16 Jun 2015, 15:49
ލިވަބޯޑް އެސޯސިއޭޝަން އޮފް މޯލްޑިވްސް (ލޭމް) ގެ އަހަރީ އާއްމު ޖަލްސާ ރޭ ސޯލްޓް ކެފޭގައި ބާއްވައިފި އެވެ.
މި ޖަލްސާގައި ވަނީ އަންނަ ދައުރަށް ލޭމްގެ ރައީސް އާއި ނައިބް ރައީސް އަދި ހިންގާ ކޮމިޓީ އިންތިޚާބުކޮށްފައެވެ.
ލޭމްގެ ރައީސަކަށް ހޮވާފައި ވަނީ ހޭންޑީ ކުންފުނީގެ ހަސަން ހަލީމެވެ. ނައިބް ރައީސަކަށް ހޮވާފައި ވަނީ އާކު ޓްރެވެލްގެ އަބްދުﷲ ކާމިލްއެވެ. ސެކްރެޓަރީ ޖެނެރަލަކަށް ހޮވާފައި ވަނީ އަހުމަދު އާސިފް އެވެ. ޚަޒާންދާރަކަށް ހޮވާފައި ވަނީ ކެނޯޕަސް މޯލްޑިވްސްގެ އަހުމަދު އަފުރާހް އެވެ.
މީގެ އިތުރުން އެގްޒެކްޓިވް ބޯޑަށް ހޮވާފައިވާ މެމްބަރުންނަކީ:
އިބްރާހިމް ޝާހިދު – ބްލޫ ކޭ ސަފާރީ
- އިސްމާއިލް ހަމީދު – ފްލޯޓިން އޭޝިއާ
- ޝާރުދާ އަބްދުލް ޢަފޫރު – ވޮޔޭޖަސް މޯލްޑިވްސް
- އަހުމަދު އިބުރާހިމް – ނޫރާނީ 2
- ޝައްމޫން މުހައްމަދު – މެރިޓައިމް އެކަޑަމީ އޮފް މޯޯލްޑިވްސް
- މުފީދު އަބްދުﷲ - މޯލްޑިވްސް ބޯޓް ކްލަބް
- އަހުމަދު ޒުބެއިރު އާދަމް – ބްލޫ ހޮރައިޒަން
- މޫސާ ރަޝީދު – ވިސްޓާ ކޮމްޕެނީ
- އަހުމަދު ފަޔާޒް – މޯލްޑިވްސް މެޒޭކް
ލިވަބޯޑް އެސޯސިއޭޝަންގެ އާ ދައުރަން އިންތިޚާބު ކުރި ރައީސް ހަސަން ހަލީމް -- ސަން ފޮޓޯ: މުހައްމަދު ނާސިހު
ލޭމްގެ އާ ދައުރު ކާމިޔާބު ކުރެއްވި ހަސަން ހަލީމް ވިދާޅުވީ ސަފާރީ އިންޑަސްޓްރީ އިތުރަށް ކުރިއެރުވުމަށް މަސައްކަތްކުރައްވާނެ ކަަމަށެވެ.
" އަޅުގަނޑު މި އިންޑްސްޓްރީ ކުރެއެރުވުމަށް ތި އެއްމެހާ ބޭފުޅުންގެ އެހީތެރިކަން ބޭނުން" ހަސަން ހަލީމް ވިދާޅުވިއެވެ.
ލޭމްގައި 45 މެމްބަރުން ތިއްބަވާއިރު ރޭގެ ޖަލްސާ އަށް ހާޒިރިވެ ވޯޓްދެއްވީ 19 މެމްބަރުންނެވެ.
ލިވަބޯޑް އެސޯސިއޭޝަން އަކީ ސަފާރީ ގެންގުޅުއްވާ ފަރާތްތަކުން އުފައްދާފައިވާ ޖަމްއިއްޔާއެކެވެ.
ލިވަބޯޑް އެސޯސިއޭޝަންގެ އަހަރީ ޖަލްސާގެ ތެރެއިން -- ސަން ފޮޓޯ: މުހައްމަދު ނާސިހު