Last Updated: 1 decade 7 month ago
މަޓާޓޯ މޯލްޑިވްސް ޓްރެވަލް އެވޯޑްސް 2015 ދުބާއީގައި ބާއްވާ ޚާއްސަ އެޑިޝަންގެ ލައިވް ކަވަރޭޖަށް މަރުޙަބާ!
ސަންގެ ކިޔުންތެރީންނާ ހަމަައަށް، މި އެވޯޑުގެ ލައިވް ކަވަރޭޖް ގެނެސްދިނުމަށް ދުބާއީގައި ހަރަކާތްތެރި ވަނީ އަޅުގަނޑުމެންގެ ޖާނަލިސްޓް އަހްމަދު ޝަރުވާން. ސަން.އެމްވީ އަކީ މަޓާޓޯ މޯލްޑިވްސް ޓްރެވަލް އެވޯޑްސް 2015ގެ އޮފިޝަލް އޮންލައިން މީޑިއާ ޕާޓްނަރު.
ދުބާއީގެ ދުސިޓްތާނީ ހޮޓަލުގައި މިރޭ ކުރިއަށް ދަނީ މަޓާޓޯ މޯލްޑިވްސް ޓްރެވަލް އެވޯޑްސްގެ ހަތަރުވަނަ އެޑިޝަން. އެގޮތުން މިރޭގެ ރަސްމިއްޔާތުގައި ޖުމްލަ 10 ކެޓަގަރީއަކަށް އެވޯޑް ދޭއިރު، ސްޕެޝަލް ރިކޮގްނިޝަން ދެ އެވޯޑެއް ދޭނެ.
00:30
ދުބާއީ އިންމަޓާޓޯ ޓްރެވެލް އެވޯޑުގެ ދުބާއީގައި ކުރިއަށްގެންދިޔުމަށް ހަމަޖެހިފައިވާ ބައި ނިމުނީ. މި އެވޯޑުގެ ގްރޭންޑް ފިނާލޭ އޮންނާނީ އަންނަ ސެޕްޓެމްބަރު މަހު ކޯކޯ ބޮޑުހިތީގައި.
މިހާރު ކުރިއަށް ދަނީ ސައުންޑްސް އޮފް މޯލްޑިވްސްގެ ހަރަކާތްތައް، އެ ހަރަކާތްތަކަށް ފަހު ރަސްމިއްޔާތު ނިންމާލާނެ.
ސްޕެޝަލް ރިކޮގްނިޝަން އެވޯޑް ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު ފައިސަލް ނަސީމް އަށް ދީފި. އޭނާ އަށް އެވޯޑް ދިނީ ފަތުރުވެރިކަމުގެ ދާއިރާއަށް އާކިޓެކްޗާ އަދި ޑިޒައިނިން ދާއިރާއިން ގިނަ ޚިދުމަތްތަކެއް ކޮށްދީފައި ވާތީ.
ދެން އެ އެވޯޑް ދިނީ ގަސްފިނޮޅު އައިލެންޑް ރިސޯޓަށް. އެ ރިސޯޓަށް އެވޯޑް ލިބުނީ ފުލް ސޯލާ ޕަވާ ބޭނުން ކުރަމުން އަންނަ ރިސޯޓަކަށް ވާތީ
ލީޑިން އިންޓަނޭޝަނަލް ހޮޓެލް/ރިސޯޓު ބްރޭންޑް ގެ އެވޯޑް ލިބުނީ އަނަަންތަރާ ހޮޓެލްސް އެންޑް ރިސޯޓްސް އަށް.
ލީޑިން ޕްރައިވެޓް އައިލެންޑް ގެ އެވޯޑް ހާސިލްކުރީ "ކޮކޯ ޕްރައިވޭޓް ކުޑަހިތި" އިން.
ލީޑިން މީޓިން އެންޑް ކޮންފަރެންސް ރިސޯޓް ގެ އެވޯޑް ބަންޑޮސް މޯލްޑިވްސް އަށް ލިބިއްޖެ
ލީޑިން އިކޯ ރިސޯޓްގެ އެވޯޑް ހާސިލްކުރީ ސޮނެވާ ފުށި ރިސޯޓުން. އެ އެވޯޑަށް ޖުމްލަ ހަ ފަރާތަކުން ވަނީ ނޮމިނޭޓް ވެފައި. 2013 ވަނަ އަހަރު ވެސް މި އެވޯޑް ހާާސިލްކުރީ މި ރިސޯޓުން.
މަޓާޓޯ މޯލްޑިވްސް ޓްރެވަލް އެވޯޑްސް 2015ގެ ލީޑިން ގެސްޓްހައުސް ގެ އެވޯޑް ލިބުނީ އެރީނާ ބީޗް މޯލްޑިވްސް އަށް.
ލީޑިން އިންޓަނޭޝަނަލް އެއާލައިން ގެ އެވޯޑް ލިބުނީ ސްރީލަންކަން އެއާލައިން އަށް. އެއެވޯޑަށް ހަތަރު ފަރާތެއް ނޮމިނޭޓްވީ އިރު ސްރީލަންކަން އެއާލައިން އިން އެ އެވޯޑްހާސިލްކުރި މިއީ ހަތަރުވަނަ ފަހަރު.
ލީޑިން ލޯކޯސްޓް ކެރިއާ އެވޮޑް ހާސިލްކުރީ "ފްލައި ދުބާއީ" އިން. އެ ފަރާތަށް އެވޯޑް ހަވާލުކޮށްދެއްވީ ރައްޔިތުން މަޖިލީހުގެ ނައިބު ރައީސް ރީކޯ މޫސަ
ލީޑިން ހިއުމަން ރިސޯސް މެނޭޖްމަންޓް އެވޯޑް ހާސިލްކުރީ "ސަން އައިލެންޑް ރިސޯޓް އެންޑް ސްޕާ" އިން. މިއީ މިފަހަރު އަލަސް އިތުރު ކުރި ކެޓަގަރީ އެއް.
ލީޑިން ޓްރޭވަލް ޓެކްނޮލޮޖީގެ އެވޯޑަށް ވިއުޗުއަލް ހޮވިއްޖެ. އެ އެވޯޑަށް ދެ ފަރާތެއް ނޮމިނޭޓްވީ އިރު މިއީ ވިއުޗުއަލް އިން އެވޯޑް ޖެހިޖެހިގެން ހޯދި ތިންވަނަ ފަހަރު.
މިހާރު ކުރިއަށްދަނީ ސްޕޮންސަރުންނަށް ހަނދާނީ ލިޔުން ހަވާލުކުރުން.
ސްޕޮންސަރުންގެ ތެރޭގައި ހިމެނެނީ
*މެއިން ސްޕޮންސާ، އިބްރާހިމް ނާސިރު އިންޓަނޭޝަނަލް އެއާޕޯޓް (އައިއެންއައިއޭ)
* ކޯ ސްޕޮންސާ، އެލައިޑް އިންޝުއަރެންސް
*ކޯ ސްޕޮންސާ، ފްލައިމީ
* އެސޯސިއޭޓް ސްޕޮންސާ، އެސްޓީއޯ
*ކޯ ސްޕޮންސާ، ދަ ހޯކްސް
އެވޯޑް ދިނުމުގެ ރަސްމިއްޔާތަށްފަހު ފެނިގެންދާނީ ސައުންޑްސް އޮފް މޯލްޑިވްސް (އެސްއޯއެމް) ގެ ހާއްސަ ހަރަކާތްތަކެއް. އޭގެ ތެރޭގައި ފަސީ، އުނޫޝާ، ނޮތުނެގަލް އަދި ފުރަދަން ބޮޑުބެރު ހިމެނޭ.
މިހާރު ކުރިއަށް ދަނީ މަޓާޓޯ ގެ ރައީސް އަބްދުﷲ ގިޔާސްގެ ވާހަކަފުޅުދެއްކެވުން. އޭނާގެ ވާހަކަފުޅު ކުރިއަށްދާއިރު މަޓާޓޯގެ ޕްރެޒެންޓޭޝަނެއް ހުށަހަޅުއްވައިދެއްވާ
މިހާރު ކުރިއަށްދަނީ ރޭގަނޑުގެ ފަރިއްކޮޅު. ފަރިއްކޮޅަށްފަހު އެވޯޑު ދިނުން ކުރިއަށްދާނެ. އެވޯޑު ދިނުމުގެ ރަސްމިއްޔާތު ހުށަހަޅައިދެނީ ރާއްޖޭގެ މަޝްހޫރު ޕްރެޒެންޓަރު މަރިޔަމް ވަހީދާ.
މި ރަސްމިއްޔާތުގެ ޝަރަފްވެރި މެހެމާނަކީ ރާއްޖޭގެ ފިޝަރީޒް މިނިސްޓަރު ޑރ. މުހައްމަދު ޝައިނީ. މިރޭގެ ރަސްމިއްޔާތުގައި ދުބާއީގެ އެކިއެކި އިންވެސްޓަރުންގެ އިތުރުން ހޮޓެލިއާސް ބައިވެރިވޭ.
