Last Updated: 1 decade 9 month ago

Last Updated:
1 decade 9 month ago

ފުލުހުން މުޒާހަރާ ރޫޅާލައިފި

    ބުލޮގު ޚުލާސާ
    މުޒާހަރާގެ ތެރެއިން "ތިމަރަބަރި" އުކަން ފެށުމުން، މުޒާހަރާ ހޫނުވެ، ހަމަނުޖެހުން އުފެދިއްޖެ އެވެ.
    މުޒާހިރާގެ ބައިވެރިންގެ ތެރެއިން ފުލުހުންނާ ދިމާލަށް އުކާފައިވާ ބަރިތަކެއް ދައްކާލަނީ -- ފޮޓޯ ޕޮލިސް މީޑިއާ
    އެމްޑީޕީ-ޖޭޕީން މާލޭގައި މިއަދު ބޭއްވި ހިނގާލުން ނިންމާލިކަން ރަސްމީކޮށް އިއުލާން ކުރިފަހުން، ހިނގާލުމުގެ ބައިވެރިންގެ ތެރެއިން ބަޔަކު ނުކުމެ، މުޒާހަރާ ކުރަން ފަށައިފި އެވެ.

    ފުލުހުން ބުނީ އެމްޑީޕީ-ޖޭޕީން މިއަދު ބޭއްވި އެއްވުން ނިންމާލިކަން ރަސްމީކޮށް އެ ދެ ޕާޓީތަކުން ފުލުހުންނަށް އަންގާފައިވާ ކަމަށެވެ.

    ރާޅުގަނޑު ސަރަހައްދުން ފެށި މުޒާހަރާ މާލޭގެ މަގުތަކުން ގޮސް ސޯޝަލް ސެންޓަރު ކައިރިއަށް މަޑުކުރުމަށްފަހު، އެމްޑީޕީގެ ޗެއާޕާސަން އަލީ ވަހީދު ވިދާޅުވީ މިއަދުގެ އެއްވުން ނިންމާލީ ކަމަށެވެ. އޭނާ ވިދާޅުވީ ބަންދުކޮށްފައިވާ ކުރީގެ ރައީސް މުހައްމަދު ނަޝީދު އިލްތިމާސް ކުރެއްވީ އެއްވުން ކުރިއަށް ގެންދާނީ ޖޭޕީގެ ލީޑަރު ގާސިމް އިބްރާޙިމްގެ އިރުޝާދުގެ ދަށުން ކަމަށާއި ގާސިމް ވިދާޅުވެފައި ވަނީ މައުރިބު ނަމާދަށް އެއްވުން ނިންމާލުމަށް ކަމަށެވެ.

    ސިޓީ ކައުންސިލް ކައިރިއަށް އެއްވެފައި ތިބި މީހުންގެ ތެރޭގައި ކުރީގެ ޑިފެންސް މިނިސްޓަރު އަމީން ފައިސަލާއެކު ކުރީގެ ބަންޑާރަ ނައިބު ދިޔާނާ-- ސަން ފޮޓޯ/ އާދަމް ނަޒީރު
    ހިނގާލުން ރަސްމީކޮށް ނިންމާލިކަން އަލީ ވަހީދު އިއުލާން ކުރެއްވުމާއެކު އެ ޕާޓީ އާއި ޖޭޕީގެ އިސްވެރިންތައް ވަނީ ގެއަށް ވަޑައިގެންފަ އެވެ. ނަމަވެސް މުޒާހަރާގެ ތެރެއިން ބަޔަކު މިސްރާބު ޖެހީ ޖުމްހޫރީ މައިދާނު ސަރަހައްދަށް ދިއުމަށްޓަކާ ބޮޑުތަކުރުފާނު މަގުން މަސްމާރުކޭޓު ސަރަހައްދަށެވެ.

    އެ ސަރައްހަށް ބަޔަކު ދިއުމަށް މިސްރާބު ޖަހާފައިވަނިކޮށް، އެހެން ބަޔަކު ވަނީ އަޑުގަދަ ކުރާ ބޭނުންކޮށްގެން މަޖީދީމަގާއި ޗާންދަނީ މަގާ ގުޅޭ ހަތަރު އަނގޮޅި ކަންމައްޗަށް އެއްވާން ގޮވާލާފަ އެވެ. އަދި އެހެން ގޮވުމަށްފަހު އެ މީހުން މިސްރާބު ޖެހީ އެދިމާލަށެވެ.

    ހިނގާލުން ނިންމާލިފަހުން މުޒާހަރާއަށް ނުކުތް މީހުން ފުލުހުންގެ ބެރިކޭޑްތަކުގެ ކުރިމަތީގައި-- ސަން ފޮޓޯ/ އާދަމް ނަޒީރު
    01:41

    މުޒާހަރާ ކުރާ ސަރަހައްދުގައި އެއްވެސް މީހަކު މިހާރު ނޫޅޭ. ފުލުހުން ވެސް ވަނީ އެ ސަރަހައްދު ދޫކޮށް ގޮސްފައި.
    01:23

    މުޒާހަރާ ދޫކޮށްދިޔުމަށް ފަހުގެ އިންޒާރުދިނުމަށްފަހު، އެސްއޯ ފުލުހުން ނުކުމެ މުޒާހަރާ ރޫޅާލައިފި
    01:16

    އެމްޑީޕީން މާލޭގައި ކުރިއަށްގެންދާ މުޒާހަރާ މިހާރު ރޫޅިއްޖެ
    01:16

    މަޖީދީމަގާ ޗާންދަނީ މަގު ގުޅޭ ހިސާބަށް މުޒާހަރާގެ ބައިވެރިން ފަހަތައް ޖައްސައިފި
    01:13

    މުޒާހަރާ ހުއްޓާލުމަށްފަހު އެ ސަރަހައްދުން ހުރިހާ އެންމެން ދިޔުމަށް ފުލުހުން އަންގަން ފަށައިފި
    01:05

    މިރޭ ކުރިއަށްދާ މުޒާހަރާގެ ތެރެއިން އަނެއްކާވެސް ދެ މީހަކު ހައްޔަރުކޮށްފި
    00:55

    މުޒާހަރާގެ ބައިވެރިން މިހާރު ވަނީ ސިޓީ ކައުންސިލާ ހަމައަށް ފަހަތަށް ޖައްސައިފައި
    00:53

    މުޒާހަރާގެ ބައިވެރިން ފަހަަތަށް ޖެއްސުމުގެ މަސައްކަތް ފުލުހުން ފަށައިފި
    00:49

    މުޒާހަރާ ރޫޅާލުމަށް އެސްއޯ ފުލުހުން ހަރަކާތްތެރިވާން ފަަށައިފި
    00:10

    މުޒާހަރާ ބާރައިގެ ފަހުން ވެސް ހުއްޓާނުލާ ކުރިއަށް ދަނީ. މިހާރު އަނެއްކާ އަލިކިލޭގެފާނު މަގާއި މަޖީދީމަގު ހަތަރުއަނގޮޅި ސަރަހައްދަށް މީހުން ވަނީ އެއްވާން ފަށައިފައި
    ފޮލިސް

    އެޗްއާރުސީއެމްގެ ނައިބް ރައީސް ތޮތާލު ފުލުހުންނާ ދިމާލަށް "ބާޢީންނޭ" ގޮވި މައްސަލަ މަޖިލީހަށް ހުށަހަޅައިފި

    ޝަރީއަތުގައި ހިނގަމުންދާ މައްސަލައަކާއި ގުޅިގެން ކޯޓު އަމުރެއްގެ ދަށުން ފުލުހުން ބަންދުގައި ބަހައްޓާ ހުންނެވި ކުރީގެ ރައީސް މުހައްމަދު ނަޝީދުގެ އަރިހަށް ޒިޔާރަތްކުރެއްވުމަށްފަހު، މިއަދުގެ ހަވީރުގެ ވަގުތެއްގައި މާލެ ވަޑައިގަތް ލޯންޗްމަތީގައި ހިއުމަން ރައިޓްސް ކޮމިޝަންގެ ނައިބު ރައީސް އަހުމަދު ތޮލާލު ވަނީ ފުލުހުންނާ ދިމާލަށް "ތިއީ ބާޣީންނޭ" ބުނެ ދިމާކުރައްވާފަ އެވެ. މި އަމަލަކީ މިފަދަ ޒިންމާދާރު މަގާމެއްގައި ހުންނެވި ބޭފުޅެއްގެ ފަރާތުން ފެނިގެންވާނެ ފަދަ އަމަލެއް ކަމަށް މޯލްޑިވްސް ޕޮލިސް ސާވިސްއިން ނުދެކެމެވެ. އެހެންކަމުން މިކަން ރައްޔިތުންގެ މަޖިލިހުގެ މިނިވަން މުއައްސަސާތަކާ ބެހޭ ކޮމިޓީއަށް މިހާރުވަނީ ހުށަހަޅާފައެވެ.

    23:26

    މިހާރު ކުރިއަށްދާ މުޒާހަރާގެ ތެރެއިން
    23:12ޕުލުހުންގެ އިދާރާ

    މުޒާހަރާއާ ގުޅިގެން މިހާތަނަށް 34 މީހަކު ހައްޔަރުކޮށްފައިވާ ކަމަށް ފުލުހުން ބުނެފި. އޭގެ ތެރޭގައި ދެ ބިދޭސީއަކު ވެސް ހިމެނޭ
    ރައީސްގެ ތަރުޒަމާނު

    އެމްޑީޕީ، ޖޭޕީން މިހާރު ކުރިއަށް ގެންދާ މުޒާހަރާއަކީ ސުލްހަވެރި މުޒާހަރާއެއް ނޫން ކަމަށް ރައީސުލް ޖުމްހޫރިއްޔާގެ ސްޕޯކްސްޕާޝަން އިބްރާހިމް މުއާޒު ވިދާޅުވެއްޖެ
    މިހާރު ކުރިއަށްދާ މުޒާހަރާއަކީ ސުލްހަވެރި މުޒާހަރާއެއް ނޫން
    22:44

    މިރޭ 19:55 އެހާކަންހާއިރު އިސްލާމިކް ބޭންކް ކައިރީ ޕޭމަންޓް މަތީގައި ހުރި ފޮށިގަނޑެއްގެ ތެރެއިން ފަސް ފުޅި ބަނގުރާ ފެނިފައިވާ ކަމަށް ފުލުހުން ބުނެފި. ފުލުހުން ބުނީ މިހާރު އެ ތަކެތި ވަނީ ފުލުހުންގެ ބެލުމުގެ ދަށަށް ގެނެސްފައި ކަމަށް.
    22:33

    މުޒާހަރާގެ ތެރެއިން ބަޔަކު ފުޅި ގޮއްވައިފި. ފުޅި ގޮއްވާފައި ވަނީ ފުލުހުން ޖަހާފައި ހުރި ބެރެކޭޑް ކައިރިން.
    22:29

    މިރޭ 12 ޖަހަންދެން މުޒާހަރާ ކުރިއަށް ގެންދާނެ ކަމަށް، ކުރީގެ ރައީސް މުހައްމަދު ނަޝީދުގެ ރަނިންމޭޓް ޑރ. މުސްތަފާ ލުތުފީ ދެންމެ ވިދާޅުވެއްޖެ. އޭނާ ވިދާޅުވީ ނަޝީދު ހައްޔަރުގައި ހުންނެވިހާ ދުވަހަކު އެމްޑީޕީ މެމްބަރުން ފަހަތަށް ނުޖެހޭނެ ކަމަށް.
    21:55

    މީޑިއާތަކަށް ހުރި ތްރެޓްތަކަށް ބެލުމަށް ފަހު ފުލުހުން ދަނީ މީޑިއާތަކަށް ސެކިއުރިޓީ ފޯރުކޮށްދެމުން. ފުލުހުން ބުނީ، ފުލުހުން ސެކިއުރިޓީ ފޯރުކޮށްދެމުންދާ ތަންތަނަކީ ވީޓީވީ، ދި ޓީވީ، ރާއްޖެ ޓީވީ ސަން އެފްއެމް އަދި ޗެނަލް 13 ކަމަށް. މީގެ އިތުރުން ދިވެހި ރާއްޖެ އަޑާއި ޓީވީ މޯލްޑިވްސްގެ ސެކިއުރިޓީ ކަންކަން ބަލަހައްޓަމުން ދަނީ ސިފައިން ކަމަށް.
    21:51

    މުޒާހަރާގެ ތެރޭގައި ހަރަކާތްތެރިވަމުން ދިޔަ ދެ ބިދޭސީއަކު ވަނީ ހައްޔަރުކޮށްފައި. ފުލުހުންގެ މީޑިއާ އޮފިޝަލް މިރޭ ވިދާޅުވީ އޭގެތެރެއިން އެކަކީ އިންޑިއާގެ މީހެއް ކަމަށާއި އަނެއް މީހާއާ ބެހޭ މައުލޫމާތު ސާފުކުރަމުން ގެންދާ ކަމަށް.
    21:19

    މުޒާހަރާ އިން ބައެއް މީހުން ހައްޔަރުކުރުމުގެ ތެރެެއިން
    21:18

    މުޒާހަރާތެރޭގައި ހުރި ދެ ބިދޭސީއަކު ހައްޔަރުކޮށްފި. ފުލުހުން ބުނަނީ އެކަކީ އިންޑިއާ ރައްޔިތެއް ކަމަށް. ދެ ވަނަ މީހަކީ ކޮން ގައުމެއްގެ މީހެއް ކަމެއް ނޭނގޭ.
    21:08

    ފުލުހުން މުޒާހަރާގެ ތެރެ އަށް ވަދެގެންފި. މުޒާހަރާގެ ބައިވެރިން ދަނީ އަލިކިލެގެފާނުމަގު ކަންމަތީގައި ތިބެގެން އަޑުއުފުލައި އިސްތިއުފާ އަށް ގޮވަމުން.
    20:51

    މުޒާހަރާގެ ބައިވެރިން އަލިކިލޭގެފާނުމަގާއި މަޖީދީމަގު ހަތަރު އަނގޮޅި ކަންމަތިން ދުރަށް ޖައްށައިފި. މުޒާހަރާގެ ގިނަ ބައިވެރިން މިހާރު ތިބީ ސިޓީ ކައުންސިލް ކައިރީގައި. ފުލުހުން ދަނީ ބާރުގެ ބޭނުންކޮށް މުޒާހަރާގެ ބައިވެރިން އެ ސަރަހައްދުން ދުރަށް ޖެއްސުމަށް މަސައްކަތް ކުރަމުން.
    20:28

    މުޒާހަރާގެ ބައިވެރިން "ފައްސަމުން" ގޮސް ފުލުހުން ވަނީ ޕެޕަ ސްޕްރޭ ވެސް ޖަހާފައި. މިހާރު ހައްޔަރު ކުރި މީހުންގެ އަދަދު ވަނީ 30 އަށް އަރާފައި.
    20:22

    މުޒާހަރާ ތެރެއިން މިހާތަނަށް ފުލުހުން ވަނީ 21 މީހަކު ހައްޔަރުކޮށްފައި. މުޒާހަރާ ތެރެއަށް ވަދެ ގަތް ގޭންގުން ދަނީ ނޫސްވެރިންނަށް ވެސް އިންޒާރު ދެމުން. މުޒާހަރާގެ ތެރެއަށް ވަދެ ގަތް ގްރޫޕުގެ މީހުންނާއި މުޒާހަރާގެ ބައިވެރިނާ ދެމެދު ބަހުގެ ހަމަލާތަކެއް ބަދަލުކޮށް، ހަމަނުޖެހުމަކަށް ގޮސްދާނެ ހާލަތަކަށް ވަނީ ގޮސްފައި.

    މުޒާހަރާގެ ތެރެއިން ހައްޔަރު ކުރި މީހުންގެ ތެރޭގައި އެމްޑީޕީގެ ކުރީގެ ރައީސް ޑރ. އިބްރާހިމް ދީދީ ވެސް ހިމެނޭ.

    20:19

    މުޒާހަރާ ރޫޅާލާނެ ކަމުގެ އިންޒާރު ފުލުހުން ދީފި. މުޒާހަރާގެ ތެރެއަށް ގްރޫޕަކުން ވަދެ ހިންގަމުންދާ ހަމަނުޖެހުން ފުލުހުންނަށް އަދިވެސް ކޮންޓްރޯލެއް ނުކުރެވޭ. މުޒާހަރާގެ ބައިވެރިން ގެންގުޅުނު ޕިކަޕް ވަނީ ފުލުހުންގެ ބެލުމުގެ ދަށަށް ގެންގޮސްފައި
    20:16

    ގްރޫޕަކުން ވަދެ ހިންގި ހަމަނުޖެހުމުގައި ނޫސްވެރިންނަށް ވަނީ އަނިޔާވެފައި. އެގޮތުން ރާއްޖެ ޓީވީގެ ބައެއް އިކިއުޕްމަންޓްތަކަށް ގެއްލުންވި ކަމަށްވޭ.

    މުޒާހަރާގެ ތެރެއިން ހިނގި ހަމަނުޖެހުމާ ގުޅިގެެން ފުލުހުން ވަނީ ބާރުގެ ބޭނުންކޮށް ބައެއް މީހުން އެ ސަރަަހައްދުން ފައްސައި، އެއް ބަޔަކު ހައްޔަރުކޮށްފައި.

    20:15

    މުޒާހަރާ ތެރެއަށް ގްރޫޕަކުން ވަދެ ހަމަނުޖެހުން ހިންގައިފި.
    19:58

    މުޒާހަރާ ތެރެއިން ފުލުހުންނާ ދިމާލަށް ކަޅުތެޔޮ ޕެކެޓެއް އެއްލައިފި. ޖޫސްޕެޓީ ބަންދުކުރާ ޕެކެޓަށް އަޅާފައި އެއްލި ކަޅުތެޔޮ ޕެކެޓުން ފުލުހެއްގެ ގައިގައި ވަނީ ޖެހިފައި.
    19:53

    މުޒާހަރާގެ ބައިވެރިން އެއްވެފައި ވަނީ ރައީސް ޔާމިންގެ ގެކޮޅު ހުންނަ އަލިކިލޭގެފާނުގެ މަގާއި މަޖީދީ މަގާ ގުޅޭ ކަންމައްޗަށް. އެ ސަރަަހައްދުގައި މީގެ ކުޑައިރުކޮޅެއް ހިނގި ހަމަނުޖެހުމަކާ ގުޅިގެން ރަޔަޓް ފުލުހުން ވަނީ މުޒާހަރާގެ ބައިވެރިންގެ ތެރެއަށް ވަދެގެންފައި.

    އެ މީހުން އެ ސަރަހައްދުން ދުރަށް ޖެއްސުމަށް ރަޔަޓް ފުލުހުން މަސައްކަތް ކުރި. ނަމަވެސް އަނެއްކާވެސް އެނބުރި އެ މީހުން ވަނީ އެ ސަރަހައްދަށް ޖަމާވެފައި.

    19:50

    މުޒާހަރާގެ ތެރެއިން ފުލުހުންނާ ދިމާލަށް އުކި ތިމަރަބަރިއަކުން ވީ މީޑިއާގެ ނޫސްވެރިއެއްގެ ގައިގައި ޖެހިއްޖެ. އޭނާގެ ބަނޑުގައި ޖެހުނުތަން ވަނީ ނޫފައިގެންފި. އަދި "ވަގުތު"ގެ ފޮޓޯގްރާފަރެއްގެ ގައިގައި ވެސް ތިމަރަބަރިއަކުން ވަނީ ޖެހިފައި.