28 May 2015, 11:20
ރާއްޖޭގެ މަޝްހޫރު ނެށުންތެރިޔާ ސުނީތާ އަލީ ޕްރިޔަންކާއަށްޓަކައި އޭނާ ހެދި ދެވަނަ ޓްރިބިއުޓް ސުނީތާގެ އުފަން ދުވަހު ރިލީޒްކޮށްފި އެވެ.
މިއަދަކީ ސުނީތާ އަލީގެ އުފަން ދުވަހެވެ. ރޭ 12 ޖެހިފަހުން ޔޫޓިއުބަށް ލާފައިވާ އެ ޓްރިބިއުޓްއާ ބެހޭ ގޮތުން ސުނީތާ ބުނެފައިވަނީ އެޓްރިބިއުޓަކީ ޕްރިޔަންކާ އަށްޓަކައި އޭނާ ހެދި ދެވަނަ ޓްރިބިއުޓް ކަމަށާއި އެ ޓްރިބިއުޓް ހެދުމުގެ ބޭނުމަކީ އޭނާ ޕްރިޔަންކާއަށް ކުރާ ސަޕޯޓް ހާމަކުރުން ކަމަށެވެ. އަދި އެއީ އޭނާ ޕްރިޔަންކާއަށް ދޭ ހަދިޔާ އެއް ކަމުގައިވެސް ބުނެފައިވެ އެވެ.
"މިފަހަރުގެ ޓްރިބިއުޓް ކުރިން ފަހަރު ހެދި ޓްރިބިއުޓަށް ވުރެ ވަރަށް ބޮޑުތަން ތަފާތު ވާނެ. ޓްރިބިޓާ މެދު ވަރަށް ބޮޑަށް ހިތްހަމަޖެހޭ. މިފަހަރުގެ ޓްރިބިއުޓް ހަދާފައިވާނީ ރާއްޖޭގެ ރީތި މަންޒަރުތައް ވެސް ހިމަނައިގެން. އެއީ ޕީސީ އަބަދު ވެސް ވަރަށް ގަޔާވޭ ރާއްޖޭގެ ރީތި މަންޒަރުތައް ބަލާލަން. އެހެންވެ މިފަަހަރުގެ ޓްރިބިއުޓް އޭނާ އަށް ވަރަށް ކަމުދާނެ ކަމަށް މިބަލަނީ. އެ ޓްރިބިޓް ވެގެންދާނީ ޕީސީ އަށް ވަރަށް ބޮޑު ސަޕްރައިޒަކަށް،" ޓްރިބިއުޓާ ބެހޭ ގޮތުން ސުނީތާ ވަނީ ބުނެފަ އެވެ.
ރާއްޖޭގެ ރީތި މަންޒަރުތައް ދައްކުވައިދޭ މި ޓްރިބިއުޓް ޝޫޓްކޮށްފައިވަނީ ސަން އައިލެންޑްގަ އާއި ވެރިރަށް މާލޭގަ އެވެ.