26 Apr 2015, 15:07
ލޯފަން ކުދިން ކިޔަވަން ހާއްސަކޮށްފައިވާ މުސްހަފެއް ރާއްޖެއަށް ގެނެސްފި އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ކުރައްވާފައިވާ ޓުވީޓެއްގައި ވިދާޅުވެފައިވަނީ ލޯފަން ކުދިންނަށް ހާއްސަކޮށްފައިވާ ޤުރުއާން ރާއްޖެއަށް ގެނެސްފައިވަނީ ޖޯޑަން އިން ކަމަށެވެ.
ލޯފަން ކުދިންނަށް ހާއްސަކޮށްގެން ރާއްޖެއަށް ގެނައި މުސްހަފު -- ފޮޓޯ: ޓުވިޓާ
Lofan kudhin kiyavan khaassa Qur'an raajje mi genaee jorden in, v gina dhuvasvejje mi masakkay kaamiyaabu veytho masakkay kuraathaa!
— د.محمد شهيم علي سعيد (@Mohamedshaheem1)April 26, 2015
އަދި އެ މަސައްކަތް ކާމިޔާބުކުރެވޭތޯ މަސައްކަތް ކުރައްވާތާ ވަރަށް ގިނަ ދުވަސްތަކެއް ވެއްޖެ ކަމަށް މިނިސްޓަރު ޝަހީމް ވިދާޅުވެފައި ވެއެވެ.
"ލޯފަން ކުދިންނަށް ހާއްސަކޮށްފައިވާ ޤުރުއާން، މިނިސްޓްރީއަށް ގެނެސްފިން،" މިނިސްޓަރު ޝަހީމް ކުރައްވާފައިވާ ޓުވީޓްގައި ވިދާޅުވެފައިވެ އެވެ.
އެކަމާ ގުޅޭ އިތުރު ތަފްސީލު އިސްލާމިކް މިނިސްޓްރީން ވަނީ ލިބޭ ގޮތްނުވެފައެވެ.
ލޯފަން ކުދިންނަށް ހާއްސަކޮށްގެން ރާއްޖެއަށް ގެނައި މުސްހަފު މިނިސްޓަރު ޝަހީމް ދައްކަވައިލައްވަނީ -- ފޮޓޯ: ޓުވިޓާ
އިސްލާމިކް މިނިސްޓްރީގެ ޑެޕިއުޓީ މިިނިސްޓަރު ޑރ. އާއިޝަތު މުނީޒާ ވިދާޅުވީ، ލޯފަން ކުދިންނަށް ހާއްސަކޮށްގެން 20 ސެޓް ފޮތް ގެނެސްފައިވާ ކަމަށެވެ. އަދި އެ މުސްހަފްތައް ރާއްޖޭގައި ހިންގާ ލޯފަންކުދީންގެ ޖަމިއްޔާތައް މެދުވެރިކޮށް އެކުދީންނަށް ހަވާލުކުރުމަށް ވަރަށް އަވަހަށް ރަސްމިއްޔާތެއް ބޭއްވުމަށް ހަމަޖެހިފައި ވާ ކަމަށްވެސް މުނީޒާ ވިދާޅުވިއެވެ.