17 Aug 2015, 09:08
ކޮރަޕްޝަންގެ ތުހުމަތުގައި އުމުރަށް ޖަލަށްލުމަށް ހުކުމްކުރި ޗައިނާގެ އަންހެނަކު، ޖަލަށް ނުދާންވެގެން 10 އަހަރުތެރޭ 13 ފަހަރަށް ބަލިވެ އިނދެފި އެވެ.
ޗައިނާގެ އުތުރުގައި އޮންނަ ޒިންޖިއަންގް ނަމަކަށް ކިޔާ ރީޖަނެއްގެ ޔުރުގީ ނަމަކަށް ކިޔާ ސިޓީއެއްގައި އުޅޭ ޒެންގް ނަމަކަށް ކިޔާ އެ އަންހެންމީހާ ކޮރަޕްޝަންގެ ތުހުމަތެއްގައި އުމުރަށް ޖަލަށް ލުމަށް ހުކުމްކުރީ 2005 ވަނަ އަހަރުގެ އޮކްޓޯބަރު މަހުގެ ތެރޭގަ އެވެ.
އޭރު އޭނާ ބަލިވެ އިނުމުން، ޔުރުގީ އިންޓަމީޑިއޭޓް ޕީޕަލްސް ކޯޓުން އޭނާ ބަދަލުކުރީ ޕްރޮބޭޝަނަށެވެ. ނަމަވެސް ޕްރޮބޭޝަން ނިމުމުން އޭނާގެ ބަނޑުގައި އޮތް ދަރިފުޅު ވައްޓާލުމަށް ފަހު، އަނެއްކާ ވެސް ޖަލުގައި ހައްޔަރުނުވުމަށް ބަލިވެ އިނެވެ.
އެގޮތުން 2006 ވަނަ އަހަރުން ފެށިގެން އޭނާ 14 ފަހަރު ބަލިވެ އިން ކަމަށް ބުނެފައިވާ އިރު، އޭގެ ތެރެއިން ބަލިވެ އިނދެފައި ވަނީ 13 ފަހަރެވެ. އަނެއްފަހަރު ހެދީ ދޮގެވެ.
އެންމެ ފަހުން މުނިސިޕަލް ބިއުރޯ އޮފް ޖަސްޓިން އިން ވަނީ އުމުރުން މިހާރު 39 އަހަރުގެ ޒެންގް ގެ މައްސަލަ އަލުން ކޯޓަށް ހުށަހަޅާ އޭނާ އުމުރަށް ޖަލަށްލާފަ އެވެ. ނަމަވެސް އޭނާ ޖަލަށްލީ ތާރީހެއް ހާމަކޮށްފައެއް ނުވެ އެވެ.
މައުލޫމާތު: ދަ އިންޑިޕެންޑެންޓް، ޕީޕަލްސް ޑެއިލީ އޮންލައިން