Last Updated: 1 decade 8 month ago
ބުލޮގު ޚުލާސާ
މާފަންނުގައި ހުންނަ ލިލީ ސްޓޯރުގެ ގުދަނެއްގައި ރޯވެ އަނދަން ފަށައިފި އެވެ.
އަލިފާން ރޯވެފައި ވަނީ ޕީޖީ މުހުތާޒު މުހުސިން ދިރިއުޅުއްވާ މިރިހިމާގޭ ކުރިމަތީގައި ހުންނަ ލިލީ ސްޓޯރުގެ ގުދަނެއްގަ އެވެ. އެ ގުދަނަކީ ޓިނުން ހަދާފައިވާ ތަނެކެވެ.
އެމްއެންޑީއެފް އިންފޮމޭޝަން އޮފިސަރު މޭޖަރު އަދުނާން މުހައްމަދު ވިދާޅުވީ އަލިފާންގަނޑު އެއްކޮށް ކޮންޓްރޯލް ކުރެވިފައިވާ ކަަމަށާއި އެ ހާދިސާގައި އެއްވެސް މީހަކަށް ގެއްލުމެއް ނުލިބޭ ކަމަށް. އަދި އަލިފާން ރޯވާން ދިމާވި ސަބަބެއް އަދި ނޭނގޭ ކަަމަށް ވެސް އޭނާ ވިދާޅުވި.
ލިލީ ސްޓޯރުގެ އިސް ވެރިޔަކު "ސަން"އަށް ދެންމެ ވިދާޅުވީ އަލިފާން ރޯވި ގުދަނުގެ ތެރޭގައި ހަތަރު ޓަނުގެ ލޮރީއަކާއި ތިން ޕިކަޕެއް ވެސް އޮންނާނެ ކަމަށް. ނަމަވެސް އެ ހުރިހާ ވެހިކަލްތަކުގައި ރޯވިކަން އަދި ކަށަވަރު ނުވާ ކަމަށް އޭނާ ބުނި.
ގުދަނުގެ ތެރޭގައި ގިނައިން ހުންނާނީ ކާބޯތަކެތީގެ ސާމާނު. ނޫޓުލްސް އާއި ކެއްކުމުގައި ބޭނުން ކުރާ ތެޔޮ ވެސް ކޮންމެ ވެސް ވަރަކަށް ހުންނާނެ. އަދި ކޮސްމެޓިކްސް ވެސް އެތަނުގައި ހުންނާނެ. ހުރިހާ ވެހިކަލްތަކުގައި
ޓިނާއި ދަގަނޑު ހޮޅިން ހަދާފައިވާ ގުދަން ވަނީ ރޯވެ، އަނދައި ހުލިވެފައި. ޓިނުތައް ދަނީ ދޮންވެގެން ގޮސް ވިރިފައި. އަދިވެސް އަލިފާންގަނޑު ކޮންޓްްރޯލެއް ނުކުރެވޭ.
ގުދަނުގައި އަލިފާން ރޯވި ވަގުތު ބާރުގަދަ ގޮވުންތަކެއް ގޮވި. ނަމަވެސް މިހާރު އެފަދަ އަޑުތަކެއް ނީވޭ.
އަލިފާން ނިއްވުމަށްޓަކައި ހަތަރު ލޮރީން ފެން ޖަހަމުންދަނީ. އަލިވެސް އަލިފާންގަނޑު ކޮންޓްރޯލެއް ނުވޭ.
އަލިފާން ރޯވި ގުދަން ހުރި ސަރަހައްދުގެ ގެތަކުން މީހުން ހުސްކުރަން ފަށައިފި.
ބައެއް މީހުން ނިދާ ހެދުމާއެކު ތިބީ މަގުމަތީގައި. ޕީޖީ މުހުތާޒާއި އެމަނިކުފާނުގެ އާއިލާ ވެސް ތިބީ މަގުމަތީގައި،
ގުދަނުގައި ރޯވެފައިވާ އަލިފާންގަނޑު ކޮންޓްރޯލް ނުކުރެވި އެހެން ގެތަކަށް ފެތުރިދާނެކަމުގެ ބިރު ވަނީ ބޮޑުވެފައި. ރޯވެފައިވާ ގުދަނުގެ ތެރޭގައި ލިލީ ސްޓޯރުގެ ބައެއް ވެހިކަލްތައް ވެސް ހުރި
އަލިފާންގަނޑު އަދިވެސް ކޮންޓްރޯލެއް ނުކުރެވޭ. ސަލާމަތީ ބާރުތަކުން ދަނީ އަލިފާންގަނޑު ކޮންޓްރޯލް ކުރުމަށްޓަކައި މަސައްކަތް ކުރަމުން. އާންމުން ވެސް އެކަމަށް އެއްބާރުލުން ދޭ.