07 Apr 2015, 09:59
އިދިކޮޅު ފަރާތްތަކުގެ ދެކޮޅު ހެދުންތަކާއެކު ހިސޯރަކޮށްފައިވާ މިއަހަރުގެ ރައްޔިތުންގެ މަޖިލިސް ފުރަތަމަ ފަހަރަށް ހަލަބޮލި ކަމެއް ނެތި ޖަލްސާ ފަށައިފި އެވެ.
އެނގިފައިވާ ގޮތުގައި ރައްޔިތުންގެ މަޖިލީހުގެ މިއަދުގެ ޖަލްސާއަށް އިދިކޮޅު އެމްޑީޕީ އަށް ނިސްބަތްބާ އެއްވެސް މެމްބަރަކު މަޖިލީހަށް ހާޒިރުވެފައެއް ނުވެ އެވެ.
ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ދޫކޮށްލަން ގޮވާލައި މިއަހަރަށް މަޖިލިސް ހުޅުވުނު ދުވަހުން ފެށިގެން ޖަލްސާ އޮއްނަ ކޮންމެ ދުވަހަކު އެމްޑީޕީގެ މެންބަރުން ދަނީ އިހުތިޖާޖު ކުރަމުންނެވެ. އެމްޑީޕީގެ ބައެއް މެންބަރުން ބުނާ ގޮތުން ކުރީގެ ރައީސް ނަޝީދު ދޫކޮށްލަންދެން އެބޭފުޅުން އިހުތިޖާޖު ކުރާނެ އެވެ.
ރައްޔިތުންގެ މަޖިލީހުގެ ޖަލްސާގައި މިހާރު ބަހުސް ކުރަމުންދަނީ މޯލްޑިވްސް ބްރޯޑްކާސްޓިން ކޯޕަރޭޝަން އުވާލައި ޕަބްލިކް ސާވިސް މީޑީއާ އުފެއްދުމަށް ސަރުކަރު ފަރާތުން ހުށަހަޅާފައިވާ ބިލަށެވެ.