15 Jun 2015, 14:47
ކެއިން ބުއިމުގެ ހިދުމަތް ދޭ ތަންތަން ރޯދަ މަހު ބަންދު ކުރާ ގަޑި ދަންވަރު 2:00 އަށް އަދި ފިހާތައް ބަންދުކުރާ ގަޑި ރޭގަނޑު 11:00 އަށް ހަމަޖައްސައިފި އެވެ.
އިކޮނޮމިކް މިނިސްޓުރީން މިއަދު ނެރެފައިވާ އިއުލާނެއްގައި ބުނެފައި ވަނީ ސައިހޮޓާ ރެސްޓޯރެންޓް ހިންގުމުގެ ގަވައިދާއި ކެންޓީނު ހިންގުމުގެ ގަވާއިދުގެ ދަށުން ހުއްދަ ދީފައިވާ ތަންތަން ރޯދަ މަހު ދަންވަރު 2:00 އަށް ހިދުމަތް ދިނުމަށް ހުއްދަދީފައިވާ ކަމަށެވެ.
އެގޮތަށް ހުއްދަ ދޫކޮށްފައި ވަނީ އެފަދަ ތަންތަނުން ހާރުކާ ފަރާތްތަކަށް ފަސޭހަ ކޮށްދިނުމުގެ ގޮތުންނެވެ.
މީގެ ކުރިން ވެސް ރޯދަ މަސްތަކުގައި ވަނީ ދަންވަރު 2:00 އަށް ކެއިން ބުއިމުގެ ހިދުމަތްދޭ ތަންތަން ހުޅުވާފައި ބެހެއްޓުމަށް ހުއްދަ ދީފަ އެވެ.
ރޯދަ މަހުން ފެށިގެން އިމްޕޯޓް މުދާ ވިއްކާ ފިހާރަތައް ހުޅުވާފައި ބެހެއްޓޭނެ އެންމެ ލަސް ގަޑިއެއްގެ ގޮތުގައި ކަނޑައަޅާފައި ވަނީ 11:00 އެވެ. އާންމު ގަޑިޔަކީ 10:00 އެވެ.
މީގެ ކުރިން އާންމުކޮށް ދަންވަރު 1:00 އަށް ކެއިން ބުއިމުގެ ހިދުމަތްދޭ ތަންތަން ހުޅުވާފައި ބެހެއްޓި ނަމަވެސް މިހާރު އެފަދަ ތަންތަން ދަންވަރު 12:00 ގައި ބަންދުކުރަންޖެހެއެވެ.