Last Updated: 1 decade 9 month ago
ބުލޮގު ޚުލާސާ
އެމްޑީޕީ-ޖޭޕީ ގުޅިގެން ރާޅުގަނޑު ސަރަަހައްދުގައި ބާއްވާ މުޒާހަރާ ކުރިއަށް ގެންދާނީ މިއަދު ހަވީރު 4:00 އިން ފެށިގެން އިރުއޮއްސި 6:00 ޖަހަންދެން ކަމަށް ޖުމްހޫރީ ޕާޓީ (ޖޭޕީ) އިން ބުނެފި އެވެ.
އެ ޕާޓީން އެހެން ބުނެފައި ވަނީ ދާދި ދެންމެއަކު ނެރުނު ނޫސްބަޔާނެއްގަ އެވެ.
އެއްވުން ނިންމާލައިފި. ނިންމިކަން އިއުލާން ކުރެއްވީ އެމްޑީޕީގެ ޗެއާޕާސަން އަލީ ވަހީދު. އޭނާ ވިދާޅުވީ ސަރުކާރަށް 13 ޑިމާންޑެއް ހުށަހަޅުއްވާފައިވާ ކަމަށް.
މި އެއްވުމުގައި ބައިވެރިވާ އެތައް ބަޔަކު ކުރިމަތިލާން ބޭނުންވާކަން އަޅުގަނޑަށް އިނގޭ. މި ބޮޑު އެއްވުމުގެ ބައިވެރިން ކުރިމަތިލައިފިނަމަ ލޭ އޮހޮރުވުމަށް ހިނގައިދާނެ. މި އޮއްވުމުގެ ބޭނުމަކީ އަޅުގަނޑުމެންގެ ސައިޒު ސަރުކާރަށް ދައްކާލުން.
މުޒާހަރާ ނިންމާލާނެ ކަމެއް އަދި އިއުލާނެއް ނުކުރޭ. ޖޭޕީން ނެރުނު ބަޔާނުގައި ބުނެފައި ވަނީ އިރުއޮއްސި 6:00 އަށް އެއްވުން ނިންމާލާނެ ކަމަށް. ރާޅުގަނޑު ސަރަހައްދުން ފެށި މުޒާހަރާ ބޮޑުތަކުރުފާނު މަގުން އުތުރަށް ގޮސް މަޖީީދީމަގުން ހުޅަނގުން ގޮސް މިހާރު ތިބީ ސޯޝަލް ސެންޓަރު ކައިރީ މަޖީދީ މަގާއި ބޮޑުތަކުރުފާނު މަގު ގުޅޭ ސަރަހައްދުގައި.
މުޒާހަރާގެ ޑިމާންޑުތައް
- ނަޝީދު މިނިވަން ކުރުން
- ނާޒިމް މިނިވަން ކުރުމުން
- އާޒިމް މިނިވަން ކުރުމަށް
- ސިޔާސީ ބޭފުޅުންގެ މައްޗަށް ކުރާފައިވާ ދައުވާތައް އަނބުރާ ގެންދިއުމަށް
- އަސާސީ ހައްގުތައް ހަނި ކުރަން ގާނޫނު އަސާސީއަށް އިސްލާހު ހުށަނޭޅުމަށް
މުޒާހަރާގައި މައްޗަންގޮޅީ އުތުރު ދާއިރާގެ މެމްބަރު އަބްދުﷲ ޝާހިދު ވާހަކަފުޅު ދައްކަވީ. ބައިނަލް އަގުވާމީ ފެންވަރުގައި ރާއްޖެ ފަލީހަތް ވެއްޖެ ކަމަށާއި ސަރުކަރު އޮތީ ފެއިލްވެފައި ކަމަށްް ޝާހިދު ވިދާޅުވި.
އަޅުގަނޑުމެން ހަލުވާލާ އިރަށް ވެއްޓޭނެ
އިތުރު ހަތިޔާރުތަކެއް ފުލުހުން ހޯދައިފި. ފުލުހުން ބުނީ އެތަކެތި ފެނިފައިވަނީ ދަރުބާރު ގޭގެ އިރު ދެކުނު ކަންމަތިން ކަމަށް.
ދަރުބާރުގެ އިރު ދެކުނު ކަންމަތީ ގަސްތަކުގެ ތެރެއިނިް ދަނގަނޑު ބުރިތަކަކާއި ހަންޖަރަކާއި ބޮޑު ތިން ވަޅިއެއް ފެނިފައިވޭ
އަޅުގަނޑުމެން މި ސަރުކާރު ގެނައީ ވަރަށް މުހިއްމު މަގުސަދެއްގައި. އިޖުތިމާއީ އަދި އިގްތިސާދީ ގޮތުން ތަރައްގީތަކެއް ގެނައުމަށް. އެހެންނަމަ ވެސް ހިޔާލުތަފާތުވުންތަކެއް އުފެދިގެން ދިޔައީ... އަޅުގަނޑުމެންނާއި ޕީޕީއެމާއެކު އޮތް އެއްބަސްވުން ރޫޅިގެން ދިޔަ ނަމަ ވެސް އިތުރަށް ކުރަންޖެހޭ ޑިމާންޑުތަކެއް ނެތް.
ބައެއް ތަކެތިން ޑިއުޓީ ނަގަން ފެށުމުން އެކަމާ ކަންބޮޑުވެވަޑައިގެން ވެސް ގާސިމް ވާހަކަފުޅު ދެއްކެވި. މަސްވެރިންނާ ދަނޑުވެރިންނަށް ދޭން ސަރުކާރުން ވައުދުވެފައިވާ އިނާޔަތްތައް ސަރުކާރުން ނުދޭ ކަމަށް ގާސިމް ވިދާޅުވި. ސަރުކާރުން ކުރަމުންދާ ކޮރަޕްޝަންގެ ކަންތައްތައް ހުއްޓާލުމަށް ވެސް ގާސިމް ގޮވާލެއްވި.
ގާސިމްގެ ވާހަކަފުޅުގައި ވިދާޅުވީ މުޒާހަރާގެ ބޭނުމަކީ ސަރުކަރު ބަދަލު ކުރުން ނޫން ކަމަށް. ގާނޫނު އަސާސީގައި ބުނެފައިވާ ހައްގުތައް ހަނި ނުކުރަން ގޮވާލާ ކަމަށާއި މިއަދުގެ އެއްވުމުގައި ހަމަނުޖެހުން ހިންގާ ބަޔަކު އެކަމުގެ ޒިންމާ އުފުލަންޖެހޭނެ ކަމަށް ވެސް ގާސިމް ވިދާޅުވި.
ގާސިމް ސަރުކާރަށް ކުރާ ޑިމާންޑުތައް
- އޮޑިޓާ ޖެނަރަލް ގާނޫނަށް ގެނެސްފައިވާ އިސްލާހު އަނބުރާ ގެނައުމަށް.
- ކާނަލް ރިޓަޔާޑް މުހައްމަދު ނާޒިމް ދޫކޮށްލެއްވުން.
- ނަޝީދުގެ މައްޗަށް ކުރައްވާފައިވާ ދައުވާ އަނބުރާ ގެނައުމަށް.
* ތިން ޑިފެންސް މިނިސްޓަރުގެ މައްޗަށްކޮށްފައިވާ ދައުވާތައް ވެސް އަނބުރާ ގެނައުމަށް
އެއްވެސް ދިވެހި ރައްޔިތަކު ހަމަނުޖެހުމަކަށް ޖާގަ ނުދިނުން. މިއީ އަޅުގަނޑުމެންގެ އިލްތިމާސް. މި އެއްވުން އަޅުގަނޑުމެން ނިންމާލާނީ މައުރިބު ނަމާދުގެ ކުރިން، ކުރަންޖެހޭ ޑިމާންޑުތަކާއެކުގައި.
މުޒާހަރާ ކުރީގައި އޮތީ ޕިކަޕެއް. ޕިކަޕުގެ ފަހަތުން މުޒާހަރާގެ ބައިވެރިން ހިނގާފައި ދަނީ ބޮޑުތަކުރުފާނު ޓަސްކަލޫސާ ކައިރިއަށް.
ފުލުހުން އުސްފަސްގަނޑު ސަރަހައްދު ބަލައި ޗެކް ކުރަނީ. މުޒާހަރާގައި ބައިވެރިވުމަށް ގިނަ ބަޔަކު ވަނީ އެ ސަރަހައްދަށް ޖަމާވެފައި. މުޒާހަރާ ސުލްހަވެރި. އެއްވެސް ހަމަނުޖެހުމެއް ނުހިނގާ.
އުސްފަސްގަނޑު ސަރަހައްދުން ހަތިޔާރުތަކެއް ފެނިފައިވާ ކަމަށް ފުލުހުން ބުނެފި.
ދަގަނޑު ހޮޅި ބުރިއާއި ކަތިވަޅި އާއި ކަނޑި ވަނީ އެތަނުން ފެނިފައި