05 Apr 2015, 14:52
ނޫސްވެރިކަމުގެ މަސައްކަތުގައި މިދިޔަ އަހަރު އެންމެ މޮޅު ނޫސްވެރިންގެ އަގު ވަޒަން ކުރުމުގެ ގޮތުން މޯލްޑިވްސް މީޑިއާ ކައުންސިލް (އެމްއެމްސީ)އިން ދޭން ނިންމާފައިވާ ނޫސްވެރިކަމުގެ އެވޯޑަށް 15 ފަރާތަކުން ކުރިމަތިލައިފި އެވެ.
އެމްއެމްސީން ބުނީ އެ އިނާމަށް ކުރިމަތިލާފައި ވަނީ ރޭޑިއޯގެ ދާއިރާއިން ދެ ފަރާތަކާއި ޓީވީގެ ދާއިރާއިން ހަތް ފަރާތަކާއި ޕްރިންޓް އަދި އޮންލައިން މީޑިއާތަކުން ހަ ފަރާތް ކަމަށެވެ.
އިނާމަށް ކުރިމަތިލާފައިވާ ފަރާތްތަކުން ހުށަހަޅާފައިވާ ލިޔެކިޔުންތައް ވަޒަން ކުރުމުގެ މަސައްކަތް އެމްއެމްސީ އިން އެކުލަވާލާފައިވާ ފަސް މެމްބަރުންގެ ކޮމިޓީން ވަނީ ފަށައިފަ އެވެ.
ނޫސްވެރިކަމުގެ އިނާމަކީ ނޫސްވެރިންގެ ތެރެއިން މަސައްކަތުގެ އަހުލާގާއި ނަޒާހަތްތެރިކަން ދައްކުވައިދީ ރަނގަޅު ފެންވަރެއްގައި މަސައްކަތް ކުރާ ނޫސްވެރިންގެ މަސައްކަތް ފާހަގަކޮށް، މިނިވަން ނޫސްވެރިކަން ޒިންމާދާރު ގޮތުގައި ކުރިއަށް ގެންދިއުމަށް ހިތްވަރު ދނުުމުގެ މަގުސަދުގައި އެމްއެމްސީ ދިނުމަށް ހަމަޖައްސާފައިވާ އިނާމެކެވެ.