18 Mar 2015, 22:25
ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމުގެ ޝަރަފުގައި، ސަޢޫދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒް އާލްސަޢުދު ފުރަމާނަ ޖާފަތެއް ބާއްވަވައިފި އެވެ. މި ޖާފަތް އޮތީ މިއަދު މެންދުރު ފަހު، ރަސްގެފާނު ސަލްމާން ބިން ޢަބްދުލްޢަޒީޒް އާލްސަޢުދުގެ ޝާހީ ގަނޑުވަރުގައެވެ.
މިފަރިއްކޮޅުގައި، ޞަޢުދީ ޢަރަބިއްޔާގެ ޝާހީ އާއިލާގެ އިސް ބޭފުޅުންނާއި، މިނިސްޓަރުން އަދި ސަޢޫދީ ސަރުކާރުގެ އިސް ވެރިން ބައިވެރިވެވަޑައިގެންނެވިއެވެ. މީގެ އިތުރުން ރައީސް ޔާމިން އަރިހުގައި ވަޑައިގެންނެވި ވަފުދުގެ އިސް ބޭފުޅުން ބައިވެރިވެވަޑައިގެންނެވިއެވެ.