09 Mar 2011, 19:25
ސަރުކާރު އޮފީސްތަކާއި ކުންފުނިތަކުގެ 14 ވަނަ ބާސްކެޓްބޯޅަ މުބާރާތުގައި ފަސޭހަކަމާއެކު ޕޯޓްސް ލިމިޓެޑް ބަލިކޮށް ކަސްޓަމްސް ސެމީން ޖާގަ ހޯދައިފި އެވެ.
މުބާރާތުގައި ރޭ ކުޅެވުނު ގްރޫޕް ސްޓޭޖްގެ ފަހު މެޗުގައި ކަސްޓަމްސް މޮޅުވީ 36-67 ޕޮއިންޓުންނެވެ. މެޗުގެ މޮޅު ކުޅުންތެރިއަކަށް ހޮވުނީ ކަސްޓަމްސްއަށް 27 ޕޮއިންޓް ހޯދައިދިން ހަސަން ފާރިޝް އެވެ.
މިގްރޫޕުން 1 ވަނަ ލިބުނީ އެމް އެން ޑީ އެފަށެވެ. އެޓީމަށް އެ މަގާމު ޔަގީންވީ އިއްްޔެ ހަވީރު އައިލެންޑް އޭވިއޭޝަނާއި ވާދަކޮށް 67-56 ޕޮއިންޓުން މޮޅުވުމުންނެވެ.
މުބާރާތުގެ ސެމީގައި މާދަމާ ހަވީރު ޖީއެމްއާރާއި އެމް އެން ޑީ އެފް ވާދަކުރާއިރު މާދަމާރޭ ކުޅޭނީ ޕޮލިހާއި ކަސްޓަމްސް އެވެ.
މުބާރާތުގެ ފައިނަލު އޮންނާނީ މިމަހުގެ 12 ވަނަ ދުވަހުގެރެއެވެ.