20 Jul 2015, 11:21
ސައުދީ އެރެބިޔާ އިން އެކްސްޕޯޓް ކުރާ ތެލުގެ އަދަދު ދަށްވެ، ތެޔޮ އުފައްދާ މިންވަރު ރެކޯޑް މިންވަރަކަށް މައްޗަށް ދިއުމުން ތެލުގެ އަގު އަނެއްކާ ވެސް ދުނިޔޭގެ ބާޒާރުގައި ދަށަށް ހިނގައްޖެ އެވެ.
ިއީރާނުގެ ޑީލާ އެކު އަދި އީރާނުން އެކްސްޕޯޓް ކުރާނެ ތެލުގެ މިންވަރު އިތުރުވާނެ ކަމަށް ބެލެވޭތީ، ދުނިޔޭގެ ބާޒާރާއި އެމެރިކާގެ ތެލުގެ އަގު ވިދިވިދިގެން ދަށަށްދާތާ ތިން ހަފުތާ ވެއްޖެ އެވެ.
ތެލުގެ ބެންޗު މާކް ކަނޑައަޅާ ބްރެންޓުން މިދިޔަ ސެޕްޓެމްބަރު މަހު ސާފު ނުކުރާ ތެޔޮ ފީފާއެއްގެ އަގު ކަނޑައަޅާފައި ވަނީ 56.98 ޑޮލަރަށެވެ. ނަމަވެސް މިދިޔަ ހަފްތާގައި ވަނީ ތިން ޕަސެންޓް އަގު ވެއްޓި، އަދި މަސް ދުވަހުގެ ތެރޭގައި 10 ޕަސެންޓް ދަށަށް ގޮސްފަ އެވެ.
އެމެރިކާގެ ވެސްޓް ޓެކްސަސް އިންޓަމީޑިއޭޓް (ޑަބްލިޔުޓީއައި)ގެ ތެލުގެ އަގު ވެސް މިއަދު ވަނީ 17 ސެންޓް ދަށްވެ، ފީފާއެއް 50.72 ޑޮލަރަށް ވެއްޓިފަ އެވެ.
ސައުދީއެރެބިޔާ އިން ތެޔޮ އެކްސްޕޯޓް ކުރާ މިންވަރު ޑިސެމްބަރު މަހަށް ފަހު، މިދިޔަ މޭ މަހު ވަނީ ވަރަށް ބޮޑުތަން ދަށްވެފަ އެވެ. އަދި އެއީ މިދިޔަ އެޕްރީލް މަހު ދުވާލެެއްގެ މަައްޗަށް އެކްސްޕޯޓް ކުރި، 7.737 ފީފީ ތެލަށް ވުރެ، 800،000 ފީފާ މަދުކޮށް، 6.935 މިލިއަން ފީފާ ތެލެވެ.
ސައުދީއެރެބިޔާ އިން ދުވާލަކު 10 މިލިއަން ފީފާ ތެޔޮ ދުވާލަކު އުފައްދަ އެވެ.