25 Dec 2014, 14:45
ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް ޓިއުނީޝިއާގެ ރައީސްކަމަށް އިންތިޚާބުވެވަޑައިގެންނެވި ބާޖީ ކާއިދް އައްސަބްސީ އަށް ތަހުނިޔާ ވިދާޅުވެއްޖެ އެވެ.
ރައީސުލްޖުމްހޫރިއްޔާ ފޮނުއްވި ތަހުނިޔާގެ މެސެޖުގައި، މި މުނާސަބަތުގައި ދިވެހި ސަރުކާރާއި ރައްޔިތުންނާއި އެމަނިކުފާނުގެ އަމިއްލަ ނަންފުޅުގައި، އިޚްލާޞްތެރި ހެޔޮއެދުންތައް ފޮނުއްވާފައިވެ އެވެ.
ރައީސުލްޖުމްހޫރިއްޔާގެ މެސެޖުގައި، ބާޖީ ކާއިދް އައްސަބްސީގެ ޒަޢާމަތުގައި، ރާއްޖެއާއި ޓިއުނީޝިއާއާ ދެޤައުމުގެ ދެމެދުގައި އޮތް އަޚުވަންތަ ގުޅުން، އިތުރަށް ބަދަހިވެގެންދާނެކަން ޔަޤީން ކުރައްވާ ކަމުގައި ވިދާޅުވެފައިވެ އެވެ.
އަދި، ޓިއުނީޝިޔާގެ ޑިމޮކްރެސީ ހަރުދަނާ ކުރުމަށް ކުރެވެމުންދާ މަސައްކަތުގައި ރާއްޖެއިން އަބަދުވެސް އެއްބާރުލުން ދެއްވަމުން ގެންދަވާނެ ކަމުގައިވެސް ވިދާޅުވެފައިވެ އެވެ.