16 Jul 2015, 22:56
މިއަހަރުގެ ފިޠުރު ޢީދު ދުވަހު ރައީސުކްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމްގެ ދެކަނބަލުން އީދު ސަލާން ކުރެއްވުން ހޮނިހިރު ދުވަހަށް ފަސްކޮށްފިއެވެ.
ރައީސް އޮފީހުގެ ތަރުޖަމާން އިބްރާހިމް މުއާޒު އަލީ މިރޭ ސަން އަށް ވިދާޅުވީ މޫސުން ތަން ނުދިނުމުގެ ސަބަބުން ރައީސްގެ ދެ ކަނބަލުން އީދު ސަލާން ކުރެއްވުމާއި އެދެ ކަނބަލުން ބައިވެރިވަޑައިގަންނަވާ ކުޑަކުދިންގެ ހަވީރު ފަސް ކުރުމަށް ނިންމާފައިވާ ކަމަށެވެ.
އޭނާ ވިދާޅުވީ އީދު ސަލާން ކުރެއްވުން ހޮނިހިރު ދުވަހު ބާއްވާ ގޮތަށް ނިންމާފައިވާއިރު މާދަމާގެ މޫސުން ރަނގަޅު ނަމަ ކުޑަކުދިންގެ ހަވީރު ބާއްވާނެ ކަމަށެވެ.
Raees ge dhekanbalunnaai Eid salaam kurevvun cancel vi nama ves moosun rangalhu nama Kudakudhinge Haveeru Eid dhuvahuge haveeru onnaane.
— Ibrahim Muaz Ali (@SpokespersonMV)July 16, 2015
އީދު ސަލާން ކުރެއްވުމުގައި ބައިވެރިވެވަޑައިގެން ދެއްވުމަށް ދިވެހި އެންމެހައި ރައްޔިތުންނާއި، އެކިއެކި ޖަމްޢިއްޔާ ޖަމާޢަތްތަކާއި، ބޭރުގެ ޢިއްޒަތްތެރިންނާއި މަންދޫބުންނަށް ރައީސްގެ ދެކަނބަލުން ވަނީ ދައުވާތު އަރުވާފައެވެ.
އީދު ސަލާން ކުރުމުގައި އާއިލާތަކާއެކު ވީހާވެސް ގިނަ އަދަދެއްގެ ކުޑަކުދިން ބައިވެރިކުރެއްވުމަކީ އެންމެ ރަނގަޅުކަމެއް ކަމަށާއި، ވީހާވެސް ގިނަ ޢަދަދެއްގެ ކުޑަކުދިންނާއި ޒުވާނުން ޢީދު ސަލާން ކޮށްލެއްވުމުގައި ބައިވެރިވެވަޑައިގެން ދެއްވުމަށް ރައީސް ޔާމީންގެ ދެކަނބަލުން ވަނީ އެދިވަޑައިގެންފައެވެ.