10 Sep 2015, 10:45
ވަކި އިންތިޒާމެއްގެ ދަށުން ވަކި ގަޑިތަކަކަށް ރަނގަޅަށް ނިދުމާއި ނިދާ ވަގުތުތަކުގެ މުއްދަތަކީ އިންސާނާގެ ސިއްޙަތު ސަލާމަތުން ހުރުމާ ވަރަށް ބޮޑަށް ގުޅިފައިވާ ކަމެއް ކަމަށް އެމެރިކާގެ ވޮޝިންޓަން ޔުނިވާސިޓީގެ ސައިންސްވެރިން ބުނެފި އެވެ.
ތަޖްރިބާތަކަކާއި އިލްމީ ހޯދުންތަކެއްގެ އަލީގައި ވޮޝިންޓަން ޔުނިވަރސިޓީގެ ރީސާޗަރުން ވިދާޅުވާ ގޮތުން ރޭގަނޑު މަދުވެގެން 6 ގަޑީއިރާއި 8 ގަޑިއިރާ ދެމެދު މިންވަރަކަށް ނިދުމާއި ދުވާލު ބައިގަޑިއެއްހާއިރު ނިދުމަކީ ފުރިހަމަ ސިއްޙަތެއްގައި ހުރުމަށް އިންސާނާއަށް ކޮންމެހެން ބޭނުން ކަމެކެވެ. މިގޮތަށް ނިދާއިރު ވަކި ގަޑިތަކެއްގައި ނިދުމާއި ވަކިގަޑިތަކަށް ހޭލުމަކީ ވެސް ބޭނުންތެރި ކަމެއްކަން ރީސާޗަރުންގެ ޓީމުން ނެރުނު ރިޕޯޓްގައި ފާހަގަކޮށްފައިވެ އެވެ.
މިކަން ސާބިތު ކުރުމަށް ސައެންސްވެރިން ކުރި ދިރާސާގައި އެކި ބާވަތުގެ ޖަނަވާރު ތަޖްރިބާގެ ގޮތުގައި ބޭނުންކޮށްފައިވެ އެވެ. އެކި ގަޑިތަކުގައި އިންތިޒާމެއް ނެތި ޖަނަވާރު ނިންދެވުމުން އެ ޖަނަވާރުތަކުގެ ސިއްޙަތަށް މައްސަލަތައް ކުރިމަތިވާކަމާ ނަމަވެސް ވަކި އިންތިޒާމެއްގެ ދަށުން ނިދާ ވަކިގަޑިތަކަކަށް ނިންދަވައި ވަކިގަޑިތަކަށް ހޭލެއްވުމުން އެ ސޮރުމެންގެ ހަށިގަނޑުގެ ގުނަވަންތަކުގެ މަސައްކަތް ރަނގަޅުވެ އާންމު ސިއްޙަތު ދުޅަހެޔޮވެ ދިފާޢީ ބާރު ގަދަވާކަން ފާހަގަކުރެވިފައިވާކަންވެސް ސައެންސްވެރިން ގެ ރިޕޯޓްގައި ބަޔާން ކުރައްވާފައިވެ އެވެ. (އާރުޓީ ޑޮޓްކޮމް)