15 Jun 2015, 14:48
މިދިޔަ މަހުގެ އެއްވަނަ ދުވަހު އިދިކޮޅު ފަރާތްތަކުން މާލޭގައި ބޭއްވި މުޒާހަރާގައި ފުލުހަކަށް ހަމަލާދިން ކަމުގެ ތުހުމަތުގައި 13 މީހެއްގެ މައްޗަށް ދައުވާ އުފުލައިފި އެވެ.
އެ 13 މީހުންގެ ތެރެއިން ތިން މީހެއްގެ މައްޗަށް އުފުލާފައި ވަނީ ހަތިޔާރެއް ބޭނުންކޮށްގެން މާރާމާރީ ހިންގުމުގެ ދައުވާއެވެ.
ދެންތިބި މީހުންގެ މައްޗަށް އުފުލާފައި ވަނީ ހަތިޔާރެއް ބޭނުންކޮށްގެން މާރާމާރީ ހިންގުމުގައި ބައިވެރިވުމުގެ ދައުވާ އެވެ.
ޕީޖީ އޮފީހުން އެ މީހުންގެ މައްސަލަ ކްރިމިނަލް ކޯޓަށް ފޮނުވާފައި ވަނީ މިދިޔަ ހަފްތާގެ ތެރޭގައެވެ. ދައުވާ އުފުލާފައިވާ 13 މީހުންނަކީ:
1. ސ. ހުޅުދ،ޫ އިރުވައި، އަހްމަދު އުނައިސް (33 އަހަރު)
2. ގ. ފްރެސްލައިޓް، އިބްރާހީމް ރަޝީދު (23 އަހަރު)
3. ސ. ހުޅުދޫ، އޮސްޓްރޭލިއާ، އިބްރާހީމް އިބާދު (28 އަހަރު)
4. ށ. ގޮއިދޫ، މާލާޒު، މުހައްމަދު ސިނާން (32 އަހަރު)
5. ގދ. ގައްދޫ، ލޮޓަސް، ލައުޝާން އަހްމަދު ޒާހިރު (21 އަހަރު)
6. ލ. ގަން، އެއްގަމުގެ، ނާސިރާ އަލީ (30 އަހަރު)
7. ތ. ގުރައިދޫ، ރޯސްވިލާ، އަހްމަދު އިބްރާހީމް (48 އަހަރުު)
8. މ. ބާންސަރީގެ، އިބްރާހީމް ލަބާން ޝަރީފް (19 އަހަރު)
9. މާލޭ ދަފްތަރު 9130 މޫސާ ޝަރުމީލް (35 އަހަރު)
10. ގ. ބްލޫވޭވް، ފަރުހަތު އަލީ (52 އަހަރު)
11. ގ. ކީމާ، އަބްދުﷲ ރަޝީދު މުހައްމަދު (48 އަހަރު)
12. މއ. ފޯޗިއުން، އަލީ ރަޝީދު (51 އަހަރު)
13. ގދ. ގައްދޫ، ނީލޯފަރުމާގެ، އުމަރު ގާހިރު (23 އަހަރު)
ޕީޖީ އޮފީހުގެ މީޑިއާ އޮފިޝަލް އަހްމަދު ހިޝާމް ވަޖީހު މިއަދު ސަން އަށް ވިދާޅުވީ އެ މައްސަލައިގައި ތުހުމަތުކުރެވޭ ދެ މީހެއްގެ މައްސަލަ އަދިވެސް ދިރާސާކޮށް ނުނިމޭ ކަމަށެވެ.