08 Sep 2015, 12:56
މަތީ ތައުލީމްގެ 630 ލޯނަށް އެދުމުގެ އެޑިއުކޭޝަން މިނިސްޓްރީ އިން މިއަދު ހުޅުވާލައިފި އެވެ.
އޭގެ ތެރޭގައި ހިމެނެނީ އަލަށް ކިޔަަވަން ފަށާ ދަރިވަރުންނަށް 530 ލޯން ފުރުސަތާއި މިހާރު ކިޔަވާ ދަރިވަރުން ނަށް 100 ފުރުސަތު އެވެ.
އަލަށް ކިޔަވަން ފަށާ ދަރިވަރުންނަށް އެކި ދާއިރާތަކުން ރާއްޖޭގައި ކިޔެވުމަށް ވަނީ 350 ފުުރުސަތު ހުޅވާލާފަ އެވެ. އެ ދާއިރާތަކުގެ ތެރޭގައި ނާސިން، ޓީޗިން، ޓޫރިޒަމް، ހިމެނެ އެވެ. އަދި ސްކިލް ޝޯޓް ލިސްޓްގައި ހިމެނޭ ދާއިރާތަކުން ވެސް ލޯން ދިނުމަށް ވަނީ ނިންމާފަ އެވެ.
ރާއްޖޭން ބޭރުގައި ތައުލީމް ހާސިލް ކުރުމަށް ހުށަހަޅާފައިވާ 180 ފުރުސަތު ލިބޭ ދާއިރާތަކުގެ ތެރޭގައި ޕައިލެޓްކަން ކިޔެވުމާއި ޑޮކްޓަރުކަން ކިޔެވުމާއި އިންޓަނޭޝަނަލް ރިލޭޝަންސް ކިޔެވުމާއި އެކައުންޓިން ފަދަ ދާއިރާތައް ހިމެނެ އެވެ.
އެ ލޯނަށް އެދުމުގެ ޝަރުތުތަކުގެ ތެރޭގައި ތައުލީމީ އާ މަރުހަލާއަށް ކިޔަވަން ފަށަން އެދޭ ދަރިވަރަކަށް ވުމާއި މިހާރު ހާސިލްކޮށްފައިވާ ކޯހަށް ވުރެ މަތީ ލެވެލްގެ ކޯހެއް ކަމުގައި ވުމާއި މިމަހުގެ އެއްވަނަ ދުވަހާއި ހިސާބަށް ކިޔަވަން ފަށާފައިނުވާ ދަރިވަރަކު ކަމުގައި ނުވުން ހިމެނެ އެވެ.
މިހާރު ކިޔަވަމުންދާ ދރިވަރުންގެ ލޯން ފުރުސަތުތައް
މިހާރު ތައުލީމް ހާސިލްކުރަމުންދާ ދަރިވަރުންގެ ތެރެއިން ރާއްޖޭގައި ކިޔަވާ ދަރިވަރުންނަށް ލޯން ގެ 70 ފުރުސަތު އަދި ރާއްޖޭން ބޭރުގައި ތައުލީމް ހާސިލްކުރަމުންދާ ދަރިވަރުންނަށް 30 ފުރުސަތު ހިމެނެއެވެ.
މިހާރު ކިޔަވަމުންދާ ދަރިވަރުންނަށް ލޯނު ދެނީ އެއީ ހަމައެކަނި ސްކިލްސް ޝޯޓޭޖް ލިސްޓްގައި ހިމެނޭ ކޯސްތަކަށެވެ. އެކޯސްތަކަށް ދޫކުރުމަށް ހަމަޖެހިފައިވަނީ:
ޑިޕްލޮމާ ކޯސްތަަކަށް 35000 ރުފިޔާ
ބެޗްލާސް ޑިގްރީ 70000 ރުފިޔާ
މާސްޓާސް ޑިގްރީ 40000 ރުފިޔާ
ރާއްޖޭން ބޭރުގަ ކިޔަވާ ދަރިވަރުންގެ ތެރެއިން 30 ފުުރުސަތު ދިނުމަށް ހަމަޖެހިފައި ވަނީ ބެޗްލާސް ޑިގްރީ ފެންވަރުގެ ކޯސްތައް ކިޔަވަމުންދާ ދަރިވަރުންނަށް އެކަންޏެވެ.
އެ ލޯނަށް އެދުމުގެ ޝަރުތުތަކުގެ ތެރޭގައި މިމަހުގެ އެއްވަނަ ދުވަހުގެ ކުރިން ކިޔަވަން ފަށާފައިވާ ދަރިވަރަކު ކަމުގައިވުން ހިމެނެ އެވެ.
އެޕްލިކޭޝަންތައް ބަލައިގަތުން އޮންނާނީ އޮކްޓޫބަރު ހަތަރަކުން އަށަކުން ހެނދުނު 9:00 އިން މެންދުރުފަހު 3:00 އަށް ކަމަށް އެޑިއުކޭޝަން މިނިސްޓްރީން ބުނެއެވެ.
ފޯމް ދޫކުރާ އިރު ފޯމް ބަލައިގަތުމަށް ނަމްބަރެއް ދޭނެ ކަަމަށާއި ފޯމް ޑައުންލޯޑް ކުރާފަރާތްތަކަށް މިނިސްޓްރީ އަށް އައުމުން ފޯމް ހުށަހަޅަން ނަމްބަރެއް ލިބޭނެ ކަަމަށް އެޑިއުކޭޝަން މިނިސްޓްރީން ބުނެއެވެ. މިމަސް ނިމުމުގެ ކުރިން ލޯނަށް ހުށަހަޅާ ފޯމް ނަގަން ޖެހެއެވެ.