ބައެއް ސިޔާސީ ފަރާތްތައް "ފްރޭމް" ކުރަން އުޅޭކަމަށް އެކި ފަރާތްތަކުން ދައްކާ ވާހަކަތައް ފުލުހުން ދޮގުކޮށްފިއެވެ.

މިރޭ ބޭއްވި ނޫސްވެރިންގެ ބައްދަލުވުމުގައި ސުޕްރިންޓެންޑެންޓް އޮފް ޕޮލިސް ހަމްދޫން ރަޝީދު ވިދާޅުވީ ބައެއް ސިޔާސީ ފަރާތްތައް ފްރޭމްކުރުމުގެ ގޮތުން އެފަދަ ބޭފުޅުންގެ ގެއަށް މަސްތުވާތަކެތި ވައްދާ ކަމަށް ދެކެވޭ ވާހަކަތަކަކީ ހަގީގަތެއް ނޫންކަމަށެވެ.

އޭނާ ވިދާޅުވީ ސިޔާސީ ފަރާތްތަކަށް ރައްކާތެރިކަން ނެތް ކަމަށް ބުނެވެސް ވާހަކަތައް ދައްކަމުން ގެންދާ ކަމަށާއި އެއީ އެއްވެސް އަސާސެއް ނެތް ވާހަކަތަކެއް ކަމަށެވެ.

އެފަދަ ތުހުމަތުތައް ފުލުހުންގެ މައްޗަށް ކުރަމުންދައިރު، މިހާތަނަށް އެފަދަ އެއްވެސް ކަމެއް ފުލުހުން ކޮށްފައިނުވާނެ ކަމަށާއި ކުރިއަށް އޮތްތަނުގައި ވެސް ފުލުހުން އެފަދަ ކަމެއް ނުކުރާނެ ކަމަށް ހަމްދޫން ވިދާޅުވިއެވެ.

ފުލުހުންގެ ނޫސްކޮންފަރެންސް ނިންމާލައިފި.

ބަޔަކު ފްރޭމް ކުރަން ފުލުހުން މަސައްކަތްކުރާކަމަށް ދެކެވޭ ވާހަކައަކީ އެއްވެސް އަސާސެއްގެ މައްޗަށް އެކުލެވިގެންވާ ވާހަކައެއް ނޫން. އެފަދަ ކަމެއް ފުލުހުން ނުކުރާނެ.

ފުލުހުންނަށް ސިޔާސީ ފަރާތްތަކުން ފައިސާ ހުށަހަޅައިގެން ކަންތައްތައް ކުރުވަން އުޅޭ. އެ މައްސަލަތައް ބަލާނަން

ފުލުހުންގެ މެޑިކަލް ޓީމުން ރައީސް ނަޝީދުގެ ސިއްހީ ހާލުކޮޅު މިހާރު ވަނީ ބައްލަވާފައި. އިތުރަށް ހޮސްޕިޓަލަށް ގެންދަން ޖެހިއްޖިއްޔާ ގެންދާނަން.

ކޯޓަށް ހާޒިރުކުރުމަށްޓަކައި ޖަސްޓިސް ބިލްޑިންގަށް ވައްދަން އުޅުމުން ރައީސް ނަޝީދު އެކަމާ ދެކޮޅު ހައްދަވައި އަމިއްލައަށް ބިންމައްޗަށް ވެއްޓިވަޑައިގަތީ.

ރައީސް ނަޝީދު ބިންމައްޗަށް ވައްޓާލައި އަނިޔާ ކުރިކަމަށް ދެކެވޭ ވާހަކަތަކަކީ އެއްވެސް ހަގީގަތެއް ނެތް ވާހަކަތަކެއް.