17 Jun 2015, 15:35
ޑާކްރެެއިން އެންޓަޓެއިންމަންޓްގެ "އެންމެ ފަހު ވިންދާ ޖެންދެން"ގެ ކާމިޔާބީ އަށްފަހު ޑާކްރެއިން އިން އުފައްދާ "ވާށޭ މަށާއެކީ" އަށް ވެސް އެ ފިލްމްގެ ދެ ލީޑް ތަރިން ހަމަޖައްސައިފި އެވެ.
ޑާކްރެެއިން އެންޓަޓެއިންގެ ފަރާތުން ތައްޔާރުކުރާ އެ ފިލްމްގެ ޑައިރެކްޓަރު އަލީ ޝިފާއު (ޗިއްޕެ) މިއަދު 'ސަން' އަށް ބުނީ އަހުމަދު ޖުމައްޔިލް ނިމާލް އާއި މަރިޔަމް މަޖުދާ (މަޖޫ) ލީޑް ރޯލް ކުޅޭ މި ފިލްމަކީ ލޯބީގެ ކޮމެޑީ ފިލްމެއް ކަމަށެވެ.
"މިއީ މިހާތަނަށް ދިވެހި ފިލްމަކުން ފެނިގެން ނުދާ މުޅިން ތަފާތު ސްޓައިލެއްގެ ފިލްމެއް. ލޯބީގެ އިތުރުން މަޖާކަންތައްތަކެއް މި ފިލްމުން ފެނިގެންދާނީ،" ޝިފާއު ބުންޏެވެ.
ޑާކްރެއިންގެ "ވާށޭމަށާއެކީ" ގެ މަންޒަރެއް -- ފޮޓޯ އެފްބީ
"އެންމެފަހު ވިންދާ ޖެހެންދެން" އަށްފަހު ޖުމައްޔިލާއި މަޖުދާ ވަނީ ބެލުންތެރިންގެ ބޮޑު މަގުބޫލްކަމެއް ހޯދައިފައެވެ.
ޑާކްރެއިންގެ އާ ފިލްމުގައި ހިމެނުމަށް އެ ދެ ތަރިން ހިޔާރުކުރީ ޖުމައްޔިލް އާއި މަޖޫއަކީ މިދާއިރާގައި މިހާރު ތިބި އެންމެ ލީޑިން ދެތަރިންކީ އެ ދެ ތަރިން ކަމުގައި ވާތީ އެ ދެ ތަރިން އިތުރަށް ޕްރޮމޯޓްކުރުން ކަމަށް ޝިފާއު ބުންޏެވެ.
މާލޭގައި މުޅި ފިލްމް ޝޫޓްކުރުމަށް ހަމަޖެހިފައިވާއިރު "ވާށޭ މަށާއެކީ"ގެ މަސައްކަތްތައް މިހާރު ދަނީ ކުރިއަށެވެ. އަދި ރޯދައިގެ ފަހުން ޝޫޓްކުރުމަށް ހަމަޖެހިފައިވާ އެ ފިލްމް އެޅުވުމަށް ހަމަޖައްސާފައިވަނީ އަންނަ އަހަރުގެ ކުރީ ކޮޅުގައެވެ. އެ ފިލްމުން މި ދާއިރާއަށް މުޅިން އަލަށް ތައާރަފްވާ މޫނުތައް ފެނި ފެނިގެންދާނެ ކަމަށް ޝިފާއު ބުންޏެވެ.