައި.
އިސްލާމިކް މިނިސްޓަރު ޑރ. އަހްމަދު ޒިޔާދު ބާރިގިރު ސަން އަށް ވިދާޅުވީ ކެރޭނު ވެއްޓިފަައި ވަނީ އާންމުކޮށް ދިވެހީން ގޮސް އުޅޭ ސަރަހައްދަކަށް ނޫން ކަމަށެވެ. އަދި މިހާތަނަށް ލިބުނު މައުލޫމާތުތަކުން އެއްވެސް ދިވެއްސަކު މަރުވި ކަމެއް ނުވަތަ ޒަޚަމްވިކަމެއް ނޭނގޭ ކަމަށް ވެސް މިނިސްޓަރު ވިދާޅުވި އެވެ.
މި ހިތާމަވެރި ހާދިސާ ހިނގީ އާންމުކޮށް ދިވެހީން ގޮސްއުޅޭ ސަރަހައްދެއްގައެއް ނޫން. އެހެންނަމަވަމެސް އެ ސަރަހައްދަށް ދިވެއްސަކު ދިޔަކަމެއް ނުދާކަމެއް ކަނޑައެޅިގެން ދަންނަވާކަށެއް ނޭނގެ. ހާދިސާ ހިނގިއިރު ދިވެހި ހައްޖާޖީން ހަރަމްފުޅުގެ ތެރޭގައި ތިބި. ދިވެހި ހައްޖާޖީންނަށް ކެރޭނު ވެއްޓުނު މަންޒަރު ފެނުނު ކަމަށް ވަނީ
މައްކާގައި ހުންނެވި ދިވެހި ހައްޖު މިޝަންގެ ރައީސް އަލީ ޝަރީފު ދެންމެ ސަން ފޯނުން ވިދާޅުވީ މިހާތަނަށް ބެލިބެލުމުން އެއްވެސް ދިވެއްސަކަށް އަނިޔާވިކަން އަދި އެނގިވަޑައިގެންފައި ނުވާ ކަމަށް. އޭނާ ވިދާޅުވީ ހުރިހާ ގްރޫޕްތަކާ އެކު ކޯޑިނޭޓް ކުރައްވަމުން އަންނަ ކަމަށް. އަދި ވިދާޅުވީ އަދި ކިރިޔާ މިރޭގެ އިޝާނަމާދު ނިމުނީ ކަމަށާއި ބައެއް މީހުން އަދި އެނބުރި ގްރޫޕަށް ނާންނަ ކަމަށް. ބައެއް ގްރޫޕުތަކުން 20 ނޫނީ 30 ވަރަކަށް މީހުން އަދި ހޮޓަލަށް ނާންނަ ކަމަށް ވެސް ވިދާޅުވި. އޭނާ ވިދާޅުވީ މުޅި ތަފްސީލު އަދި އެނގޭނީ މިރޭގެ ތަންކޮޅެއް ފަހުގެ ވަގުތެއްގައި ކަމަށް.
