Last Updated: 1 decade 8 month ago

Last Updated:
1 decade 8 month ago

ނަޝީދު 13 އަހަރަށް ޖަލަށްލުމަށް ހުކުމްކޮށްފި

    ބުލޮގު ޚުލާސާ
    ފުލުހުން ބަންދުކޮށްފައިވާ ސަރަހައްދަށް ވަންނަން މަސައްކަތް ކުރި ކަމުގެ ތުހުމަތުގައި ބާރުގެ ބޭނުންކޮށް މުޒާހަރާ ރޫޅާލަން ފުލުހުން ނުކުމެއްޖެ
    ----
    ހުރިހާ ބޭފުޅުން ވެސް ހިތްވަރު ގަދަ ކުރެއްވުމަށް ކުރީގެ ރައީސް މުހައްމަދު ނަޝީދު ގޮވާލައްވައިފި އެވެ. އެމަނިކުފާނު އެހެން ގޮވާލެއްވީ ކްރިމިނަލް ކޯޓުގެ އިސް ގާޒީ އަބްދުﷲ މުހައްމަދު (އަބްދުﷲ ގާޒީ) ހައްޔަރު ކުރި މައްސަލާގައި އުފުލާފައިވާ ޓެރަރިޒަމްގެ ދައުވާގެ ފަހު ޝަރީއަތަށް މިރޭ ކޯޓަށް ވަދެވަޑައިގެންނެވުމުގެ ކުރިންނެވެ.

    މިރޭ 8:30 ގައި ކްރިމިނަލް ކޯޓުގައި ކުރިއަށް ގެންދާ ޝަރީއަތަށް ފުލުހުންގެ ބަންދުގައި ހުރި ރައީސް ނަޝީދު ޖަސްޓިސް ބިލްޑިންއަށް ވަޑައިގެންނެވުމަށްފަހު، އެ ސަރަހައްދުގައި ތިބި މީޑިއާއަށް އިޝާރާތް ކުރައްވައި އެމަނިކުފާނު ވިދާޅުވީ ހުރިހާ ބޭފުޅުން ވެސް ހިތްވަރު ގަދަ ކުރެއްވުމަށް އެދިވަޑައިގަންނަވާ ކަމަށެވެ.

    ފުލުހުންގެ ވެހިކަލެއްގައި ޖަސްޓިސް ބިލްޑިންއަށް ވަޑައިގެންނެވި ނަޝީދު ވަނީ ވެހިކަލުން ފައިބައިވަޑައިގެން ޖަސްޓިސް ބިލްޑިންގެ ދޮރާށި ކައިރިއަށް ވަޑައިގެންފަ އެވެ. ދޮރު ހުރަސް ކުރައްވައި މަގަށް ނުކުންނެވުމަށް ފުލުހުން އެމަނިކުފާނަށް ޖާގައެއް ނުދެއްވަ އެވެ.

    00:59

    އިސްމާލީ ޖިނާއީ ތަޝްރީމުގެ ނިޒާމަށް ބަލާއިރު، މުހައްމަދު ނަޝީދުގެ ވަކީލުން ތަނާޒުލްވާން ޖެހޭ ސަބަބެއް ނެތް: ހުކުމް
    00:20

    މާފުށީ ޖަލުގައި ހާއްސަ ޔުނިިޓެއް ގާއިމު ކުރެވެންދެން ކުރީގެ ރައީސް މުހައްމަދު ނަޝީދުގެ މައްޗަށް މިރޭ ކުރި ހުކުމް ތަންފީޒު ކުރުމަށް ދޫނިދޫ ޖަލުގައި ބެހެއްޓުމަށް ފުލުހުންނަށް އަންގަވާފައިވާ ކަމަށް ހޯމް މިނިސްޓަރު އުމަރު ނަސީރު ވިދާޅުވެއްޖެ.
    00:20

    ބަންދުގެ ހުންނަވަނިކޮށް ވަކީލަކު ހަމަޖެއްސުމުގެ ފުރުސަތަކަށް ނަޝީދު އެދިވަޑައިގަތުމުން، ވަކީލުން ހަމަޖެއްސެވި ކަމަށާއި އެ ވަކީލުން އެމަނިކުފާނުގެ ޝަރީއަތުން ތަނާޒުލްވުމުން ބަންދުގައި ހުރެގެން ވަކީލަކު އަލުން ހަމަޖެއްސުމުގެ ފުރުސަތު ކޯޓުން ދީފައިވާ ކަމަށް ހުކުމްގައިވޭ.
    00:19

    ރައީސް ނަޝީދުގެ މައްޗަށް ޝަރިއަތް ހިންގުނީ އިންސާފަކުން ނޫން - ޝެއިޚް އިމްރާން
    00:11

    ނަޝީދުގެ މައްޗަށް މީގެ ކުރިން ޓެރަރިޒަމްގެ މައްސަލައެއްގައި ވައްކަމުގެ މައްސަލައަކާއި ދޮގު މައުލޫމާތު ދިނުމުގެ ކުށް ޝަރީއަތަށް ސާބިތުވެފައިވާކަން އެމަނިކުފާނުގެ ކުށުގެ ރެކޯޑަށް ބެލުމުން އެނގެން އޮންނަ ކަމަށް ހުކުމްގައި ފާހަގަކޮށްފައިވޭ.
    00:09

    އަބްދުﷲ ގާޒީ ގަދަކަމުން ފޮރުވައި ގާނޫނީ ނިޒާމުން ގެއްލުވާލުމުގެ ޒިންމާ ނަޝީދު ނަންގަވަން ޖެހޭނެކަމީ މި މައްސަލާގައި ޝަރީއަތަށް ހުށަހެޅިފައިވާ ކަންކަމަށް ބަލާއިރު، ދެބަސްވެވެން ނެތް ކަމެއް ކަމަށް ހުކުމްގައި ފާހަގަކޮށްފައިވޭ.
    00:09

    އަބްދުﷲ ގާޒީ ގަދަކަމުން ފޮރުވައި ގާނޫނީ ނިޒާމުން ގެއްލުވާލުމުގެ ޒިންމާ ނަޝީދު ނަންގަވަން ޖެހޭނެކަމީ މި މައްސަލާގައި ޝަރީއަތަށް ހުށަހެޅިފައިވާ ކަންކަމަށް ބަލާއިރު، ދެބަސްވެވެން ނެތް ކަމެއް ކަމަށް ހުކުމްގައި ފާހަގަކޮށްފައިވޭ.
    00:05

    އަބްދުﷲ ގާޒީ ދޫކޮށްލުމަށް ބައިނަލް އަގުވާމީ އެކި އިދާރާތަކުންނާއި ހިއުމަން ރައިޓްސް ކޮމިޝަނުން އެންގި އެންގުމުންނާއި ސުޕްރީމް ކޯޓާއި ހައި ކޯޓުން އަމުރު ނެރުމުން ފާޅުގައި އެ އަމުރުތަކަށް ނަޝީދު ގޮންޖައްސަވައި، ވާހަކަދައްކާފައިވާކަން ޝަރީއަތަށް ހުށަހެޅިފައިވާ ކަންތައްތަކުން އެނގެން އޮންނަ ކަމަށް ހުކުމްގައިވޭ.
    00:00

    ހުކުމްގައި ފާހަގަ ކުރި ނުކުތާތައް:

    އަބްދުﷲ ގާޒީ ދޫކޮށްލުމަށް ސުޕްރީމް ކޯޓާއި ހައި ކޯޓުން އަމުރުތައް ނެރުމުން ސިފައިން އެ އަމުރުތަކަށް ތަބާވެފައި ނުވަނީ އޭރުގެ ސިފައިންގެ އެންމެ މަތީ ވެރިޔާ މުހައްމަދު ނަޝީދުގެ ކިބައިގައި ގާޒީ ދޫކޮށްލުމުގެ ނިޔަތެއް ނެތުމުންކަން މި މައްސަލާގައި ހުށަހަޅާފައިވާ ކަންތައްތަކަށް ބަލާއިރު އެނގެން އޮންނަ ކަމަށް.

    00:00

    ހުކުމުގައި ފާހަގަކޮށްފައިވާ ނުކުތާތައް.

    ޝަރީއަތަށް ހުށަހެޅި ސީޓީތަކަށް ބަލާއިރު، އަބްދުﷲ ގާޒީ ގަދަކަމުން ސިފައިންގެ ބެލުމުގެ ދަށުން ކ. ގިރިފުއްޓަށް ގެންގޮސްފައި ވަނީ ނަޝީދުގެ އެނގުމާއި ފެނުމުގެ ތެރެއިން ކަމަށާއި އަދި އެކަން ކުރީ ނަޝީދުގެ އަމުރަށްކަން އެނގޭ ކަމަށް.

    23:56

    ޝަރުއީ ކޯޓުތަކުގެ ހުކުމް ތަންފީޒު ކުރެއްވުމަށް ސަރުކާރުން ފަސް ނުޖެހޭނެ ކަމަށް، ރައީސުލްޖުމްހޫރިއްޔާއާ ހަވާލާދީ ރައީސް އޮފީހުގެ ތަރުޖަމާނު ވިދާޅުވެއްޖެ އެވެ.
    23:53

    ރައީސް ނަޝީދުގެ މައްޗަށް 13 އަހަރުގެ ހުކުމެއް ފަނޑިޔާރުން އިއްވުމުން، ޝަރީއަތުގެ މަޖިލީހުގައި އެމަނިކުފާނު ވަނީ ހިނުތުންވެލައްވާފައި، މޫނުމަތިން ހާސްކަމެއް ނުފެނޭ.
    23:48

    ހުކުމްގައި ފާހަގަކޮށްފައިވާ ނުކުތާތައް.

    ޗީފް އޮފް ޑިފެންސް ފޯސް މޭޖާ ޖެނަރަލް އަހުމަދު ޝިޔާމް ހެކި ބަސް ދެމުން ބުނެފައި ވަނީ އަބްދުﷲ ގާޒީ ހައްޔަރު ކުރި ފަހުން އޭރުގެ ސިފައިންގެ އެންމެ މަތީ ވެރިޔާ ރައީސް މުހައްމަދު ނަޝީދު ސިފައިންނާ ބައްދަލު ކުރި ކަމަށާއި އެ ބައްދަލުވުމުގައި ވާހަކަފުޅު ދައްކަވަމުން އަބްދުﷲ ގާޒީ ހައްޔަރު ކުރުމުގެ ޒިންމާ ތިމަންމަނިކުފާނު ނަންގަވާނެ ކަމަށް މުހައްމަދު ނަޝީދު ވިދާޅުވެފައިވާ ކަމަށް.

    ފާހަގަ ކުރެވުނު ނުކުތާތަކުގެ ތެރޭގައި ޝިޔާމްގެ ހެކިބަސް ފަނޑިޔާރުން އިއްވަވަން ފެށުމުން ރައީސް މުހައްމަދު ނަޝީދު ކޮޅަށް ތެދުވެވަޑައިގެން ވިދާޅުވީ "މޭޖާ ޖެނަރަލް ޝިޔާމް އެހެން ވިދާޅުވި އަޑެއް އަޅުގަނޑު ނާހަން" ކަމަށް.

    23:46

    ސަލްސާ ރޯޔަލް ކައިރިން ސައިކަލެއްގައި ދިޔަ ދެ ފުލުހަކަށް ހަމަލާދީ، އެ ފުލުހުން ދަތުރުކުރި ސައިކަލަށް ގެއްލުންދީފި ކަމަށް ފުލުހުން ބުނެފި
    23:45

    ތިން ފަނޑިޔާރުންގެ އިއްތިފާގުން ކުރި ހުކުމްގައި ބުނެފައި ވަނީ ޓެރަރިޒަމް މަނާ ކުރުމުގެ ގާނޫނުގެ ގާނޫނުގެ (2) ވަނަ މާއްދާގެ (ށ)ގެ ދަށުން ނަޝީދު ކުށްވެރިވެއްޖެ ކަމަށް ކަނޑައަޅައި، އެ ގާނޫނުގެ (6) ވަނަ މާއްދާގެ (ށ)ގެ ދަށުން ނަޝީދު 13 އަހަރަށް ޖަލަށް ލުމަށް ހުކުމް ކުރާ ކަމަށް.
    23:38

    ހުކުމް އިސްތިއުނާފު ކުރާނެ ކަމަށް ރައީސް މުހައްމަދު ނަޝީދުގެ ގާނޫނީ ވަކީލުންގެ ޓީމުން ބުނެފި.
    23:36

    ރައީސް މުހައްމަދު ނަޝީދު 13 އަހަރަށް ޖަލަށްލުމަށް ކްރިމިނަލް ކޯޓުން ހުކުމްކޮށްފި
    23:33

    ޝަރީއަތުގެ މަޖިލީހަށްފަހު، ނަޝީދު ފުލުހުންގެ ވެހިކަލަށް އަރައިފި. އެމަނިކުފާނު މީޑިއާއަށް އިޝާރާތެއް ނުކުރައްވާ.
    23:31

    ފުލުހެއްގެ ބޯ ފަޅާލައިފި
    23:30

    ސަލްސާ ކައިރީގައި ކުރަމުންދާ މުޒާހަރާގެ ތެރެއަށް ބަޔަކު ވަނުމުން މުޒާހަރާގެ ބައިވެރިންނާ ދެމެދު ބަހުގެ ހޫނު ހަމަލާތަކެއް ރައްދުކޮށް، ހަމަނުޖެހުން ހިނގައިފި.
    22:53

    ހުލާސާ ބަޔާނަށްފަހު، ނަޝީދުގެ ޝަރީއަތް މެދުކަނޑާލިތާ ދޮޅު ގަޑިއިރު ވެެއްޖެ. ނޫސްވެރިން ތިބީ އަދިވެސް ޝަރީއަތް ކުރާ ކޯޓު ރޫމްގައި. ނޫސްވެރިން ޝަރީއަތުގެ މަޖިލީހުގައި ތިބުމުން ޝަރީއަތާ ގުޅޭ ތަފްސީލުތައް ލިބޭ ގޮތް ވަނީ ނުވެފައި. ބެލެވޭ ގޮތުގައި މިރޭ ހުކުމް ކުރާނެ.
    ފުލުހުން

    މުޒާހިރާގެ ބައިވެރިއަކަށް ޕެޕަ ސްޕްރޭގެ އަސަރުކުރުމާ ގުޅިގެން ހޮސްޕިޓަލުން ފަރުވާ ދިނުމަށްފަހު މިހާރު ވަނީ ދޫކޮށްލާފައި.
    21:52

    ހުލާސާ ބަޔާން އިއްވުމަށްފަހު ޝަރީއަތް މެދުކަނޑާލައިފި.
    21:10

    މުޒާހަރާ ރޫޅާލުމުގެ ކުރިން، ކޯޓު އަމުރެއްގެ ދަށުން މުޒާހަރާގެ ތެރެއިން މީހަކު ވަނީ ހައްޔަރުކޮށްފައި. އޭނާ ހައްޔަރު ކުރީ ގާނޫނާ ހިލާފު ހަރަކާތްތަކެއް ހިންގަން އުޅޭ ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން.
    21:04

    މުޒާހަރާގެ ތެރެއިން ގިނަ އަދަދެއްގެ ބަޔަކު ފުލުހުން ދަނީ ހައްޔަރު ކުރަމުން. މުޒާހަރާގެ ބައިވެރިން މިހާރު ވަނީ ދުރަށް ޖައްސާފައި. މުޒާހަރާ ކުރަމުންދަނީ ދެ ސަރަހައްދެއްގައި. އެއީ ސަލްސާ ރޯޔަލް ރެސްޓޯރަންޓް ކައިރީގަ އާއި ފަރީދީ މަގު ފެންޓަސީ ކައިރީގައި.
    20:57

    ރައީސް ނަޝީދުގެ ފަހު ޝަރީއަތާ ދިމާކޮށް، ކުރިއަށް ގެންދާ މުޒާހަރާ ރޫޅާލަން ފުލުހުން ނުކުތީ، ފުލުހުންނާ ކުރިމަތިލުމަށް ގަލާއި ފުޅިފަދަތަކެތި އުކަން ފެށުމުން. މުޒާހަރާގެ ބައިވެރިންގެ ވެހިކަލް ވެސް ވަނީ ފުލުހުންގެ ބެލުމުގެ ދަށަށް ގެންގޮސްފައި.