06 Aug 2015, 10:43
އަމިއްލަ ދަރިއަށް ޖިންސީ ގޯނާކުރި ކަމުގެ ތުހުމަތުގައި އެ ކުއްޖާގެ ބައްޕަ ހައްޔަރު ކޮށްފި އެވެ.
ފުލުހުންގެ މީޑިއާ އޮފިޝަލު މިއަދު ސަން އަށް ވިދާޅުވީ އުމުރުން 11 އަހަރުގެ އަންހެން ދަރިއަށް ޖިންސީ ގޯނާ ކުރި ކަމުގެ ތުހުމަތުގައި ކޯޓު އަމުރެއްގެ ދަށުން 57 އަހަރުގެ މީހަކު އިއްޔެ ހަވީރުގެ ވަގުތެއްގައި ހައްޔަރު ކޮށްފައިވާ ކަމަށެވެ.
ހައްޔަރު ކުރި މީހާއަކީ ދެކުނުގެ ރަށަކަށް ނިސްބަތްވާ މީހެކެވެ.
ދާދިފަހުން ވަނީ އަމިއްލަ ދަރިއަށް ޖިންސީ ގޯނާކުރި ކަން ސާބިތުވި މީހަކު 24 އަހަރަށް ޖަލަށް ލުމަށް ށ. ފުނަދޫ މެޖިސްޓްރޭޓް ކޯޓުން ހުކުމް ކޮށްފަ އެވެ.