01 Sep 2015, 11:45
އެމެރިކާގެ ކުރީގެ ސެކްރެޓަރީ އޮފް ސްޓޭޓް ހިިލަރީ ކްލިންޓަންގެ މަސައްކަތުގެ މެއިލް އިން ކްލެސިފައި ކޮށްފައިވާ 150 އިތުރު މެއިލް އެއް އާންމުކޮށްފި އެވެ.
ވޭތުވެ ދިޔަ އަހަރު ކްލިންޓަން، އެމެރިކާގެ ސްޓޭޓް ޑިޕާޓްމެންޓަށް ހަވާލު ކުރެއްވި 30،000 މެއިލްގެ ތެރެއިން އިއްޔެ އާންމު ކުރި 150 މެއިލްގައި 7،000 ސޮފްހާ ހިމެނޭ ކަމަށް އެ ޑިޕާޓްމެންޓް އިން ވަނީ ބުނެފަ އެވެ.
ސްޓޭޓް ޑިޕާޓްމެންޓްގެ ސްޕޯކްސްމަން މާކް ޓޯނާ ވިދާޅުވީ އެ މެއިލްތައް ހަވާލު ކުރެވުނު އިރު އެތަކެއްޗަކީ ކްލެސިފައި ކޮށްފައިވާ ތަކެތި ކަމެއް ޔަގީން ނުވާ ކަމަށެވެ.
ފެޑެރަލް ބިއުރޯ އޮފް އިންވެސްޓިގޭޝަން އަތުގައި މިހާރު އެކަމަނާގެ ސާވާ އޮތް ކަމަށާއި އޭގައި ހުރި ތަކެތި ތަހުގީގު ކުރަމުން ދާ ކަމަށް އޮންލައިން ނޫހެއް ކަމަށްވާ ރޮއިޓާސް އިން ވަނީ ބުނެފަ އެވެ.
އެކަމަނާ ސްޓޭޓް ޑިޕާޓްމެންޓަށް ހަވާލު ކުރެއްވި މެއިލްތަކުގެ ފުރަތަމަ ބެޗުގައި 300 މެއިލް ވަނީ މޭމަހު އާންމުކޮށްފަ އެވެ. ފުރަތަމަ ބެޗުގެ 300 މެއިލްގައި 850 ސޮފްހާ ހިމެނޭ ކަމަށް ސްޓޭޓް ޑިޕާޓްމެންޓުން ވަނީ ބުނެފަ އެވެ.
އެ މެއިލްތަކުގައި ޕޮލިސީ ބްރީފިން އިން ފެށިގެން މީޓިންތަކުގެ ޝެޑިއުލަށް ވެސް ރިކުއެސްޓް ކޮށްފައިވާ ކަމަށް ރޮއިޓާސް އިން ބުންޏެވެ. އޭގެ އިތުރުން މުވައްޒަފުންގެ ދެމެދުގައި ހުރި އެކުވެރި މުއާމަލާތްތައް ވެސް އެ މެއިލްތަކުގައި ހުރި ކަމަށް ރޮއިޓާސް އިން ވަނީ ބުނެފަ އެވެ.