17 Apr 2015, 21:27
އަންނަ ހުކުރު ދުވަހު މޯލްޑިވިއަންގައި ލަންކާ އިން ރާއްޖެ އަށް އަންނަން ބޭނުން ފަރާތްތަކަށް އެއްކޮޅު ޓިކެޓް 60 ޑޮލަރަށް ވިއްކަން އައިލެންޑް އޭވިއޭޝަނުން ނިންމައިފި އެވެ.
އައިލެންޑް އޭވިއޭޝަންގެ މެނޭޖިން ޑިރެކްޓަރު އަބުދުލްހާރިޝް މިރޭ ސަން އަށް ވިދާޅުވީ އެ ދަތުރަކީ ވަންވޭ ދަތުރެއް ކަމަށާއި އެގޮތުން އެ ދަތުރުގައި ފުރުސަތު ލިބޭނީ މި މަހު 24 ވަނަ ދުވަހު ލަންކާ އިން ރާއްޖެ އަންނަން ބޭނުންވާ ފަރާތްތަކަށް ކަމަށެވެ.
އެ ދުވަހު ލަންކާ އިން ރާއްޖެ އަންނަ ފަރާތްތަކަށް 60 ޑޮލަރަށް ޓިކެޓް ވިއްކަން ފަށާފައިވާ ކަމަށް އޭނާ ވިދާޅުވި އެވެ.
"އަޅުގަނޑުމެން މި ވިއްކަނީ ވަންވޭ އެއީ ކޮލޮމްބޯ މާލޭ އެކަނި،" ހާރިޝް ވިދާޅުވި އެވެ.
އެދަތުރަކީ މޯލްޑިވިއަން އިން ސ. ގަމުން ފުރައިގެން ލަންކާ އަށް ބާއްވާ ޗާޓާ ފުލައިޓަކަށް ފަހު އަނބުރާ މާލެ އައުމަށް ބާއްވާ ދަތުރެކެވެ.
އެދަތުރުގައި ބޭނުން ކުރުމަށް ނިންމާފައި ވަނީ މޯލްޑިވިއަންގެ 154 ގޮނޑީގެ އެއާބަސް އޭ 320ގެ މަތިންދާބޯޓެވެ.