21 Dec 2014, 20:56
ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްގައްޔޫމާއި އެމަނިކުފާނުގެ އަނބިކަނބަލުން ފާޠިމަތު އިބްރާހީމް، ރ. އުނގޫފާރަށް މިއަދު ހަވީރު ވަޑައިގެންފި އެވެ.
ރައީސުލްޖުމްހޫރިއްޔާގެ މިދަތުރުފުޅުގައި، އުނގޫފާރު ރީޖަނަލް ހޮސްޕިޓަލުގެ އާ ޢިމާރާތް ހުޅުއްވައި ދެއްވުމަށް ވަނީ ހަމަޖެހިފަ އެވެ. މިރޭ އުނގޫފާރުގައި އޮންނަ އެ ރަސްމިއްޔާތުގައި ރައީސް ޔާމީން ވާހަކަފުޅު ދައްކަވާނެ އެވެ.
ރައީސުލްޖުމްހޫރިއްޔާގެ ދެކަނބަލުން އުނގޫފާރަށް ވަޑައިގަތުމާ އެކު، އެރަށު ރައްޔިތުން ވަނީ ވަރަށް ހޫނު މަރުޚަބާއެއް ދަންނަވައިފަ އެވެ.