01 Jun 2015, 12:04
މަޝްހޫރު ކޮމެޑީ ޓީވީޝޯ "ދަ ބިގް ބޭންގް ތިއަރީ"ގެ ކާސްޓުންނާއި ކްރިއޭޓަރުން، މާލީގޮތުން އެހީއަށް ބޭނުންވާ ސައިންސް ދަރިވަރުންނަށް އެހީތެރިވުމުގެ ގޮތުން ހަތަރު މިލިއަން ޑޮލަރުގެ ސްކޮލާޝިޕް ފަންޑެއް ހުޅުވައިފި އެވެ.
އެ ފަންޑް ސްޕޮންސާ ކޮށްފައި ވަނީ ލޮސް އެންޖެލެސް، ކެލިފޯނިއާގެ ރައިވަލް ޔުނިވާސިޓީޣެ ސައިންސް ކިޔަވާ ދަރިވަރުންނަށެވެ. އަދި ސްކޮލާޝިޕްގެ ފުރަތަމަ 20 ދަރިވަރުން މި އަހަރުގެ އޯގަސްޓް ހިސާބުގައި އާންމު ކުރެވޭނެ ކަމަށް އޮންލައިން ނޫހެއް ކަމަށްވާ ރޭޑިއޯ ޓައިމްސް އިން ވަނީ ބުނެފަ އެވެ.
އެ ޝޯގެ ކްރިއޭޓާ ޗަކް ލޯރީ ބުނީ އެ ޝޯއަކީ ސައިންޓިފިކް ކޮމިއުނިޓީތަކުގެ ފަރާތުން ބޮޑެތި އެއްބާރުލުމާއި ލޯބި ލިބެމުން އަންނަ ޝޯއެއް ކަމަށާއި އެ ސްކޮލާޝިޕްގެ ފުރުސަތަކީ ކޮމިއުނިޓީ އަށް ދޫކުރާ އެއްޗެއް ކަމަށެވެ.
"ބިގް ބޭންގް އަކީ ސައިންޓިފިކް ކޮމިއުނިޓީއަށް ތައްޔާރުކޮށްފައިވާ ޝޯއެއް. އަޅުގަނޑުމެންނަށް ލިބޭ އެންމެ ބޮޑު އުފަލަކީ އެ ކޮމިއުނިޓިގެ ފަރާތުން އަޅުގަނޑުމެންގެ ޝޯއަށް އެހާ ބޮޑަށް ލޯތްބާ އެއްބާރުލުން ލިބުން. އެހެންކަމުން މި ސްކޮލާޝިޕްގެ ފުރުސަތުތަކަކީ ކޮމިއުނިޓީ އަށް އަޅުގަނޑުމެންގެ ފަރާތުން ދެވޭ އެއްޗެއް،" އޭނާ ބުންޏެވެ.
އެ ސްކޮލާޝިޕް ފަންޑަށް އެންމެ ފުރަތަމަ ފައިސާ ހަދިޔާ ކޮށްފައި ވަނީ ލޯރީ އެވެ. އަދި އޭގެ އިތުރުން ޕްރޮޑަކްޝަން ޓީމާއި ޝޯގެ ތަރިންތައް ވެސް ވަނީ އެއަށް ފައިސާ ހަވާލު ކޮށްފަ އެވެ.