17 May 2015, 19:14
"އަޅުގަނޑު ކުރި ޓްވީޓް އެއީ މަލާމާތެއް ކަމަށް، އެއްވެސް ރައްޔިތަކަށް ގަބޫލުކުރެއްވޭ ނަމަ، އެ ބޭފުޅެއްގެ ފަރާތުން މާފަށް އެދެން އަޅުގަނޑަށް ކެރޭނެ" ކަމަށް ރައްޔިތުންގެ މަޖިލީހުގެ ވިލުފުށީ ދާއިރާގެ މެންބަރު އަދި ސަރުކާރު ހިންގާ ކޯލިޝަންގެ މައިޕާޓީ ޕީޕީއެމްގެ ޕާލިމެންޓްރީ ގްރޫޕުގެ ޑެޕިއުޓީ ލީޑަރު ރިޔާޒު ރަޝީދު ވިދާޅުވެއްޖެ އެވެ.
ރިޔާޒު މީގެ ކުޑައިރުކޮޅެއް ކުރިން ކުރެއްވި ޓްވީޓެއްގައި ވިދާޅުވެފައި ވަނީ، އޭނާއަކީ ވެސް ރާއްޖެތެރޭ މީހެއް ކަމަށެވެ. އަދި ރާއްޖެތެރޭ މީހުން" އެހެން ލިޔެގެން މައާފަށް އެދެން ނުޖެހޭ ކަމަށްވެސް އޭނާ ކުރިން ކުރެއްވި ޓްވީޓެއްގައި ވިދާޅުވެފައި ވެއެވެ.
Alhugandu Kuri tweet e ee malaamaatheh kamah eh ves Rayyithakah gaboolu kureveynama e beyfulhehge faraathun ma'aafah edhen Alhugadah kereyne
— Riyaz Rasheed (@riyaz_rasheed)May 17, 2015
"ރާއްޖެތެރޭ މީހުންނޭ" ވިދާޅުވެ މީގެ ތިން ދުވަސް ކުރިން ރިޔާޒް ކުރެއްވި ޓުވީޓަކާ ގުޅިގެން އޭނާއަށް އެކި ފަރާތްތަކުގެ ބަހުގެ ހަމަލާތައް ދަނީ ރައްދުވަމުންނެވެ. އެހެން ނަމަވެސް އޭނާ ވިދާޅުވީ، އޭނާގެ އެޓްވީޓަކީ ބަޔަކަށް މަލާމާތްކުރުމަށް ނުވަތަ ދަށްކޮށްލުމަށް ބޭނުންކުރި ޓްވީޓެއް ނޫން ކަމަށާއި އޭނާ ދައްކާ ވާހަކަ މީހުން ނުބައިކޮށް ތަރުޖަމާ ކުރަނީ ކަމަށެވެ.
"އަޅުގަނޑަކީ ރާއްޖެތެރޭ މީހެއް! އަޅުގަނޑުގެ ރެޖިސްޓްރީ އޮންނާނީވެސް ތ. މަޑިފުށީ އޯކިޑްމާގޭގަ!" ރިޔާޒްގެ އިތުރު ޓްވީޓެއްގައި ވިދާޅުވެފައި ވެއެވެ.
Alhugandakee Raajje therey meeheh ! Alhuganduge Registery onnaanee ves Th. Madifushi Orchidmaageyga !pic.twitter.com/VBMxeqGwxh
— Riyaz Rasheed (@riyaz_rasheed)May 17, 2015
"މުޒާހަރާ ކުރަން ދެން ރާއްޖެތެރޭ މީހުން މާލެއަކަށް ނާދެވޭނެ. އެ ފުރުސަތު ސަލާމަތީ ބާރުތަކުން ދެން ނުވެސް ދޭނެ" ކަމަށާއި "ރާއްޖެތެރޭ މީހުން މާލެ އައިސް މާލޭ މަގުތައް މަތީ މުޒާހަރާކޮށް މާރާމާރީ ހިންގައި ފުލުހުންނަށް އަނިޔާކުރުމުގެ ފުރުސަތެއް ދެނެއް ނުލިބޭނެ" ކަމަށް ވިދާޅުވެ ކުރެއްވި ޓްވީޓާ ގުޅުވައިގެން އޭނާ ވަނީ މި ދެތިން ދުވަހެއްގެ ތެރޭގައި ގިނަ އަދަދެއްގެ ޓްވީޓްތަކެއް ކުރައްވައިފައެވެ.
Raajje therey fahru veri dhariyakah ve hure Aharemen ge vaajibeh aharemenge Akhun nai Ukhthun salaamai koh dhinumakee.mivaahaka dhahkaanan.!
— Riyaz Rasheed (@riyaz_rasheed)May 16, 2015
އެގޮތުން އޭނާ ކުރެއްވި ޓްވީޓްތަކުގެ ތެރޭގައި "ރާއްޖެތެރޭ ފަހުރުވެރި ދަރިޔަކަށްވެ ހުރެ، އަހަރެމެންގެ ވާޖިބެއް އަހަރެމެންގެ އަޚުުންނާއި އުޚުތުން ސަލާމަތްކޮށްދިނުމަކީ، މިވާހަކަ ދައްކާނަން!" ކަމަށާއި "އަތޮޅުތެރެއަށް ނިސްބަތްވާ މީހަކަށްވެހުރެ، އެމީހުންނަށް އެމްޑީޕީއާ ގުޅިފައިވާ ޖަމާއަތްތަކުން ހިންގަނީ ހުސް ޖަރީމާ. ދެނީ ހުސް އަނިޔާ" ކަމަށް ވިދާޅުވެފައި ވެއެވެ.
އެމްޑީޕީން އޮޅުވާލައިގެން، ރަށްރަށުން މާލެ ގެންނަ ދިވެހި ރައްޔިތުންނަށް ސަލާމަތީ ބާރުތަކުން ރައްކާތެރިކަން ދިނުމަށްވެސް އޭނާ ގޮވާލައްވާފައިވެއެވެ.
އޭނާ ވިދާޅުވެފައި ވަނީ، އެމްޑީޕީއަށް އަތޮޅުތެރެ ފެންނަނީ، ވޯޓެއް ލާން ކައިރިވީމައާއި މުޒާހަރާކުރަން މީހުން ގެންނަން ވީމަ ކަމަށެވެ.
MDP ah Atholhu there, fennany vote eh laan jehunyma, muzaaharaa kuran veema...?pic.twitter.com/LSKcsqYhkh
— Riyaz Rasheed (@riyaz_rasheed)May 16, 2015
ރާއްޖެތެރޭ މީހުންނޭ ވިދާޅުވެ ރިޔާޒު ކުރެއްވި ޓްވީޓާ ގުޅޭގޮތުން ޕީޕީއެމްގެ ޕާލަމެންޓުރީ ގްރޫޕުގެ ލީޑަރު އަހުމަދު ނިހާން ހުސައިން މަނިކު ވިދާޅުވެފައި ވަނީ ރިޔާޒު އެ އިބާރާތް ބޭނުންކޮށްފައި ވާތީ ވަރަށް އަވަހަށް މާފަށް އެދިވަޑައިގަންނަވާނެ ކަމަށް ގަބޫލް ކުރައްވާ ކަމަށެވެ.
@ShafiuJameelhmmm.. Riyaz ge tweet gai beynun kuri Ibraaiy Badhalu kurumah mihaaru Vaanee dhannavaafa!
— Ahmed Nihan (@ahmed_nihan)May 16, 2015
"ރިޔާޒުގެ ޓްވީޓުގައި ބޭނުން ކުރި އިބާރާތް ބަދަލުކުރުމަށް މިހާރު ވާނީ ދަންނަވާފައި،" ނިހާން ޓުވީޓް ކުރައްވާފައިވެ އެވެ.